Los avisos sirven para dar a conocer los comunicados de carácter urgente, licitaciones abiertas, calles cortadas al tráfico y desvíos alternativos.



MOBILIDADE

Incidencias Policía Local

SERVIZOS PRESTADOS POLA POLICÍA LOCAL
Dende as 08:00 horas do día 30/11/2023 ata as 08:00 horas do día 01/12/2023


LOCALIZACIÓNS PERMANENTES: dunha persoa.
CONTROIS E INSPECCIÓNS: en varias zonas da cidade.
ACCIDENTES DE TRÁFICO, RECLAMACIÓNS DE DANOS, DELITOS CONTRA SEGURIDADE VIARIA E PROBAS DE ALCOL E DROGAS:
• 13:37 Horas – ACCIDENTE DE TRÁFICO – Na rúa Loureiros, o condutor dun vehículo reclama danos producidos por outro.
• 18:40 horas ACCIDENTE DE CIRCULACIÓN na rúa Avenida de Lugo entre tres vehículos.
• 20:57 horas- ACCIDENTE DE CIRCULACIÓN por alcance simple entre dous vehículos.
• 03:30 horas- ACCIDENTE DE CIRCULACIÓN na carballeira de San Lorenzo con Poza de Bar por saída de vía dun vehículo.
10:50 CONCENTRACIÓN: Regúlase o tráfico na confluencia da praza da Paz con Avda. de Xoán XXIII debido a celebración dunha concentración.
02:01 ACTA DENUNCIA POR INFRACCIÓN A L.O. 4/2015: Na rúa da Senra identifícase e proponse para sanción a unha persoa por tirar un colector de lixo ao chan.
--:-- OURIÑOS: tres propostas de sanción.
--:-- FESTAS EN PISOS: acódese a tres pisos, un positivo.

MOBILIDADE

Corte de tráfico nas rúas de Poza de Bar e San Lourenzo (sábado 2 a luns 4 de decembro)

Dende as 8.30 h do sábado 2 ata as 7.00 h do luns 4 de decembro, as rúas Poza de Bar e San Lourenzo van a quedar cortadas ao trafico por mor dos traballos de canalización eléctrica que a empresa Elecnor está a levar a cabo na contorna da rúa Galeras e rúa das Oblatas.

Cambios na circulación:

- Queda prohibida a entrada dende a rúa de Galeras, polo que o tráfico desta rúa terá que continuar pola rúa do Pombal.
- Os vehículos procedentes das rúas do Carme de Abaixo e Oblatas deberán entrar e saír dende a rúa do Monte Pío, Casas Novas e Galeras.
- A baixada do Campo do Cruceiro do Gaio farase estes dous días obrigatoriamente cara á rúa Pombal.
- Nas rúas de San Lourenzo e Poza de Bar vaise permitir o dobre sentido de circulación para que os residentes poidan acceder aos seus garaxes dende o cruce da Carballeira e a rúa das Burgas. Haberá sinalización avisando desta situación para que os condutores extremen a precaución á hora de cruzarse dous vehículos.

Transporte urbano

As liñas 8 en sentido Vidán e P1 nos dous sentidos de circulación desviaranse dos seus itinerarios habituais desde as 8:30 do sábado 2 ata as 7:00 do luns 4 de decembro:

*Liña 8 cara Vidán: desde a rúa da Senra, desviarase por Xoán Carlos I, avda. da Coruña, avda. das Ciencias, Novoa Santos e itinerario habitual por San Lourenzo.
Para a liña 8 quedarán suprimidas as seguintes paradas (todas en sentido a Vidán): 554, San Clemente (IES Rosalía de Castro); 223, Cruceiro de Gaio; e 402, Poza de Bar (Pío XII).

*Liña P1 nos dous sentidos de circulación: realizará o desvío habitual por Galeras, costa de Casas Novas e Monte Pío ata o cruce con Carme de Abaixo, nos dous sentidos.

Para a liña P1 quedarán suprimidas as paradas: 224 e 225, Cruceiro de Gaio; 163 e 164, Carme de Abaixo.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa de San Miguel dos Agros (a partir do 27 de novembro)

Desde o vindeiro luns, 27 de novembro, a rúa de San Miguel dos Agros vai quedar cortada ao tráfico por mor da realización de obras de carácter particular. Os traballos terán unha duración de sete días.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na avenida do Doutor Ángel Jorge Echeverri (27 de novembro ao 1 de decembro)

Desde o vindeiro luns, 27 de novembro, ata o día 1 de decembro, a avenida do Doutor Ángel Jorge Echeverri vai a quedar cortada ao tráfico no tramo comprendido entre a avenida do Mestre Mateo e o cruzamento coa rúa Lope Gómez de Marzoa, por mor das obras de canalización que vai executar a Universidade de Santiago entre as facultades de Ciencias Políticas e Dereito.

A entrada realizarase pola rotonda do Mestre Mateo coa rúa Jenaro de la Fuente.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na ruela do Cancelón do Sar (a partir do 20 de novembro)

Desde o vindeiro luns 20 de novembro ás 8:00 horas, a ruela do Cancelón do Sar vai quedar cortada ao tráfico con motivo dos labores de acondicionamento do aparcadoiro en superficie existente nesta rúa. Este vial é o que vai paralelo as vías do ferrocarril e une a rúa Clara Campoamor coa rúa de Sar.

A duración das obras será dun mes, período durante o que quedará prohibida a circulación de vehículos.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa de Castrón Douro e parte da rúa do Sar (a partir do 6 de novembro)

A partir do luns 6 de novembro, o último tramo da rúa de Castrón Douro e parte da rúa de Sar sufrirán unha serie de restricións na circulación por mor das obras de acondicionamento da calzada, consistentes na eliminación da pedra existente e o seu posterior formigonado. A duración estimada para a realización desta obra é de 8 a 9 semanas.

O tráfico quedará afectado da seguinte maneira:

- Quedará cortado un carril da zona en obras, dando paso alternativo á circulación por medio da instalación de semáforos de obra.
- Estará prohibida a entrada á praza de Marcial Villamor desde o cruzamento con Castrón Douro, polo que os vehículos deberán entrar a través da rúa do Olvido. Para saír da praza de Marcial Villamor, os vehículos deberán facelo en dirección á rúa de Curros Enríquez, quedando prohibido o xiro cara á rúa de Sar.
- Os vehículos que baixen polo primeiro tramo da rúa Castrón Douro, cando cheguen ao cruzamento coa saída da praza Marcial Villamor, deberán xirar obrigatoriamente á dereita cara á rúa Curros Enriquez.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na avenida de Quiroga Palacios e na rúa Bispo Teodomiro

Con motivo dun desprendemento de terra, a avda de Quiroga Palacios e rúa Bispo Teodomiro á altura do Seminario Menor quedan cortadas á circulación rodada. O acceso ás mesmas poderase facer a través da avda. de Lugo, rúa de Cracovia, rúa Camiño da Ameixaga e rúa Belvís, atopándose o resto do itinerario sinalizado. Non se permite o acceso de camións e autobuses.

Transporte urbano

Con motivo deste corte ao tráfico, a liña 13 desviarase do seu itinerario habitual:

No traxecto Xeneral Pardiñas – Belvís, a liña 13 realizará o seguinte desvío:

O autobús realizará o itinerario habitual por Porta do Camiño e no inicio da rúa de San Pedro, para desviarse continuando pola rúa de San Pedro, Concheiros e avda. de Lugo. A liña realizará a derradeira parada do traxecto e o tempo de espera na marquesiña da parada 86 (avda. de Lugo, cruzamento con Quiroga Palacios).

Paradas suprimidas:
(498) Calzada de S. Pedro, Don Bosco
(499) Rúa de Belvís, convento
(111) Avda. Teodomiro, Seminario Menor
(416) Quiroga Palacios nº 10
(417) Quiroga Palacios nº 54

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa do Penedo ( a partir do 6 de novembro)

A partir do luns 6 de novembro o camiño que une a rúa do Penedo co aparcadoiro situado baixo o viaduto do ferrocarril da Pontepedriña quedará pechado ao tráfico por mor da instalación de pantallas acústicas por parte de Adif, no marco do "Proxecto de Protección Acústica do Eixo Atlántico de Alta Velocidade. Tramo Padrón- A Coruña". A duración estimada dos traballos será de 4 semanas.

O corte será efectivo á altura do cruzamento das rúas do Penedo e Bermejo, polo que a única entrada ao aparcadoiro será dende a Pontepedriña, rúa do Río Arriba.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Corte de tráfico na rúa das Casas Reais (do 6 ao 24 de novembro)

A rúa das Casas Reais permanecerá pechada ao tráfico do 6 e o 24 de novembro por mor da realización da segunda fase dos traballos de mantemento e reparación do pavimento. Neste caso actuarase no tramo que vai dende a Porta do Camiño ata a rúa da Travesa. Os vehículos que saian desta rúa terán que facelo por Casas Reais cara á praza de Cervantes.

O Concello de Santiago prégalle á cidadanía que desculpe as molestias que estas alteracións lles poidan ocasionar.

MOBILIDADE

Cortes de tráfico debido ás obras na praza da Nosa Señora da Mercé de Conxo

Este xoves, 26 de outubro, darán comezo as obras de reurbanización da praza da Nosa Señora da Mercé de Conxo, situada ao final da avenida de Ferrol. A duración da obra está prevista para dous meses.

Os traballos implicarán o corte da circulación no sentido de baixada cara á rotonda de Conxo. Mantense a circulación de subida, polo que o transporte urbano non se verá afectado.

Haberá un corte no cruce da avenida de Ferrol coa rúa Xosé Pasín, por onde só poderán acceder os residentes e os servizos do último tramo da avenida.

O segundo corte da obra será na entrada da propia praza.

Os vehículos que saian da cidade cara a rotonda de Conxo baixando pola avenida de Ferrol, deberán desviarse pola rúa José Angel Valente ata a rúa Xosé Pasín, e desde esta acceder á rúa Sánchez Freire e desembocar na rotonda.

O Concello de Santiago de Compostela prégalle á cidadanía que desculpe as molestias que estas alteracións no tráfico lle poidan ocasionar.


Compartir: