ACCIÓN CULTURAL
Danza, literatura, música, circo e cinema na terceira semana do Festival C
O Festival C alcanza o seu ecuador e proponnos unha nova semana de actividades para gozar do tempo de lecer. O luns 16, ás 20.00 horas, o cemiterio do parque de Bonaval servirá de escenario á representación dunha das últimas creacións da compañía de danza contemporánea LASALA. Fight explora a relación do ser humano coa loita, presente desde o inicio dos tempos. Un elemento que a compañía abraza como fundamental na vida en xeral e na danza en particular.
ANO SANTO
Preséntase, no Pazo de Raxoi, a campaña #NonCamiñesSoia, dirixida a reforzar a protección das mulleres que fan o Camiño de Santiago
O Pazo de Raxoi e a Praza do Obradoiro acolleron hoxe a presentación da campaña #NonCamiñasSoia, que implica ás delegacións do Goberno de Aragón, Navarra, A Rioxa, Castela e León e Galicia. Presentouna José Miñones, delegado do Goberno en Galicia, quen explicou que 1.200 puntos do Camiño de Santiagona nosa comunidade contarán con recursos para previr calquera tipo de violencia contra as peregrinas.
MEDIO RURAL
Aberto o prazo de presentación de ofertas para a mellora do vial entre San Andrés de Barciela e o cruce de Candelabeira; e a ampliación da rede de abastecemento a Piñeiro, Frades e Gunín
Ata o 6 de setembro está aberto o prazo de presentación de ofertas no proceso de licitación das obras de mellora da vía que vai desde a igrexa de San Andrés de Barciela ata o cruce da Candelabeira; e de ampliación da rede de abastecemento de auga a Piñeiro, Frades e Gunín, na parroquia de Enfesta. As dúas actuacións están promovidas pola concellaría de Medio Rural, que dirixe José Manuel Pichel, en coordinación coa Deputación da Coruña, dentro do Plan Único de Concellos...
ANO SANTO
Recepción a unha representación da Fundación Canaria Pequeño Valiente, que peregrinaron a través do Camiño Portugués para concienciar sobre o cancro infantil
O alcalde en funcións e delegado do Ano Santo 2021, Sindo Guinarte, e a concelleira de Políticas Sociais, Mila Castro, recibiron hoxe a tres representantes da Fundación Canaria Pequeño Valiente, que realizaron o Camiño de Santiago Portugués en bicicleta desde Lisboa, co obxectivo de divulgar o labor da entidade, informar sobre a situación do cancro infantil, e concienciar do esforzo que supón o traballo diario para as familias dos menores que padecen esta doenza.
