Noticias

A Xunta de Goberno acordou, nunha sesión extraordinaria, a substitución de doce vehículos adscritos ao servizo de transporte urbano por outros tantos vehículos que serán facilitados pola actual concesionaria. Está previsto que os autocares empecen a operar nas próximas semanas.

O Clúster Alimentario de Galicia, coa participación de once empresas socias, inaugura o vindeiro martes un espazo de promoción conxunta na Nave 6 do Mercado de Abastos de Santiago, que poderá visitarse ata o 19 de setembro. O obxectivo desta acción promocional que conta co apoio do Concello de Santiago, é dar a coñecer os produtos destas empresas galegas entre profesionais da hostalaría, consumidores habituais e turistas.

A AECC Santiago co apoio do Concello pon en marcha, por segundo ano consecutivo, a andaina En Marcha Contra o Cancro que terá lugar o 23 de setembro na Alameda a partir das 10:00 horas. No mesmo espazo tamén se celebrará a feira divulgativa Ciencia para todos para conmemorar o Día Mundial da Investigación Contra o Cancro. As persoas interesadas poderán inscribirse ata o 22 de setembro e todos os fondos recadados destinaranse a apoiar a investigación en cancro e os pacientes e as súas familias.

A oitava cita desde ciclo abordará o tema do turismo sostible e responsable cos territorios e as persoas, nunha sesión que terá lugar vindeiro 19 de setembro ás 10h no Espazo galego da Creatividade. Os Encontros Emprendedores presentan iniciativas innovadoras en liña cos eixos da Axenda Urbana 2030, que dan resposta aos retos identificados pola cidadanía de cara aos vindeiros anos. A inscrición é gratuita e aberta a todas as persoas interesadas.

A partir do luns 11 de setembro, ponse en marcha a tempada de inverno nos horarios do servizo de transporte urbano da cidade.

O gasto medio dun participante nun congreso foi de 355 euros ao día no 2022.

Goretti Sanmartín e Blas García mantiveron un primeiro encontro institucional esta mañá no Pazo de Raxoi para abordar os asuntos que afectan á veciñanza de ambos municipios como a depuradora da Silvouta, o parque comarcal de bombeiros ou a senda que unirá Santiago co Milladoiro. Na xuntanza tamén participaron o concelleiro de Mobilidade, Xan Duro; a concelleira de Capital Cultural, Míriam Louzao, así como edís do Concello de Ames.

A concelleira de Deportes, Pilar Lueiro; o delegado do reitor para o Deporte, Javier Rico; e representantes do Santiago Rugby Club, o E.D.S. Santa Marta e o Rácing San Lorenzo reúnense para optimizar a utilizacións dos espazos deportivos da USC.

A Plataforma por Empresas Responsables (PER) celebrará os próximos días 13 e 14 en Santiago as xornadas "Por unha Economía Global Xusta e Sostible", coincidindo co primeiro Encontro de Ministros e Ministras de Economía e de Finanzas da UE, Latinoamérica e Caribe, que se celebrará na nosa cidade os próximos días 15 e 16, enmarcado na axenda da Presidencia española do Consello da Unión Europea. A primeira tenenta de alcaldesa e concelleira de Dereitos Sociais, María Rozas, presentou hoxe o foro,...

As agrupacións que o desexen poderán anotarse ata o día 15 para a actuación que terá lugar o 21 de decembro no Auditorio de Galicia.