Previsións informativas para o mércores 19 de maio
11.30 h
Na Casa do Concello, ROLDA DE PRENSA do concelleiro de Promoción Económica, Emprego, Comercio e Turismo, Xosé Manuel Iglesias; e do director do Instituto para o Desenvolvemento e a Formación de Francia (socio principal do proxecto Coidadores Familiares do programa europeo Leonardo da Vinci), Patrick Torre, para presentar a Guía para as persoas coidadoras.
11.45 h
Na Casa do Concello, ROLDA DE PRENSA da concelleira de Urbanismo, Mercedes Rosón, para presentar as Xornadas sobre Vivenda Social en Aluguer, que se celebrarán no marco do proxecto SUITE.
12.00 h
Na Casa do Concello, ROLDA DE PRENSA da concelleira de Cultura e Centros Socioculturais para presentar a VII edición de Curtocircuíto, Festival Internacional de Curtametraxes de Santiago de Compostela. Na rolda estará tamén Paulo Rodríguez, director-xerente do Auditorio de Galicia, e Tim Redford, director do Festival.
12.00 h.
No Departamento de Deportes no Estadio de San Lázaro, ROLDA DE PRENSA do concelleiro de Deportes, Bernardino Rama, para presentar a IV XIRA GALEGA KARTING, actividade que se desenvolverá na nosa cidade do 20 ao 23 de maio, ambos inclusive. O concelleiro estará acompañado por Ovidio Rodeiro, director xeral de Xuventude; Antonio Cortés, director de marketing de GADISA; Raquel González, xerente da empresa organizadora RGM Producciones.
12.30 h
Na Casa do Concello, ROLDA DE PRENSA da concelleira de Medio Ambiente e Desenvolvemento Sostible, Elvira Cienfuegos, para presentar o Itinerario Verde polos parques de Compostela.
18.30 h
Na Casa do Concello, o alcalde compostelán, Xosé A. Sánchez Bugallo, reúnese cos organizadores do Congreso de Empresarios Hoteleros de España, que se celebra na cidade do 19 ao 22 de maio.
17.00 h
Un grupo do Clube de Maiores do CSC das Fontiñas, visitan o Museo da Catedral.
17.30 h
No CSC da Trisca, Graffiti dentro do programa Santiago Encantado
18.00 h
No CSC das Fontiñas, Bordado para nenos e nenas de 8 a 12 anos dentro da programación da Aula de Xogo.
18.30 h
No Centro Social Caixanova (Praza de Cervantes), conferencia Guía das persoas coidadoras. Intervirán o concelleiro de Promoción Económica, Emprego, Comercio e Turismo, Xosé Manuel Iglesias; o director do Instituto para o Desenvolvemento e a Formación de Francia (socio principal do proxecto Coidadores Familiares do programa europeo Leonardo da Vinci), Patrick Torre; e a traballadora social, socióloga e técnica en xestión xerontolóxica, Ximena Campos.
20.30 h
No marco do Maio das Letras, que organiza o Departamento de Normalización Lingüística, na Casa das Asociacións, a bailarina e poeta Branca Novoneyra presenta a peza "Game Over".
