Previsións informativas para o luns 10 de setembro
12.00 h.
Na Casa do Concello, o alcalde compostelán, Xosé A. Sánchez Bugallo, comparecerá ante os medios acompañado do presidente da Cámara de Comercio, Jesús Asorey; do presidente da Asociación de Empresarios do Polígono Industrial do Tambre, Jesús Chenel; e dos presidentes da Asociación de Empresarios de Hostalería de Santiago de Compostela e Comarca (Restauración e Hospedaxe), Juan Silva e Manuel González; trala reunión que manterán para falar sobre a Cidade da Cultura.
12.30 h.
Na Casa do Concello, o voceiro da Xunta de Goberno Local, Néstor Rego, exporá en ROLDA DE PRENSA o resumo dos acordos adoptados na última sesión.
13.00 h.
Na sede da Mancomunidade (rueiro de Figueiriñas, nº 5) o alcalde compostelán, Xosé A. Sánchez Bugallo, preside a xuntanza extraordinaria da devandita institución, coa seguinte orde do día:
1. Constitución do Pleno da Mancomunidade.
2. Acordo en relación coas obras da Cidade da Cultura.
20.00 h.
En Galeras (ao lado do hospital vello), o alcalde compostelán, Xosé A. Sánchez Bugallo, inaugura o novo edificio que albergará o departamento de Servizos Sociais.
