CONSORCIO
O programa de rehabilitación TerÉManter permitirá realizar todas as obras subvencionables ao non exceder o límite de orzamento
O Consorcio de Santiago recibiu 79 solicitudes de axudas para o mantemento de carpinterías de madeira e envolvente exterior nos edificios da cidade histórica.
ALCALDÍA
Alba de Compostela, o acto institucional do Concello do 25 de xullo, renderá homenaxe a persoas ou institucións que constrúen cidade todo o ano
A alcaldesa de Santiago, Goretti Sanmartín, avanzou en rolda de prensa información sobre o acto institucional municipal previsto para o vindeiro 25 de xullo, que levará por nome ‘Alba de Compostela’ en homenaxe ao afamado discurso de Castelao ‘Alba de Gloria’. Será un acto "no que o concello sexa o protagonista" e que se celebrará nun horario en que non colida co resto de actos do día grande de Santiago e de Galicia.
XUNTA DE GOBERNO
A Xunta de Goberno adxudica o novo contrato de roza, limpeza e mantemento de viarios por preto de 800.000 euros
O executivo municipal acordou tamén a adxudicación do contrato para a creación dunha zona de xogos infantís no parque do Avío e o servizo de redacción do proxecto para a adecuación do Pazo de Raxoi para a realización de visitas turísticas de carácter histórico, arquitectónico e artístico. Así mesmo, deu luz verde ao proxecto para acondicionar novos miradoiros no Monte do Pedroso a aceptou a cesión de dous locais en San Pedro de Mezonzo para o seu uso como centro para persoais maiores e...
IGUALDADE
Minuto de silencio polas últimas vítimas mortais de violencia machista
A praza do Obradoiro acolleu este mediodía un minuto de silencio polas mulleres asasinadas en Antella (Valencia) e Logroño, vítimas de violencia machista.
DEPORTES
Aberto ata o 11 de xullo o prazo de solicitude de utilización das instalacións deportivas municipais
As entidades interesadas en presentarse á convocatoria de cesión de usos das instalacións deportivas municipais para actividades deportivas e físicas durante a tempada 2023/24, poderán facelo ata o vindeiro martes 11 de xullo. A presentación de solicitudes para actividades extraescolares vinculadas aos centros de ensino estará aberta ata o 15 de setembro.
FESTAS
Leilía serán as pregoeiras das Festas do Apóstolo 2023 que arrancarán o vindeiro 20 de xullo
A concelleira de Festas, Pilar Lueiro, acompañada pola pandeireteira Montse Rivera e o técnico do Concello, Suso Amado, presentou esta mañá o programa deste ano das Festas do Apóstolo que arrancarán o vindeiro xoves 20 de xullo cun pregón a cargo do mítico grupo Leilía. The Original Wailers, Sarah Mccoy, Angel Stanich, Xabier Díaz e Adufeiras de Salitre ou Cimafunk, son algúns dos artistas que encherán de boa música as prazas da cidade, nunhas Festas nas que non faltará tampouco o folclore,...
CIDADES PATRIMONIO
As Cidades Patrimonio e Fundación ONCE, unidas pola accesibilidade universal
O Grupo de Cidades Patrimonio da Humanidade de España e Fundación ONCE renovaron o seu compromiso pola mellora da accesibilidade universal e, con iso, da normalización e plena participación das persoas con discapacidade na comunidade.
IGUALDADE
Minuto de silencio polas últimas vítimas mortais de violencia machista
A praza do Obradoiro acolleu este mediodía un minuto de silencio polas mulleres asasinadas o pasado 1 de xullo en Navarra e o 3 de xullo en Salou (Tarragona), vítimas de violencia machista.
CAPITAL CULTURAL
O Teatro Principal acolle esta fin de semana a estrea de "O auto do Castromil"
A compañía Excéntricas estreará este venres, 7 de xullo, o seu último traballo "O auto do Castromil" no Teatro Principal de Compostela. Esta obra, gañadora do III concurso de proxectos da Fundación Manuel María, está dirixida por Quico Cadaval, e protagonizada por un elenco de catro intérpretes formado por: Rocío González, Victor Mosqueira, Marcos Orsi e Patricia Vázquez. A concelleira de Capital Cultural, Míriam Louzao, asistiu esta mañá á presentación do...
CONSORCIO
A exposición 'Mirar a cidade' do fotógrafo Fuco Reyes estará aberta na Casa do Cabido ata o vindeiro 16 de xullo
A presidenta do Consorcio, Goretti Sanmartín, e membros da Corporación Municipal visitaron este martes na Casa do Cabido a exposición 'Mirar a cidade. Unha visión poliédrica' que amosa instantáneas tomadas polo fotógrafo santiagués Fuco Reyes e que acolle desde mediados do mes de maio a sala de exposicións da praza de Praterías.