MEDIO AMBIENTE
O IES Antonio Fraguas, IES Lamas de Abade e o Colexio La Salle, galardoados no IX Certame Literario de Viaqua
Trece alumnas e alumnos do IES Antonio Fraguas, IES Lamas de Abade e Colexio La Salle de Santiago foron galardoados no IX Certame Literario ‘Relatos de Auga Intelixente’. Este certame, organizado por Viaqua, está dirixido a escolares dos preto de 50 concellos onde a empresa xestiona o ciclo integral da auga. A concelleira de Medio Ambiente, Mila Castro e o director da empresa Viaqua, Iván José Vicente, foron os encargados de entregar os premios nun acto que tivo lugar onte no Pazo de Raxoi.
ACCIÓN CULTURAL
A gala dos Premios Follas Novas preséntase como unha gran festa cultural galega
A concelleira de Acción Cultural, Mercedes Rosón, participou esta mañá na presentación da gala dos Premios Follas Novas que terá lugar o vindeiro 22 de abril no Teatro Principal, e será conducida pola actriz Patricia de Lorenzo, con participación do grupo musical Mallou. Os galardóns renderán homenaxe a Ediciós do Castro, á libraría Númax e á escritora mexicana Lydia Cacho.
