Os avisos serven para dar a coñecer os comunicados de carácter urxente, licitacións abertas, rúas cortadas ao tráfico e desvíos alternativos.



MOBILIDADE E CONVIVENCIA

Incidencias Policía Local

SERVIZOS PRESTADOS POLA POLICÍA LOCAL
Dende as 08:00 horas do día 22/02/2024 ata as 08:00 horas do día 23/02/2024

--:-- LOCALIZACIÓNS PERMANENTES: de dúas persoas.
--:-- CONTROIS E INSPECCIÓNS: en varias zonas da cidade.
--:-- ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
19:15 ACCIDENTE DE CIRCULACIÓN: na rúa Irmandiños – praza de España consistente en atropelo a peón por parte dun vehículo, co resultado dunha persoa ferida leve.
22:39 ATROPELO A PEÓN: na rúa Transito da Mercé, unha motocicleta atropela en paso de peóns a unha persoa, resultando esta ferida leve.
06:48 DANOS EN VEHÍCULOS: na rúa Raxeira dous vehículos resultan con danos materiais por mala inmobilización dun deles.
01:18 TENZA DE SUSTANCIAS ESTUPEFACIENTES: dúas propostas de sanción.
--:-- FESTAS EN PISOS: acódese a 11 pisos, cinco negativos.
--:-- CONSUMO DE ALCOL EN VÍA PÚBLICA: tres propostas de sanción.
--:-- OURIÑOS: oito propostas de sanción por ouriñar na vía pública.
--:-- VOCIFERAR NA VÍA PÚBLICA: tres propostas de sanción

MOBILIDADE

Corte de tráfico na rúa de Bonaval (24 de febreiro)

O sábado 24 de febreiro, a rúa de Bonaval quedará cortada ao tráfico entre as 09:00 e as 13:00 horas, aproximadamente, por mor da ocupación da vía pública para a realización dunha obra de carácter particular.

Transporte urbano

Por este motivo, as liñas que circulan pola zona terán os seguintes desvíos entre as 09:00 e as 13:00 horas:

*Liñas 9, 13 e C5: desviaranse continuando por avda. Rodríguez de Viguri, Anxo Casal, Xoán XXIII e San Roque, retomando a partir de ahí o seu itinerario habitual.

Quedarán suprimidas as paradas (196) Rodríguez de Viguri, acceso Concheiros, (220) Cruceiro de San Pedro, (154) Campo da Angustia, (557) San Domingos de Bonaval e (639) Valle Inclán La Salle.

Todas as paradas do transporte urbano no percorrido de desvío serán paradas alternativas a realizar polas liñas a demanda de usuarios.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Cortes de tráfico por concentración de tractores na zona de San Caetano (20 de febreiro)

Por mor da previsión de concentración de tractores en Rodríguez de Viguri, Ánxel Casal e San Caetano, mañá martes 20 de febreiro ao longo do día (entre as 8:00 e as 22:00), haberá cortes puntuais de tráfico nas devanditas rúas e arredores.

Transporte urbano

Os autobuses das liñas indicadas realizarán os desvíos propostos de seguido, tendo en conta que ao longo do día dependerán da situación dos cortes de tráfico que se poidan ir realizando.

A partir das 8:00, as liñas 5, 6, 6A, 9, C2, C4, C6, P2 e P7 realizarán os seguintes desvíos:

*LIÑA 5 cara Vite: desde Pastoriza xirará directamente á avda. Castelao. Paradas suprimidas: (47) Anxo Casal st.pza; (229) pza. Camilo D. Baliño; (49) Anxo Casal, Xunta)

*LIÑA 5 cara Rocha: desde avda. Castelao xirará directamente á avda. Xoán XXIII. Paradas suprimidas: (47) Anxo Casal st.pza; (229) pza. Camilo D. Baliño; (49) Anxo Casal, Xunta)

*LIÑAS 6, 6A cara San Marcos e Aeroporto: desde Pastoriza irán por San Caetano, avda. Rodríguez de Viguri, avda. Camiño Francés, Monte dos Postes (treito CEIP) e Valiño.

Paradas suprimidas: (47) Anxo Casal, st.pza; (533) avda. Rodriguez de Viguri, lateral antiga estación; (696) Monte dos Postes nº 47.

*LIÑAS 6, 6A cara Hórreo e Os Tilos: desde a rúa Valiño e CEIP Monte dos Postes, desviaranse cara a rotonda coa avda. Camiño Francés (acceso centro comercial), continuando por esta avenida e enlazando coa avda. Rodríguez de Viguri antes da pza. de España.

