CONSORCIO
A Real Filharmonía de Galicia presenta a súa nova temporada, 'Migracións'
A Real Filharmonía de Galicia presentou este mércores a súa nova temporada, que levará por título 'Migracións' nun acto no que participaron a alcaldesa e presidenta do Consorcio de Santiago, Goretti Sanmartín e a concelleira de Capital Cultural, Miriam Louzao. O apoio aos novos talentos será un dos eixos da programación 2023-2024, a primeira con Baldur Brönnimann como director artístico e titular.
CIDADES PATRIMONIO
As Cidades Patrimonio da Humanidade de España promociónanse no mercado asiático
O Grupo de Cidades Patrimonio presenta a súa oferta turística e patrimonial na feira ILTM Asia Pacific, en Singapur. O presidente do Grupo e alcalde da Lagoa, Luís Yeray Gutiérrez, destaca que ?estamos a promocionar a oferta turística das 15 cidades que representan un distintivo de calidade dentro da marca España?
XUVENTUDE
Aberto o prazo de inscrición para as actividades de verán no Centro de Interpretación do Medio Rural da Portela
O Centro de Interpretación do Medio Rural da Portela ofrece, entre o 3 e o 21 de xullo, un programa de actividades para mozos e mozas entre 15 e 20 anos que inclúe sendeirismo, obradoiros, cine, excursións, observatorio nocturno ou xogos de rol. As persoas interesadas en participar disporán dun servizo de desprazamento dende o Complexo Deportivo de Santa Isabel.
ALCALDÍA
O Concello e a USC crearán un protocolo de colaboración para mellorar a integración da comunidade universitaria na cidade
A alcaldesa, Goretti Sanmartín, mantivo esta mañá unha primeira reunión institucional co reitor da USC, Antonio López, tras a que anunciaron a elaboración dun protocolo de colaboración entre o Concello e a USC co obxectivo de favorecer a integración do estudantado na cidade e definir o uso das infraestruturas de ambas institucións que marcará "unha folla de ruta" para os vindeiros anos.
ALCALDÍA
Bota a andar o novo executivo municipal co reparto de áreas e a primeira reunión da Xunta de Goberno local
A alcaldesa de Santiago, Goretti Sanmartín, e a primeira tenenta de alcaldesa, María Rozas, deron conta en rolda de prensa do reparto de competencias do executivo local, configurado co obxectivo de formar un "goberno unido, cohesionado e forte" que "responda ás necesidades da cidade, sempre coas portas abertas á veciñanza, ás asociacións e en colaboración con outras institucións". Ás 13:00 horas tivo lugar a primeira reunión da Xunta de Goberno local.
EDUCACIÓN
A Escola Municipal de Música celebra o seu Festival de fin de curso baixo o título "A Música na Emigración"
A Escola Municipal de Música e o Concello de Santiago presentan "A Música na Emigración", o festival de fin de curso da EMM que terá lugar o vindeiro mércores, 21 de xuño, na Sala Ángel Brage do Auditorio de Galicia.
ALCALDÍA
Goretti Sanmartín convértese na primeira alcaldesa de Santiago e comprométese a situar Compostela na vangarda da igualdade, do feminismo, da sostibilidade, do emprego e do benestar
Goretti Sanmartín tomou posesión do cargo de alcaldesa na sesión de constitución da nova Corporación municipal 2023-2027 celebrado na mañá deste sábado. A cabeza de lista do BNG foi elixida ao ser a candidata máis votada con 14 votos.
CENTROS SOCIOCULTURAIS
O programa Vive o verán 2023 oferta 3.000 prazas para actividades como música ao vivo, danza, roteiros ou obradoiros artísticos para todos os públicos
A vindeira semana arrancan as actividades do programa "Vive o verán 2023", organizado pola Rede de Centros Socioculturais, que oferta nos meses de xuño, xullo e setembro arredor de 3.000 prazas para 42 actividades culturais e de ocio de balde, repartidas en 100 sesións en diferentes localizacións e horarios. O programa arrancará a vindeira semana cos roteiros dedicados á recollida das Herbas de San Xoán.
POLÍTICAS SOCIAIS
O Concello súmase ao Día Internacional das Persoas Refuxiadas cunha campaña de sensibilización e un concerto da Banda Municipal
Cada ano, o 20 de xuño conmemórase o Día Mundial da Persoas Refuxiadas co propósito de dar visibilidade á difícil situación de aqueles que foxen dos conflitos ou das persecucións, e poñer o foco nos dereitos, as necesidades e os soños destas persoas. Este ano, o Concello colabora a través dunha campaña que pretende dar visibilidade aos artigos da Declaración dos Dereitos Humanos que garanten a protección das persoas refuxiadas.
SEGURIDADE CIDADÁ
Últimos días para solicitar o permiso para realizar cacharelas en espazos públicos e privados
Para as persoas, organizacións e comunidades que desexen realizar unha cacharela e/ou sardiñada nun espazo público da súa zona de residencia, o prazo remata o 20 de xuño. No caso dos particulares que vaian facer esa cacharela ou sardiñada nun terreo dunha propiedade privada, a solicitude poderá facerse ata o 21 de xuño.