CIDADES PATRIMONIO
O Grupo de Cidades Patrimonio e Paradores presentan a súa oferta ante operadores turísticos e medios especializados de Milán
O presidente do Grupo de Cidades Patrimonio da Humanidade de España e alcalde de San Cristóbal de la Laguna, Luis Yeray Gutiérrez, destaca que "España é o destino preferido polos turistas italianos e, no ano do trixésimo aniversario do noso Grupo, queremos que descubran 30 razóns para visitar e percorrer 15 cidades de valor excepcional". O acto, dirixido a operadores turísticos e medios especializados, foi organizado coa colaboración da Oficina Española de Turismo en Milán e contou coa conselleira de...
SUSTENTABILIDADE AMBIENTAL
O Concello realizará unha intervención para mellorar o parque de cans de Belvís
O concelleiro de Dereitos dos Animais e Parques e Xardíns, Xesús Domínguez, mantivo un encontro con persoas usuarias do parque de Belvís e avanzou que o Concello realizará unha actuación para mellorar o estado en que se encontra este espazo.
CAPITAL CULTURAL
A Escola de Música de aCentral Folque presenta un novo curso con paseos musicais pola cidade e concertos nos centros socioculturais como novidades
aCentral Folque continúa coa oferta de formación continua na súa Escola de Música -EMaCF- logo de quince anos en Santiago de Compostela aprendendo arredor das músicas populares. Nesta ocasión, o curso presenta como novidades concertos nos centros socioculturais e paseos musicais pola cidade. A programación completa foi presentada en rolda de prensa pola concelleira de Capital Cultural, Míriam Louzao, e polo coordinador da Escola de Música, Mauro Sanín.
TURISMO
Compostela participa na Asamblea de Outono da "City Destinations Alliance" sobre turismo sostible
A City Destinations Alliance, a anteriormente chamada European City Marketing, é a principal rede de cidades turísticas de Europa.
URBANISMO
O TSXG anula a licenza da estación de carburantes de Brandia
O TSXG vén de confirmar a sentenza de derrubo da estación gasolineira de Brandia, ao desestimar o recurso presentado polo Concello, Carburantes Lugo e o Colexio de Arquitectos/as ante a resolución de primeira instancia ditada polo Xulgado do contencioso-administrativo número 1 de Santiago de Compostela.
ALCALDÍA
O Concello de Santiago recibe a visita do equipo da película 'O Corno', gañadora da Cuncha de Ouro en San Sebastián
A alcaldesa de Santiago, Goretti Sanmartín, e varias representantes da Corporación municipal recibiron esta mañá a Jaione Camborda, Andrea Vázquez e Janet Novás, directora, produtora e actriz do filme galego 'O Corno' que o pasado 30 de setembro foi galardoado coa Cuncha de Ouro á mellor película na 71ª edición do Festival de Cine de San Sebastián.
CAPITAL CULTURAL
A Banda Municipal de Música arranca unha nova tempada baixo o título 'Postais'
'Postais' é o título da nova tempada de concertos da Banda de Música Municipal de Santiago que se desenvolverán ata o próximo mes de decembro no Teatro Principal e no Auditorio de Galicia. Este primeiro ciclo de 9 concertos arrancará este domingo ás 12:00 no Teatro Principal coa proposta "dende a orixe".
URBANISMO
Iago Lestegás destaca na apertura do simposio "Urban Solutions" o compromiso do Concello de Santiago coa sustentabilidade urbana
O concelleiro de Urbanismo, Vivenda e Cidade Histórica, Iago Lestegás, participou no Simposio "Urban Solutions" en que se analizaron algúns dos desafíos das cidades no século XXI e na súa intervención afirmou que "o Concello de Santiago está comprometido coa sustentabilidade urbana e quere que a capital galega sexa un referente internacional nesta materia".
CAPITAL CULTURAL
Curtocircuíto inaugura a súa vixésima edición coa estrea de O Corno en Galicia
O Festival Internacional de Cinema bota a andar o seu 20º aniversario nun acto no que participaron a alcaldesa de Santiago de Compostela, o conselleiro de Cultura da Xunta de Galicia, o presidente da Deputación de Pontevedra, a deputada de Cultura da Deputación da Coruña e o director da Agadic.
CAPITAL CULTURAL
Aberto desde o 4 de outubro o prazo de solicitude de axudas para as actividades culturais do sector profesional
Ata o 20 de outubro permanecerá aberto o prazo de presentación de solicitudes para optar ás axudas de apoio a actividades culturais para o sector profesional, convocadas polo Concello de Santiago a través da Concellaría de Capital Cultural. Esta convocatoria de subvencións, ás que se destinan 250.000 euros, ten por obxecto o fomento das actividades culturais organizadas polas persoas e entidades dedicadas profesionalmente á produción de actividades culturais e artísticas durante o ano 2023.