Paradas suprimidas: (695) Monte dos Postes nº 8; (108) avda. Rodríguez de Viguri nº 16.

*LIÑAS 9, C6 cara Cidade da Cultura e Pol. Costa Vella: desde Pastoriza irán por San Caetano, avda. Rodríguez de Viguri, avda. Camiño Francés, rúa Monte dos Postes, enlazando coa avda. Rodríguez de Viguri na rotonda onde está o parque de Bombeiros.

Paradas suprimidas: (47) Anxo Casal, st.pza; (533) avda. Rodriguez de Viguri, lateral antiga estación.

*LIÑAS C2 e C4: evitarán a zona de Anxo Casal Rodríguez de Viguri e pza. Camilo Díaz Baliño. A liña C2 desde avda. Castelao irá por San Caetano a Camiño Francés; a liña C4 desde o Camiño Francés desviarase a pza. España, San Caetano e avda. Castelao.

Paradas suprimidas: (47) Anxo Casal st.pza; (230) pza. Camilo D. Baliño; (49) Anxo Casal, Xunta)

*LIÑAS P2 e P7 (nas prolongacións a San Caetano): despois de Pastoriza, en lugar de xirar a Anxo Casal e pza. Camilo Díaz Baliño, irán a dar a volta á pza. de España para iniciar o percorrido no sentido contrario.

Paradas suprimidas: (47) Anxo Casal st.pza; (230) pza. Camilo D. Baliño; (49) Anxo Casal, Xunta)

Todas as paradas nos desvíos que fagan os autobuses serán realizadas por todas as liñas a demanda de usuarios.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na praza de Conxo por mor do Entroido (17 de febreiro)

O sábado 17 de febreiro a praza de Conxo vai quedar cortada ao tráfico por mor da celebración da Festa do Entroido de Conxo.

O horario do peche ao tráfico será das 13:30 ata as 23:00 h e cortarase a circulación dende a rotonda da SC-20 e dende o cruzamento da rúa Benéfica de Conxo coa rúa da Fervenza.

Transporte público

Con motivo das festas do Entroido no barrio de Conxo, a partir das 9 horas e ata finalizar os servizos do día, as liñas que circulan pola zona realizarán os seguintes desvíos:

Desvíos en sentido sur de circulación (liñas 5 e C2):

Desde a rotonda de Conxo cara o Campo de Conxo e Benéfica os autobuses das liñas 5 a Rocha e C2 non poderán circular.

*Liña 5 (sentido Rocha): desde a rotonda de Conxo desviarase pola SC-20 incorporándose á rotonda de Volta do Castro, rúa Volta do Castro (sentido sur, cara Rocha) e retomando o itinerario habitual na rúa Poza Real de Abaixo (Santa Apolonia).

Quedarán suprimidas as seguintes paradas da liña 5 (sentido Rocha): (155) Campo de Conxo, psiquiátrico; (127) Benéfica de Conxo, Televés; (626) Torrente, cruce Travesa Benéfica; (628) Torrente nº 28; (246) Torrente, cruce Volta do Castro.

Os usuarios que desexen baixar nestas paradas terán a alternativa, ben de baixar na parada de Santa Apolonia, ben continuar percorrido ata Rocha ou Rocha Vella e baixar na zona de Torrente e Benéfica de Conxo cando o autobús vaia de novo cara o centro.

*Liña C2: despois de saír do hospital Provincial, desde a rotonda de Conxo desviarase pola SC-20 incorporándose á rotonda de Volta do Castro, rúa Volta do Castro (sentido norte, cara o centro da cidade), aparcadoiro de Santa Marta (antes de acceder ao Clínico, realizarán a parada no interior do aparcadoiro de Sta. Marta, desde onde farán cambio de sentido) e itinerario habitual cara o hospital Clínico.

Quedarán suprimidas as seguintes paradas da liña C2: (155) Campo de Conxo, psiquiátrico; (127) Benéfica de Conxo, Televés;(284) Ildefonso Sánchez Mer, residencia.

A parada 684, Feliciano Barrera (aparcadoiro), realizarase no interior do aparcadoiro mentres dure o desvío.

Desvíos en sentido norte de circulación (liñas 5, 12 e C4):

*Desde a Benéfica de Conxo (Televés) cara a rotonda de Conxo, as liña 5 (sentido centro da cidade e Vite), 12 e C4 só poderán chegar ata Televés, onde realizarán cambio de sentido voltando por Torrente, rotonda de Volta do Castro, periférico SC-20 e desde a rotonda de Conxo continuará cada liña co seu itinerario habitual, ben avda. de Ferrol (liñas 5 e 12), ben Ramón Baltar (liña C4).

Quedará suprimida a parada 412, Psiquiátrico de Conxo, en sentido centro cidade. Os usuarios poden dirixirse ás paradas anterior ou posterior dos percorridos das liñas (Benéfica de Conxo - Televés, avda. de Ferrol ou Ramón Baltar, dependendo da liña).

O Concello de Santiago prega á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa do Pombal (14 e 15 de febreiro)

O mércores día 14, dende as 8.00 h, e o xoves 15 de febreiro, ata a finalización dos traballos, o carril de subida da rúa do Pombal vai quedar cortado ao tráfico por mor das obras de reparación do colector de pluviais. A circulación de subida desviarase polas rúas de Poza de Bar e San Lourenzo.

Transporte urbano

Debido a este peche, as liñas indicadas de seguido realizarán un percorrido alternativo, o mércores 14 e xoves 15 de febreiro:.

*Desvíos:
-Liña 4, traxecto Romaño – As Cancelas.
-Liña 9, traxecto Casas Novas – Cidade da Cultura.
-Liña C4, circulando desde Galeras a hospitais.
-Liña P1, traxecto Folgoso – San Caetano.
-Liña P7, traxectos desde Grixoa, Peregrina e Pardaces a Porta do Camiño e San Caetano.

Ao ter cortada tamén a avda. da Coruña, estas liñas nos traxectos indicados desviaranse por Poza de Bar, estrada de San Lourenzo, acceso ao Campus Sur por José María Suárez Núñez, Vicente Fraíz Andón, Lope Gómez de Marzoa, avda. Mestre Mateo e Rosalía de Castro.

*Paradas suprimidas:
Quedará suprimida a parada 553, San Clemente (Alameda, en sentido a Senra) para todas esas liñas, e a maiores, as paradas 113, Xoán Carlos I (igrexa do Pilar) e 451, Rosalía de Castro nº 96 para a liña C4.

*Paradas alternativas no desvío:
As liñas 4, 9, P1 e P7 realizarán como parada alternativa: 112, avda. Xoán Carlos I, sentido Senra
A liña C4 retomará o itinerario habitual na parada 448, Rosalía de Castro nº 126.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa da Acibechería (a partir do 14 de febreiro)

A partir do mércores 14 de febreiro, a rúa da Acibechería quedará cortada ao tráfico por mor dos traballos de mantemento e reparación do pavimento da súa calzada, que terán unha duración estimada de tres semanas.

O corte da rúa levarase a cabo en dúas fases. A primeira comprende o tramo entre o entroncamento coa rúa Vía Sacra e a praza da Inmaculada, polo que quedará prohibida a circulación de baixada dende a praza de Cervantes.

A segunda fase executarase no tramo entre a praza de Cervantes e o cruzamento coa rúa Vía Sacra, polo que os vehículos que proveñan desta rúa deberán saír pola praza da Inmaculada.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa dos Caraveis (a partir de 29 de xaneiro)

A partir de hoxe, 29 de xaneiro, a rúa dos Caraveis vai quedar cortada ao tráfico no tramo de subida que vai desde a rúa da Ponte Nova de Vidán ata o camiño Real de Vidán por mor dun corremento de terras que afecta ao noiro que sustenta este vial na súa pendente.

Co obxectivo de garantir a seguridade, o Concello de Santiago limitará a circulación de vehículos ata a súa estabilización. Ata ese momento a veciñanza da zona afectada deberá realizar a entrada e saída pola rúa de Vidán, situada ó final da avenida da Mestre Victoria Míguez, antes da rotonda.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na rotonda da avda. de Lugo coa SC-20 (a partir do 29 de xaneiro)

A partir das 11:00 horas do vindeiro luns 29 de xaneiro, o ramal de baixada dende a rotonda da avenida de Lugo cara a SC-20, sentido San Lázaro-Polígonos, vai quedar cortado ao tráfico debido ás obras de instalación de pantallas acústicas que está a executar a empresa Dragados para ADIF e que teñen unha duración prevista de dous meses e medio.

