Noticias

A alcaldesa de Santiago, Goretti Sanmartín, recibiu esta mañá na Alcaldía a Miguel López Crespo, secretario xeral da Unión de Consumidores de Galicia, para abordar asuntos de interese para ambas entidades. Na xuntanza tamén estivo presente a concelleira de Dereitos e Servizos Sociais, Promoción Económica e Comercio, María Rozas.

A alcaldesa de Santiago de Compostela, Goretti Sanmartín, vén de remitirlle esta mañá ao presidente da Xunta a documentación sobre a taxa turística que, ademais dun exhaustivo informe sobre a súa aplicación práctica, inclúe a "Proposta de proxecto de lei do imposto sobre estadías turísticas en establecementos da Comunidade Autónoma de Galicia".

A Real Filharmonía de Galicia abre un proceso de selección para a posterior contratación dun/dunha director/a asistente para o ano 2024. Ofrécese unha experiencia formativa en todos os aspectos prácticos do mundo musical profesional (dirección, programación, formación, relación con outras institucións artísticas…). A persoa seleccionada gozará dunha oportunidade para profundar e impulsar a súa carreira coma director/a profesional, baixo a mentoría do director artístico e titular da RFG,...

A praza do Obradoiro acolleu este mediodía un minuto de silencio pola muller asasinada o pasado 31 de xullo en Sevilla, vítima de violencia machista.

María Rozas vén de reunirse co presidente da Cruz Vermella en Santiago, José Luis Barreiro, e coa súa coordinadora, Leonor Silva, para falar das liñas de colaboración que a concellería de Dereitos e Servizos Sociais mantén abertas coa entidade. No transcurso da xuntanza quedou asinado o convenio de colaboración polo que o Concello lle fai á Cruz Vermella unha achega de 85.000 euros.

A concelleira de Turismo compartiu os datos achegados pola oficina de peregrinos que indican un incremento de 20.000 peregrinos chegados a Compostela con respecto á mesma data do ano pasado, o que supón unha suba do 9%. Míriam Louzao valorou positivamente estas cifras e reafirmou a necesidade de seguir traballando cara a un "novo modelo turístico" baseado "nun turismo consciente, responsable e sustentable no tempo" coa posta en marcha de iniciativas como o Código de Boas Prácticas ou a aplicación da taxa turística.

Goretti Sanmartín, acompañada polos concelleiros de Mobilidade e de Urbanismo, Xan Duro e Iago Lestegás, mantivo onte unha xuntanza coa Demarcación de Estradas do Estado en Galicia para tratar varios dos asuntos que preocupan e competen ás dúas administracións.

O Concello vén de instalar nova sinaléctica en San Pedro para advertir da prohibición de circular en bicicleta pola rúa. As persoas que as utilicen deberán desviarse pola rúa da Angustia cara a rúa de Bonaval. Con esta medida, o Departamento de Mobilidade pretende mellorar a convivencia neste punto de entrada do Camiño de Santiago.

A praza do Obradoiro acolleu este mediodía un minuto de silencio pola muller asasinada o pasado 27 de xullo en Barcelona, vítima de violencia machista.

Curtocircuíto celebra vinte anos promovendo o cinema máis innovador dende Santiago de Compostela. O festival internacional de cinema reinvéntase: anuncia nova identidade visual e a nova sección "Cosmos".