Noticias

Bélxica, Colombia, Estados Unidos, India, Filipinas ou Irán son algúns dos lugares de procedencia das persoas que este mércores, 20 de setembro, comezan ou seu achegamento inicial á lingua e cultura galegas da man dos obradoiros de acollemento lingüístico que organiza o Departamento de Lingua do Concello de Santiago.

A praza do Obradoiro acolleu este mediodía un minuto de silencio polas tres mulleres asasinadas o 15 de setembro na provincia de Alacante, e o 16 de setembro na provincia de Castellón e en Murcia, vítimas de violencia machista.

Formacións procedentes de Portugal, Francia, Colombia, Chile e Arxentina daranlle a dimensión internacional á 28ª edición da mostra, que este ano exhibirá 14 espectáculos inéditos. A sección ‘Cara Bé’, destinada ao público adulto, estará formada por sete espectáculos e celebrará unha sesión de varietés na xa tradicional carpa da Alameda, que un ano máis volve ser unha das sedes do certame Galicreques que descentralizará o seu cartel ao repartir a súa actividade...

A xornada "Somos mulleres, somos emprendedoras, somos economía social" celebrarase o vindeiro o martes 26 de setembro ás 10 horas no edificio Cersia Empresa, e nela mulleres emprendedoras no sector da economía social compartirán as súas experiencias no cooperativismo.

O venres 29 e sábado 30 de setembro celebraranse dous concertos no Auditorio de Galicia nos que se continuará co estudo iniciado o pasado ano. A primeira edición de Sensoxenoma ofreceu resultados sorprendentes que axudan a entender por primeira vez obxectivamente o efecto beneficioso da música nas persoas con deterioro cognitivo.

A Xunta de Goberno Local deu luz verde á convocatoria de subvencións por máis de 750.000 euros para a rehabilitación de edificios e vivendas no barrio de Vite e na cidade histórica ao abeiro do Plan Estatal de Vivenda 2018-2021. Nesta mesma sesión adxudicáronse as obras de repavimentación da praza da Nosa Señora da Mercé de Conxo por 111.522 euros.

A alcaldesa, Goretti Sanmartín, e o presidente da Deputación, Valentín Formoso, mantiveron un encontro para facer seguimento dos proxectos de colaboración entre ambas as institucións. Na xuntanza tamén estiveron a primeira tenenta de alcaldesa, María Rozas, e o vicepresidente provincial, Xosé Regueira.

Converteuse xa na mostra máis visitada desde a apertura da Casa do Cabido como sala de exposicións. Agárdase incrementar estas cifras coas visitas dos grupos escolares a partir deste mes

Miles de persoas asistiron a este evento cultural único en Europa coincidiu coa celebración do XXX Aniversario da creación do Grupo e a aprobación do manifesto que afronta os grandes retos e desafíos para as próximas décadas. A Asemblea celebrada en Ávila aprobou conceder o prestixioso Premio Patrimonio 2024 á cidade de Marrakech, "para expresar a nosa solidariedade e o noso apoio non só a unha cidade extraordinaria, senón a todo o pobo marroquí", afirmou o presidente.

Os concellos de Santiago e de Vilagarcía celebraron esta mañá un acto institucional conxunto con motivo do 150 aniversario da posta en marcha da primeira liña ferroviaria galega que uniu Cornes, no barrio de Conxo, con Carril. Durante o acto, a alcaldesa de Santiago, Goretti Sanmartín, e a tenenta de alcalde de Vilagarcía, Tania García, inauguraron unha exposición sobre a historia do tren en Galicia e descubriron unha escultura dun cambio de agullas para homenaxear o mundo ferroviario.