EDUCACIÓN E CIDADANÍA

Admitidas todas as solicitudes para a edición de setembro do Programa de Conciliación de Verán

31/08/2018

A Concellaría de Educación e Cidadanía vén de admitir todas as solicitudes presentadas para a edición de setembro do Programa Municipal de Conciliación de Verán, que se celebrará os días 3, 4, 5, 6, 7, 10 e 11 do vindeiro mes. En calquera caso, aquelas familias que o desexen aínda teñen a oportunidade de inscribir os seus nenos e nenas no programa. Cómpre lembrar tamén que se ampliou a dous días máis o programa debido ao cambio das datas de inicio do novo curso escolar.

Ler máis

XUNTA DE GOBERNO

Adxudicada a redacción do proxecto dos accesos á futura estación de autobuses da intermodal

31/08/2018

A Xunta de Goberno adxudicou hoxe á empresa Proyfe a redacción do proxecto de reurbanización da rúa de Clara Campoamor, que servirá de acceso á futura estación de autobuses da intermodal. O alcalde, Martiño Noriega, salientou que o Goberno segue dando pasos para cumprir os seus compromisos, e conseguir que Santiago teña por fin unha infraestrutura longamente agardada e por fin desbloqueada".

Ler máis

ACCIÓN CULTURAL

Máis de 30 creadoras europeas participarán nas residencias artísticas do proxecto Wom@rts a partir de setembro

31/08/2018

Co obxectivo de promover unha presenza igualitaria das mulleres como axentes activos da contorna artística, o proxecto Wom@rts desenvolverá este ano diversas actividades culturais en distintas cidades europeas. Do 10 de setembro ao 24 de outubro, as localidades de Avilés (España), Angoulême (Francia) e Limerick (Irlanda) acollerán tres residencias creativas dirixidas a artistas visuais-dixitais, ilustradoras e debuxantes de cómics e gravadoras, nas que máis dunha trintena de profesionais de dez países diferentes...

Ler máis

ALCALDÍA

A Universidade da Coruña súmase ao desenvolvemento do proxecto Smartiago

30/08/2018

O alcalde, Martiño Noriega, e o reitor da Universidade da Coruña, Julio Abalde, asinaron hoxe o convenio de colaboración para o desenvolvemento do proxecto de fomento da compra pública innovadora, Smartiago. Os dous salientaron a oportunidade que supón este programa para que o coñecemento xerado no Sistema Universitario Galego sexa aproveitado polas institucións públicas e polo conxunto da sociedade.

Ler máis

EDUCACIÓN E CIDADANÍA

O 3 de setembro ábrese o prazo de solicitude de obradoiros nas escolas infantís municipais

30/08/2018

O luns 3 de setembro abrirase o prazo de solicitude dos obradoiros para o curso 2018-2019 nas escolas infantís municipais de Conxo, As Fontiñas e Meixonfrío-Salgueiriños. Estes obradoiros, dirixidos a nenos e nenas entre os 3 e os 8 anos, pretenden favorecer a conciliación familiar e laboral, ofrecendo aos nenos e nenas unha alternativa de lecer e tempo libre. Ofértanse 45 prazas, 15 por cada escola.

Ler máis

ACCIÓN CULTURAL

Chega o segundo volume da colección histórica "Cadernos de Compostela"

29/08/2018

A Concellaría de Acción Cultural vén de publicar o segundo volume da colección Cadernos de Compostela, unha iniciativa enmarcada na celebración do Ano Europeo do Patrimonio Cultural. Desta vez, o libro está dedicado á "Compostela Festiva". A concelleira Branca Novoneyra presentou a publicación nunha rolda de prensa na que estivo acompañada pola investigadora Mercedes Vázquez, integrante do colectivo Dehistoria e unha as autoras do contido, e polo ilustrador Marcos Vigo.

Ler máis

TURISMO E ESPAZOS CIDADÁNS

Remata a campaña de concienciación sobre os pisos turísticos cunha acción de rúa en Cervantes

29/08/2018

A praza de Cervantes acolleu esta mañá a última das accións de rúa para visibilizar e concienciar a veciñanza e turistas sobre a proliferación dos pisos turísticos ilegais. Trátase dunha campaña de comunicación realizada en colaboración e coordinación cos concellos de Barcelona e Sevilla, que contan cunha problemática semellante á compostelá.

Ler máis
Compartir: