Previsións informativas para o martes 18 de outubro
11.00 h
Na Casa do Concello, ROLDA DE PRENSA da concelleira de Políticas Sociais, Concha Fernández, para presentar os actos con motivo do Día Mundial do Cancro de Mama. Na rolda tamén estará a presidenta da AECC de Santiago, Luz Hernández, e o vicepresidente, Antonio Guerrero.
11.00 h
Na Cidade da Cultura (Sala 1 da Biblioteca de Galicia), a concelleira de Desenvolvemento Económico e Turismo, Marta Lois, asiste á apertura da Asemblea Xeral de REDEL (Rede de Entidades para o Desenvolvemento Local).
11.30 h
Na Casa do Concello, ROLDA DE PRENSA do voceiro do grupo municipal do BNG, Rubén Cela, sobre asuntos de carácter local.
12.00 h
Na Casa do Concello, ROLDA DE PRENSA da concelleira de Acción Cultural, Branca Novoneyra; de María Blanco, coordinadora dos cursos da escola de aCentral Folque; e de Mauro Sanín, responsable de produción; para presentar o curso académico 2016/2017 e o concerto de presentación do mesmo, que se celebrará no Auditorio de Galicia o 26 de outubro.
12.00 h
No edificio Cersia, conferencia de Rafael López Loureiro, mestre e impulsor do Samaín en Galicia, para equipas directivas dos centros escolares, profesorado de plástica, de normalización lingüística, asociacións culturais e de veciños e veciñas, que leva por título "Do Samaín ao Hallomain".
13.30 h
Na Cidade da Cultura (Sala 1 da Biblioteca de Galicia), o alcalde de Santiago, Martiño Noriega, clausura a Asemblea Xeral de REDEL (Rede de Entidades para o Desenvolvemento Local).
19.30 h
Na sede da Real Sociedade Económica de Amigos do País de Santiago, o alcalde de Santiago e presidente do Consorcio, Martiño Noriega, presenta a publicación Minerva, la diosa de Compostela. Espacios y obras a relacionar con el saber. Tamén estarán José Manuel García Iglesias, historiador autor do libro; Juan Viaño, reitor da Universidade de Santiago; Belén Hernández, xerente do Consorcio de Santiago; e Juan de la Salle, presidente da Sociedade Económica de Amigos do País.
20.00 h
Na praza do Matadoiro, as concelleiras Marta Lois e Branca Novoneyra acompañan os membros da Rede de Entidades para o Desenvolvemento Local na súa visita a Matadoiro Compostela.
