TURISMO
Santiago acolle, durante tres días, a rodaxe da película "Un home de acción"
Santiago de Compostela será escenario, desde hoxe e ata o 1 de outubro, da rodaxe da película "Un home de acción". As zonas afectadas son Salvador Parga, Praza San Agustin, Rúa das Ameas, Rúa San Francisco, Praza do Obradoiro e parque da Alameda. Todas son áreas de preferencia peonil, sendo mínima a súa afectación o tráfico.
MOCIDADE
O alcalde visita os novos locais de ensaio do Centro Xove de Creación Cultural
O alcalde de Santiago, Xosé Sánchez Bugallo, visitou hoxe os novos locais de ensaio do Centro Xove de Creación Cultural da Almáciga. Son tres locais de ensaio equipados con batería, dous amplificadores de guitarra, un amplificador de baixo, dúas caixas autoamplificadas con mesa de mestura propia e dous micrófonos e pés de micrófono, que se completan cun estudo de grabación con mesa de son, ordenador e software propio.
