Noticias

Tras a publicación da lista de prazas vacantes para o vindeiro curso, as persoas interesadas poderán presentar a súa solicitude de preinscrición na EMM, desde hoxe, 5 de maio, ata o 25 de maio.

O Departamento de Educación e a Escola Municipal de Música organizan un ano máis, e xa van vinte, un novo 'Concerto para a veciñanza'. Esta cita coa música, no que participarán diferentes agrupacións musicais do centro, está pensado para dar a coñecer o traballo realizado pola comunidade educativa da EMM e dinamizar a vida local e cultural dos barrios procurando descentralizar e achegar a música a todos os sectores de poboación.

Corea do Sur é un mercado estratéxico para a cidade por ser o país cun maior gasto medio diario en España, 378 euros por persoa.

O alcalde de Santiago, Xosé Sánchez Bugallo, acompañado de Cecilia Carballido, coordinadora do evento, presentou esta mañá non CSC de Conxo o programa definitivo de actividades da cuarta edición da Festa do Banquete . O día grande da Festa será o domingo 14 de maio, cos desfiles teatralizados, o pregón e a posterior romaría popular na carballeira que estará amenizada por distintas actuacións musicais. O alcalde fixo un chamamento a toda a veciñanza para achegarse a Conxo e participar nas diferentes...

O Espazo Apego acollerá está tarde ás 19:30 un acto de homenaxe aos comerciantes locais que levan 50 anos ou máis ofrecendo os seus produtos e servizos na cidade. Ao acto acudirá o alcalde Xosé Sánchez Bugallo que entregará un diploma e un distintivo a todos estes establecementos a modo de recoñecemento polo seu peso e contribución ao tecido comercial da cidade.

O vindeiro 15 de maio o Concello de Santiago súmase á celebración do Día Internacional da Luz cun paseo nocturno para que a cidadanía poida reflexionar sobre o impacto da iluminación na paisaxe nocturna da vila. O prazo de inscrición permanecerá aberto ata o 10 de maio.

A Xunta de Goberno local, reunida en sesión extraordinaria, deu luz verde ao procedemento aberto de adxudicación da "Dirección facultativa e coordinación de seguridade e saúde das actuacións de mellora de eficiencia enerxética do alumeado público exterior do Concello de Santiago de Compostela", que conta cun orzamento base de licitación de 337.312,50 euros para os anos 2023 e 2024.

Tras a cancelación da programación prevista para o xoves 4 por mor da choiva, a cuarta edición da festa do comercio local Prima 23 desenvolverase finalmente mañá venres 5 e o sábado 6 de maio nos barrios máis comerciais da cidade: a Zona Vella, Ensanche, San Pedro, Concheiros, As Fontiñas e Conxo. Debido á previsión metereolóxica para estes días, o programa de actividades poderá sufrir algunhas modificacións.

Este sábado 6 de maio terá lugar a I Copa Galega Xunta de Galicia e o II Open Cidade de Santiago de Marca Nórdica, dúas probas organizadas pola sección de Marcha Nórdica do Club Vía Láctea en colaboración do Concello de Santiago, e a Federación Galega de Montañismo. Será un evento benéfico xa que se destinará unha parte do importe da inscripción á Cruz Vermella.

Desde hoxe, todas as persoas que o precisen poderán solicitar a limpeza de pintadas e graffiti a través da sede electrónica da web do Concello de Santiago. Este servizo municipal, que xa realizou máis de 300 actuacións desde a súa posta en marcha en 2021, reforza o seu equipo con 3 novas incorporacións grazas ao financiamento do Programa de Emprego Local da Deputación da Coruña.