Este corte vai implicar os seguintes desvíos:

Os vehículos que circulen baixando pola avenida de Lugo e queiran acceder á SC-20, deberán facelo pola rotonda desta avenida coa rúa de Londres, e circular por esta vía ata chegar á rúa de Roma, e alí enlazar coa rotonda existente nesta vía e incorporarse á SC-20.

Da mesma maneira os vehículos que circulen sentido subida pola avenida de Lugo, deberán empregar a mesma rotonda e baixar pola rúa de Londres e realizar o mesmo circuíto para incorporarse á SC-20.

O Concello de Santiago prégalle á cidadanía que desculpe as molestias que estas alteracións lle poidan ocasionar.

MOBILIDADE

Corte de tráfico na avenida da Coruña e avenida de Compostela (Campus Sur)

No marco do proxecto de reurbanización do Campus Sur, o vindeiro luns 15 de xaneiro comezarán as obras da seguinte fase, o que provocará o corte total ao tráfico da avenida da Coruña (tramo comprendido entre avenida das Ciencias e avenida Antonio Raimundo Ibáñez) e da avenida de Compostela (tramo comprendido entre as avenidas de Antonio Raimundo Ibáñez e das Burgas). Quedará eliminado tamén o estacionamento.

O corte será efectivo a partir das 9.30 horas do citado luns. O tráfico procedente da rúa de Rosalía de Castro será desviado pola avenida das Ciencias, e o procedente da avenida das Burgas continuará polo tramo aberto da avenida de Compostela e Cruceiro do Gaio.

Transporte urbano

Por mor destas obras, a liña 8 en sentido Camiño dos Vilares realizará o seguinte desvío:

A partir das 9:30 do luns 15 de xaneiro:
*Saídas de tanatorio de Boisaca / Camiño dos Vilares: non se alteran.

*Saídas de Vidán: os autobuses realizarán o percorrido habitual pola estrada de San Lourenzo e Campo de San Domingos ata o cruce coa rúa José María Suárez Núñez, onde realizarán a parada habitual e desviaranse pola citada rúa, rúa Vicente Fraíz Andión (facultade de Psicoloxía), rúa Lope Gómez de Marzoa, avda. Mestre Mateo, Rosalía de Castro e retomarán o seu itinerario na avda. Xoán Carlos I.

Quedarán suprimidas as seguintes paradas: (565) San Lourenzo, carballeira; (79) avda. das Burgas, instituto Xelmírez; (78) avda. da Coruña, cruce Feáns.

As persoas usuarias da parada 565 na carballeira terán como parada alternativa máis próxima a anterior parada da liña, no cruce coa rúa José María Suárez Núñez. Para as outras dúas paradas anuladas (avdas. Burgas e Coruña), a alternativa máis próxima é na avda. Xoán Carlos I, fronte á igrexa do Pilar.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Apertura parcial da rúa da Pastoriza

Dende as 10 horas de mañá, mércores 27 de decembro, abrirase á circulación o carril de subida da rúa da Pastoriza (de Santa Clara cara á praza da Paz).

O carril sentido praza da Paz-Santa Clara permancecerá pechado, polo que continuará o desvío actual por Xoán XXIII e avenida de Coimbra.

Transporte urbano

Veranse afectadas as seguintes liñas: 1, 4, 5, 6, 6A, 8, 9, C6, P1, P2, P4, P5, P6 e P7.

*Liñas circulando en sentido saída (norte) (SEN DESVIARSE DO PERCORRIDO HABITUAL):
Paradas suprimidas: Parada 367, Pastoriza nº 22
Paradas alternativas:
Liñas 1, 4, 5, 6, 6A, 8, 9, C6, P2, P4, P5, P6 e P7: non realizarán desvío, se ben a parada alternativa previa a Pastoriza será a parada 125, Basquiños nº 28

*Liñas circulando en sentido baixada (sur) (CONTINÚAN FACENDO O DESVÍO ACTUAL):
Paradas suprimidas: Parada 366, Pastoriza nº 103A
Paradas alternativas:
552, San Caetano (parque), para as liñas 1, 4, 6, 6A, P4, P5 e P6
50, Ánxel Casal (Xunta), para as liñas 5, P2 e P7
60, avda. Castelao (García Lorca) para a liña 8

*A liña P1 continuará rematando como ata agora na rúa Valle-Inclán en lugar de na pza. de Camilo Díaz Baliño.

O Concello de Santiago prégalle á cidadanía que desculpe as molestias que estas alteracións lles poidan ocasionar.


Compartir: