Los avisos sirven para dar a conocer los comunicados de carácter urgente, licitaciones abiertas, calles cortadas al tráfico y desvíos alternativos.



CONVIVENCIA

Corte ao tráfico da rúa de Pitelos con motivo dunha nova fase das obras de Castrón Douro e Patio de Madres

Con motivo dunha nova fase das obras de reurbanización das rúas do Castrón Douro e do Patio de Madres, dende luns 28 de xaneiro vai quedar cortada ao tráfico a rúa de Pitelos.

Córtase a entrada na rúa de Pitelos dende Patio de Madres, polo que só poderán acceder a Pitelos os/as residentes da rúa, realizando tanto a entrada como a saída dende a rúa do Hórreo. Debido a este dobre sentido de circulación, prohíbese o estacionamento no tramo comprendido entre a rúa do Hórreo e a ruela de Pitelos. O resto da rúa de Pitelos queda para o estacionamento dos/das residentes.

Os demais cortes de tráfico seguen como ao inicio da obra. Así, continúa invertido o sentido da circulación da rúa do Patio de Madres dende a rúa de García Blanco, quedando de saída cara a rúa da Fonte de Santo Antonio.

Tamén a ruela de Pisón permanece cortada á circulación, con acceso unicamente para os/as usuarios/as dos garaxes existentes, entrando e saíndo pola rúa do Pexigo de Arriba. Esta segue na súa totalidade dunha soa dirección, sentido baixada cara a praza de Marcial Villamor Varela. Só poden circular por ela os residentes da zona.

Desvío da liña 7 do transporte urbano
Do mesmo xeito, os cortes seguen afectando á liña 7 do transporte urbano, que baixaba por Patio de Madres en sentido Aríns e Fornás. Así, os autobuses desta liña, con saída da rúa de Valle-Inclán, fan o seu percorrido habitual ata a parada da praza de Galicia, dende onde se desvían por Doutor Teixeiro, rúa do Hórreo, avenida de Lugo, Bernardo Barreiro e Curros Enríquez, para continuar o percorrido habitual polo barrio de Sar.

Quedou suprimida a parada da rúa de Patio de Madres. Os usuarios desta parada poden dirixirse á parada próxima da rúa Fonte de Santo Antonio nº 3. A parada situada na rúa Castrón Douro, cruce con Curros Enríquez, realízase no mesmo cruce, pero na rúa de Curros Enríquez, por onde vén o autobús desviado.

Este desvío permanecerá ata o final completo das obras.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

CONVIVENCIA

Modificacións no tráfico por mor da peonalización da rúa dos Irmáns Rey Alvite

Dendeo o venres 3 de maio fíxose efectiva a seguinte modificación do tráfico con motivo da peonalización da rúa dos Irmáns Rey Alvite:

- Os vehículos que circulen pola rúa de Laverde Ruiz deberán xirar en todo caso á dereita e incorporarse á rúa de Ramón Piñeiro.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

CONVIVENCIA

Corte de tráfico na rúa da Batalla de Clavijo

Con motivo do inicio este luns 11 de marzo das obras de reurbanización da rúa da Batalla de Clavijo, esta verase afectada por restricións no acceso de vehículos e no estacionamento.

En cada tramo, os traballos iniciaranse pola parte central da calzada, continuando logo polas beirarrúas, de tal xeito que, en todo momento, quedará garantido o acceso peonil a portais e comercios, ben polas beirarrúas preexistentes, mediante pasarelas, ben polas novas beirarrúas.

Habilitarase o acceso de vehículos a garaxes segundo as fases da obra. Os cortes no acceso necesarios temporalmente para a execución da obra serán comunicados con antelación.

Na rúa de Puente la Reina eliminaranse as prazas de estacionamento durante as obras, e permitirase o acceso a residentes e garaxes dende Quiroga Palacios.

Tanto na rúa da Batalla de Clavijo como na de Puente la Reina procederase durante esta vindeira semana á retirada de vehículos estacionados para así iniciar as obras.

O Concello de Santiago de Compostela prega á cidadanía desculpe as molestias que estas alteracións no tráfico lles poidan ocasionar.

Compartir: