Noticias

A concelleira de Dereitos e Servizos Sociais, Promoción Económica e Xuventude, María Rozas, mantivo hoxe unha xuntanza con representantes das asociacións de comerciantes de Santiago para poñer en común as bases da nova convocatoria dos Bonos Corazón. Nos próximos días, celebrarse outra xuntanza co sector hostaleiro. A previsión é que os bonos estean dispoñibles a mediados deste mes e se poidan consumir ata o 22 de decembro.

Do 9 ao 25 de novembro, o certame leva ás salas de Compostela 115 filmes e numerosas actividades paralelas, con concertos e proxeccións especiais, mesas redondas e obradoiros arredor do cinema. Os premios Cineuropa distinguen en 2023 as traxectorias do actor Luis Zahera, do director portugués João Canijo e da actriz Ana Torrent. O Cineuropa 37 conmemora tamén o centenario do nacemento de Jorge Semprún, coa presenza do cineasta Costa-Gavras, e move á reflexión sobre a historia da democracia na Arxentina e sobre a ditadura pinochetista en...

Máis de 3.000 prazas en actividades formativas, 300 ofertas de emprego e preto de 80 empresas participantes. Son os números do Talentia Summit, o evento do talento e o emprego que se desenvolverá do 13 ao 17 de novembro, cun formato híbrido que combinará as vantaxes dos modelos de feira virtual e presencial. As inscricións nas diferentes actividades quedarán abertas esta tarde a través da web talentiasummit.com.

A alcaldesa e o concelleiro de Urbanismo, Iago Lestegás, xunto con persoal técnico, mantiveron esta mañá unha xuntanza con representantes de Hostelería Compostela, Hostalaría.gal e a Asociación de Bares, Pubs e Discotecas para explicar o contido do plan destinado a verificar as medidas de seguranza nos locais, para atender a preocupación que manifesta publicamente o sector hostaleiro. O Concello estudará a proposta presentada polas asociacións para pór en marcha unha Mesa sectorial de hostalaría.

O I Foro da Accesibilidade, que terá lugar o luns 13 de novembro ás 17:30 horas no Centro CABES, estará aberto á participación de toda a veciñanza e axentes implicados que queiran achegar suxestións, propostas ou inquedanzas en materia de accesibilidade.

Ata o 8 de novembro estará aberto o período de solicitude de praza nas actividades do programa de conciliación de Nadal VacaLudos que se desenvolverá no Espazo Educativo e de Lecer María Miramontes (Ludoteca das Fontiñas) entre o 22 de decembro e o 5 de xaneiro. Tamén abre hoxe o prazo de solicitude para participar no programa de conciliación nos CEIP Quiroga Palacios e Monte dos Postes durante o período de Nadal.

O programa municipal de conciliación de Nadal 2023 desenvolverase entre o día 22 de decembro e o 5 de xaneiro, nos CEIPs Quiroga Palacios e Monte dos Postes. Este programa concíbese como un espazo educativo, de promoción do ocio e o tempo de lecer, ademais dun recurso para a conciliación familiar e laboral no tempo de vacacións.

O Centro Sociocultural Maruxa e Coralia da cidade histórica celebra o seu primeiro aniversario cunha programación especial que se vai desenvolver do 6 ao 13 de novembro. O concelleiro Xan Duro presentou hoxe as actividades, nunha rolda de prensa na que estivo acompañado por Lupe Rodríguez, técnico da rede de centros.

A Xunta de Goberno Local celebrada este luns adxudicou o contrato do alumeado de Nadal deste ano a ILUMINACIONES SANTIAGUESAS SL por un importe de preto de 215.000 euros. Tamén deu o visto bo á recepción das obras de pavimentación dos viarios de varias zonas do rural compostelán e adxudicou o contrato de subministración e implantación de 20 sistemas de alimentación ininterrumpida (SAIs) para protexer os equipamentos máis críticos da administración electrónica do Concello de Santiago. De todos estes asuntos deu...

O Concello de Santiago adhírese á iniciativa "Parque sen fume", declarando o parque de Galeras como o primeiro espazo verde libre de fume da capital de Galicia a partir de mañá, 31 de outubro, con motivo do Día Galego sen tabaco. Esta declaración foi presentada esta mañá no Pazo de Raxoi pola concelleira responsable da Unidad Municipal de Drogodependencias (UMAD), Pilar Lueiro, acompañada polo técnico e coordinador da UMAD, Jorge Carballido, e o presidente da xunta local da Asociación Española contra...