Previsións informativas para o luns 28 de abril
10.00 h. e 12.00 h.
No Teatro Principal, títeres para escolares da man da compañía Sol y Tierra baixo o título "Érase unha vez no espazo", froito da colaboración entre a Concellaría de Educación e a Obra Social e Cultural de Ibercaja. Entre todas as representacións programadas participarán máis de 1.800 alumnos e alumnas de 5 a 11 anos dos centros de ensino composteláns.
11.30 h.
No Club Internacional de Prensa, a concelleira de Medio Ambiente e Desenvolvemento Sostíbel, Elvira Cienfuegos, asiste á ROLDA DE PRENSA de presentación do programa de actividades de carácter multidisciplinar Auga en Etiopía. Na rolda estarán tamén Carme Orgeira, Subdirectora Xeral da Promoción de Igualdade da Vicepresidencia da Xunta de Galicia; Virginia Rodríguez, secretaria xeral de Adega; Ramsés Pérez, coordinador de programas de educación ambiental de Adega; e María Reimóndez, presidenta de Implicadas no Desenvolvemento, todos eles representando entidades que organizan este programa, que se celebrará os meses de maio e xuño en Compostela.
11.30 h.
Na Casa do Concello, ROLDA DE PRENSA do concelleiro de Promoción Económica, Comercio e Turismo, Xosé Manuel Iglesias, para dar a coñecer os datos de afluencia ao Compostela Outlet 2008.
12.00 h.
No CEIP Apóstolo Santiago, último concerto didáctico de música tradicional no que participarán 90 alumnos e alumnas de educación infantil e primaria. Este concerto forma parte do programa de música tradicional que se está a desenvolver este mes nos propios centros escolares. Na convocatoria deste curso participaron máis de 2.000 escolares de centros publicos e concertados de Santiago.
12.30 h.
Na Casa do Concello, o voceiro da Xunta de Goberno Local, Néstor Rego, exporá en ROLDA DE PRENSA o resumo dos acordos adoptados na última sesión.
17.00 h.
Na Casa do Concello, o alcalde compostelán, Xosé A. Sánchez Bugallo, preside a Comisión Especial de Dirección dos traballos do Plan Xeral de Ordenación Municipal.
17.00, 20.00 e 23.00 h.
No Teatro Principal, proxección do filme Pradolongo, de Ignacio Vilar.
