ALCALDÍA
O Pazo de Raxoi recibe a visita da nova consulesa xeral de Cuba en Santiago
A alcaldesa de Santiago, Goretti Sanmartín, recibiu esta mañá no Pazo de Raxoi á consulesa xeral de Cuba en Santiago de Compostela, Ingrid Izquierdo Sterling.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada o pasado 28 de setembro en Toledo, vítima de violencia machista.
DEREITOS E SERVIZOS SOCIAIS
María Rozas visita a sede da Asociación Fonte da Virxe de familiares de persoas con enfermidade mental
A concelleira de Dereitos e Servizos Sociais visitou esta mañá o centro de rehabilitación psicosocial da Asociación Fonte da Virxe de familiares de persoas con enfermidade mental. María Rozas mantivo un encontro coas responsables da entidade, que o ano que vén cumprirá 30 anos.
PROMOCIÓN ECONÓMICA
O Concello lanza o ciclo de actividades formativas 'Compostela Móvese 2023' centrado na mellora empresarial da contorna
O vindeiro 9 de outubro arranca un ciclo de accións formativas dirixido a empresas e profesionais da área empresarial de Santiago para mellorar a súas competencias en ámbitos como a dixitalización, marketing ou xestión de persoal, entre outros. Impulsado pola Oficina de Promoción Económica do Concello de Santiago, o programa 'Compostela Móvese 2023' ofertará un total de 58 cursos tanto en modalidade presencial como teleformación.
CAPITAL CULTURAL
O narrador zamorano José Luis Gutiérrez ‘Don Guti’ trae a Santiago o seu último espectáculo
‘Cando Deus andaba polo mundo’ reúne historias que narran as aventuras de Cristo e San Pedro polas terras da raia. A función será este venres, 6 de outubro, ás 21 horas no CSC As Fontiñas, con entrada libre ata completar o aforo.
CONSORCIO
A Real Filharmonía de Galicia inicia a súa nova temporada, Migracións
No primeiro concerto levará a batuta o director titular e artístico, Baldur Brönnimann, e actuará como solista o pianista Alberto Rosado. O número de abonados do Auditorio de Galicia nesta temporada increméntase nun 14% respecto á anterior.
ALCALDÍA
Rueda confírmalle á alcaldesa que autorizará unha taxa turística específica para Santiago
Goretti Sanmartín e Alfonso Rueda mantiveron esta tarde unha xuntanza na sede da Presidencia da Xunta na que a rexedora compostelá lle trasladou ao titular do executivo autonómico "unha serie de temas de colaboración institucional para traballar en sinerxía" entre ambos os entes. Na xuntanza, o titular da Xunta comprometeuse a autorizar a aplicación da taxa turística para Santiago e a avanzar na construción de vivenda pública.
XUNTA DE GOBERNO
A Xunta de Goberno adxudica as obras de reforma da Praza de Abastos por máis de 450.000 euros
A Xunta de Goberno local, reunida esta mañá en sesión ordinaria, deu luz verde á adxudicación do contrato de obras de reforma da praza de Abastos á empresa INSIDE THE TEAM, S.L por un importe total de 451.278,16 €, IVE engadido. Con esta actuación, o Concello de Santiago pretende poñer en valor este edificio, incrementar a súa funcionalidade, e facelo máis cómodo e accesible a cidadanía e visitantes. Tamén se acordou conceder ás licenzas de obra ao Consorcio de Santiago para a reparación...
XUVENTUDE
O Concello de Santiago leva aos centros educativos un programa sobre saúde mental "para evitar condutas de risco e rachar cos estigmas"
Informar sobre os trastornos mentais máis frecuentes, evitar os estigmas e prexuízos en torno á saúde mental, e pevir condutas de risco. Son os obxectivos do programa de promoción da saúde mental, que a Concellaría de Xuventude pón en marcha en colaboración coa Asociación Itínera. A concelleira, María Rozas, presentou hoxe a actividade, que se desenvolverá nos meses de outubro e novembro nos IES e CEIPS de Compostela. Fíxoo acompañada por Carlos Martínez Uzal, coordinador de...
DEPORTES
Santiago acolle a 11ª edición das Marchas Ciclistas Unificadas para persoas con e sen discapacidade intelectual
A marcha, organizada por Special Olympics Galicia en colaboración co Concello de Santiago e unha ampla lista de entidades e empresas, chegará o día 7 de outubro a Compostela despois de percorrer as localidades de Allariz (Ourense) e Antas de Ulla (Lugo). O obxectivo desta marcha e favorecer a inclusión do colectivo a través do deporte.