Noticias

As artistas actuarán na Gala dos premios, que terá lugar o martes, 10 de outubro no Auditorio de Galicia de Santiago de Compostela. O premio especial a amizade galego-lusófona recaeu na Associação José Afonso, que leva máis de 30 anos difundindo os valores deste artista, tamén desde a delegación galega.

A praza do Obradoiro acolleu esta mañá un minuto de silencio como mostra de pesar polas 13 persoas falecidas no incendio que afectou a varias discotecas de Murcia na madrugada do domingo.

Reunida en sesión extraordinaria, a Xunta de Goberno acordou esta mañá a adxudicación do contrato para a execución das obras do proxecto "mellora da accesibilidade ao barrio de Pontepedriña" á empresa ÁREA PROYECCIÓN, CONSTRUCCIÓN Y SERVICIOS SLU por un importe de 145.200,00 €. Tamén se deu luz verde a un convenio de colaboración co Centro Comercial Área Central por valor de 35.000 euros para o desenvolvemento dun programa de dinamización comercial e outro coa Asociación de...

A concelleira de Dereitos e Servizos Sociais visitou esta mañá dous dos centros que Aspanaes xestiona en Santiago, en concreto as instalacións do Servizo de Atención Temperá, en Villestro, e o Centro de Educación Especial Duques de Lugo, en Lamas de Abade. María Rozas estivo acompañada polo presidente da entidade, Ignacio Labella; o director xerente, Daniel Viéitez, e o seu antecesor no cargo, José Alén.

O Pleno municipal deu luz verde esta mañá a unha proposta que suspende os actos suxeitos a licenza e comunicación previa no edificio das antigas escolas de Maxisterio, que na actualidade acolle o centro de educación infantil e primaria López Ferreiro e as facultades de Enfermaría e de Ciencias da Educación da USC, na avenida de Xoán XXIII. Este acordo supón o paso previo para a modificación normativa que permita preservar o uso dotacional para o que foi creado así como a protección dos elementos que o...

A Xunta de Goberno Local, reunida en sesión extraordinaria, deu luz verde ás bases da convocatoria de subvencións por un importe total de 250.000 euros para financiar iniciativas e accións de carácter cultural proxectadas e desenvolvidas polos profesionais do ámbito. O executivo municipal tamén acordou a concesión de subvencións por un valor total de 171.235,53 euros para a rehabilitación de vivendas na cidade histórica e nos barrios de Vista Alegre e Vite.

A alcaldesa, Goretti Sanmartín, e a primeira tenenta de alcaldesa, María Rozas, acompañadas do resto de membros do Goberno municipal, fixeron un repaso polas accións levadas a cabo despois de cen días á fronte do Concello así como dos retos inmediatos e a medio e longo prazo. O executivo municipal deu conta destas cuestións nun almorzo informativo cos xornalistas que tivo lugar esta mañá no Auditorio de Galicia.

No concerto do sábado 30, que será aberto ao público, Baldur Brönnimann dirixirá a Real Filharmonía de Galicia cun programa sorpresa. Desde a organización incídese en que é preciso o apoio do público para crear o ambiente dun gran concerto.

A nova edición do Festival Internacional de Cinema, que terá lugar entre o 3 e o 8 de outubro, conta con estreas internacionais, espectáculos audiovisuais e actividades especiais a cargo de referentes das artes e o pensamento como Ramón Andrés ou María Sánchez. O fotógrafo Antoine D´Agata chegará a Curtocircuíto para falar da súa obra cinematográfica nun encontro co público. Elena Martín Gimeno, directora de Creatura, completa un cartel no que a maioría das sesións especiais...

A concellería de Mobilidade e Convivencia e a Policía Local volven impulsar as charlas sobre lecer nocturno para a mocidade, que neste curso se impartirán no centro sociocultural do Ensanche ademais de nos institutos de Compostela. O obxectivo é concienciar aos mozos e mozas das consecuencias que poden ter determinadas conductas incívicas que se veñen rexistrando en Santiago asociadas ao ocio nocturno.