Aquí pode consultar diariamente as previsións informativas da Corporación Municipal (comparecencias, roldas de prensa...)
Previsións informativas para o mércores 27 de marzo
10.30 h
Na rúa do Castro, saída do itinerario ‘Memoria silente: Bartolomé de Olagüe’, un percorrido polos lugares da memoria arredor deste organista e compositor compostelán. Ao abeiro do ciclo ‘De Lugares e Órganos’, o itinerario conclúe cun pequeno concerto a cargo do organista e investigador Marco Aurélio Brescia.
20.00 h
Na Igrexa das Ánimas, concerto de Adrián Linares (violín barroco) e Juan de la Rubia (órgano). No marco do Ciclo ‘De Lugares e Órganos’ e baixo o título ‘Venetia, Música da República Veneciana e a súa pegada en Europa’, o recital incluirá obras da chamada Escola de Venecia compostas por autores como Dario Castello, Claudio Merulo ou Girolamo Fescobaldi.
