Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



CONVIVENCIA

Incidencias Policía Local

Dende as 08:00 horas do día 22/04/2019 ata as 08:00 horas do día 23/04/2019
- LOCALIZACIÓN PERMANENTE: De tres persoas (arresto domiciliario).
15:00 INCENDIO: Acódese a unha nave comercial de Formarís, por un incendio provocado por un cortacéspede. Extinguido xa polos traballadores á chegada dos Bombeiros.
15:30 PERSOA DESORIENTADA: Localízase unha persoa de avanzada idade desorientada na rúa Mallou. Localízase unha irmá, xunto á cal é trasladada.
17:42 DILIXENCIAS: Pola detención dunha persoa como responsable do roubo de varios artigos nun establecemento da rúa República do Salvador.
06:45 ACCIDENTE DE TRÁFICO: Na avenida de Lugo, pola saída de vía dun vehículo e choque do mesmo contra mediana, con danos materiais. Positivo en alcoholemia. Dilixencias.

MOBILIDADE

Servizos de transporte á Cidade da Cultura por mor do evento "Cidade Imaxinaria" (sábado 27 de abril)

O sábado 27 de abril, con motivo do evento Cidade Imaxinaria haberá os seguintes servizos de transporte urbano ata a Cidade da Cultura:

Sábado en horario de mañá, servizo coa liña 9:

- Saídas de Casas Novas con destino á CDC: de 8:30 a 13:30 (cada 60').

- Saídas da CDC con destino a Casas Novas: de 9:00 a 13:00 (cada 60').

Sábado en horario de tarde, servizo especial:

- Saídas da Cidade da Cultura ata a praza de Galicia (Zara) – con itinerario e paradas da liña 9 excepto o Multiúsos (CDC, CDC 1, Piscinas, Fontes do Sar, Londres, Lisboa, Berlín, Concheiros, Cruceiro San Pedro, Angustia, Bonaval, Valle-Inclán (La Salle), Virxe da Cerca, Fonte Santo Antonio, praza de Galicia (Zara).

Horarios de saída da Cidade da Cultura: 14:00, 14:40, 15:20, 16:00, 16:40, 17:20, 18:00, 18:40, 19:20, 20:00, 20:40 e 21:20 h.

- Saídas da praza de Galicia (Zara) – con itinerario e paradas da liña 9 ata a CDC excepto o Multiúsos (praza de Galicia (Zara), Ensinanza, Virxe da Cerca, San Roque, Basquiños, Pastoriza, Ánxel Casal, Rodríguez de Viguri, Berlín, Lisboa, Londres, Fontes do Sar, Piscinas, CDC 1 e CDC).

Horarios de saída da praza de Galicia: 14:20, 15:00, 15:40, 16:20, 17:00, 17:40, 18:20, 19:00, 19:40, 20:20 e 21:00 h.

Documentos relacionados

CONVIVENCIA

Recomendacións de tráfico e transporte urbano con motivo do concerto de Bob Dylan no Multiúsos do Sar o luns 29 de abril

Con motivo do concerto que ofrecerá Bob Dylan o vindeiro luns, 29 de abril, no Multiúsos de Sar, a Concellaría de Convivencia recomenda aos/ás condutores/as evitar no posible o paso pola rúa de Diego Bernal durante as horas previas e posteriores ao concerto, debido ás previsibles restricións circulatorias.

Ademais, recoméndase aos/ás asistentes utilizar o servizo de transporte público para achegarse ao recinto do concerto, debido ás posibles dificultades de estacionamento pola alta afluencia de persoas prevista. Haberá servizos especiais de transporte entre as 17:00 e as 21:00 horas e despois do concerto. O detalle dos servizos e das paradas de acceso aos mesmos pode consultarse no documento adxunto.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

CONVIVENCIA

Tarxetas de paso e parada para os/as residentes nos números 42, 44, 46, 54, 56, 58, 62 e 64 da Calzada de Sar

A Concellaría de Convivencia comunica aos veciños e veciñas residentes nos inmobles situados nos números 42, 44, 46, 54, 56, 58, 62 e 64 da Calzada de Sar que, a partir do luns 8 de abril, poderán solicitar as tarxetas de paso e parada, que habilitará para acceder á Calzada e realizar unha parada, que supón a detención do vehículo polo tempo imprescindible para tomar ou deixar persoas ou cargar e descargar mercadorías, de conformidade co acordo do concelleiro de Medio Ambiente e Convivencia, de data 3 de decembro de 2018, advertíndolles que, dende o día 1 de maio, todos aqueles vehículos que se deteñan na Calzada e carezan da correspondente autorización serán sancionados.

CONVIVENCIA

Corte de tráfico na rúa da Batalla de Clavijo

Con motivo do inicio este luns 11 de marzo das obras de reurbanización da rúa da Batalla de Clavijo, esta verase afectada por restricións no acceso de vehículos e no estacionamento.

En cada tramo, os traballos iniciaranse pola parte central da calzada, continuando logo polas beirarrúas, de tal xeito que, en todo momento, quedará garantido o acceso peonil a portais e comercios, ben polas beirarrúas preexistentes, mediante pasarelas, ben polas novas beirarrúas.

Habilitarase o acceso de vehículos a garaxes segundo as fases da obra. Os cortes no acceso necesarios temporalmente para a execución da obra serán comunicados con antelación.

Na rúa de Puente la Reina eliminaranse as prazas de estacionamento durante as obras, e permitirase o acceso a residentes e garaxes dende Quiroga Palacios.

Tanto na rúa da Batalla de Clavijo como na de Puente la Reina procederase durante esta vindeira semana á retirada de vehículos estacionados para así iniciar as obras.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

Compartir: