CULTURA
O programa do Curtocircuíto na Rúa comeza o martes 18 de agosto co Palmarés do V Curtocircuíto. A partires dese momento e ata finais de mes, cada martes, mércores e xoves, ás 22:30 horas, haberá unha sesión de curtas de diferentes temáticas nas prazas da cidade.
Son sete programas e sete noites, que presentan cinema en curto e de balde para todos os que se acheguen. Os asistentes, xunto co público da Semana Oficial, serán os encargados de entregar o Premio do Público á mellor curtametraxe nesta VI Edición do Festival.
As mellores curtametraxes galegas, do resto do Estado e de todas as partes do mundo. 40 curtas experimentais, creativas, divertidas, profundas... para todos os gustos e chegadas de moi diferentes lugares. O festival abre unha ventá á cultura, á enerxía e á vitalidade de cada país participante. Ao mesmo tempo que lles proporciona aos directores un foro no cal exhibir o seu traballo -froito da súa imaxinación e talento-, tamén reúne aqueles que comparten unha paixón e expanden a súa visión do mundo.
Curtocircuíto na Rúa proxectará as mellores curtas ao aire libre
14/08/2009 Presentouse unha nova edición de Curtocircuíto na Rúa, que desta volta chega da man da Concellaría de Cultura e Centros Socioculturais, que será o departamento no que se desenvolverá a partires de agora o Festival de Curtametraxes Curtocircuíto.
A concelleira de Cultura, Socorro García Conde, presentou esta edición de Curtocircuíto na Rúa, acompañada polo director do certame, Tim Redford, e polo director do Auditorio Paulo Rodríguez. Curtocircuíto na Rúa, que está integrado dentro da programación do Festival dos Abrazos, será unha oportunidade magnífica para gozar de proxeccións gratuítas e abertas a todos nas máis emblemáticas prazas da Cidade Histórica compostelá.O programa do Curtocircuíto na Rúa comeza o martes 18 de agosto co Palmarés do V Curtocircuíto. A partires dese momento e ata finais de mes, cada martes, mércores e xoves, ás 22:30 horas, haberá unha sesión de curtas de diferentes temáticas nas prazas da cidade.
Son sete programas e sete noites, que presentan cinema en curto e de balde para todos os que se acheguen. Os asistentes, xunto co público da Semana Oficial, serán os encargados de entregar o Premio do Público á mellor curtametraxe nesta VI Edición do Festival.
As mellores curtametraxes galegas, do resto do Estado e de todas as partes do mundo. 40 curtas experimentais, creativas, divertidas, profundas... para todos os gustos e chegadas de moi diferentes lugares. O festival abre unha ventá á cultura, á enerxía e á vitalidade de cada país participante. Ao mesmo tempo que lles proporciona aos directores un foro no cal exhibir o seu traballo -froito da súa imaxinación e talento-, tamén reúne aqueles que comparten unha paixón e expanden a súa visión do mundo.