Noticias

O concelleiro de Parques e Xardíns, Xesús Domínguez, visitou o espazo infantil da alameda, ubicado xunto ao Campus Sur, para proceder á súa apertura logo da remodelación integral que supuxo a incorporación de novos elementos de xogo e a renovación de pavimento, nunha aposta pola inclusividade.

Alcalá de Henares acolle a celebración de Asemblea do Grupo de Cidades Patrimonio da Humanidade, coincidindo coa conmemoración do XXV aniversario da declaración da cidade complutense como Patrimonio Mundial Unesco, que se celebra o 2 de decembro. A Asemblea do Grupo, que preside Luís Yeray Gutiérrez, alcalde de San Cristóbal de la Laguna, terá lugar maña sábado 18 de novembro no Salón de Plenos do Concello de Alcalá de Henares e contará coa presenza da alcaldesa de Santiago, Goretti Sanmartín.

As autoras catalás Núria Figueras e Anna Font recibiron hoxe, nun acto celebrado no Pazo de Raxoi, o "Premio internacional Compostela para álbums ilustrados 2023", convocado polo Concello de Santiago en colaboración coa editorial Kalandraka dotado con 9.000 euros de retribución así como coa publicación da obra en galego, catalán, éuscaro, castelán e portugués. "A visita" foi seleccionado polo xurado por por tratarse dun "álbum ilustrado perfectamente construído que nos achega a...

O Concello de Santiago desenvolveu un plan de roza e limpeza de lavadoiros, que se complementará cunha segunda fase para súa recuperación e posta en valor. Estes traballos incluíron o baleirado e limpeza das pías, a roza da contorna da parcela, retirada de lixo, depósitos, lama e de herbas de raíz, cunha intervención inicial en 21 lavadoiros que vén de concluír.

Os Bonos Corazón poderánse descargar a partir das 9.30 horas de mañá, 17 de novembro, a través da web bonoscorazoncompostela.gal. A concelleira de Dereitos e Servizos Sociais, Promoción Económica e Xuventude, María Rozas, presentou os detalles da nova convocatoria, á que se destina un orzamento de 433.000 euros. A principal novidade é que nesta ocasión só haberá bonos de 50 euros, e cada persoa poderá adquirir un máximo de...

A concelleira de Turismo, Míriam Louzao; a presidenta da Asociación Hostelería Compostela, Sara Santos; e a xerente de Turismo de Santiago, Flavia Ramil, anunciaron as datas da XV edición do concurso Santiago(é)tapas, que terá lugar do 15 de febreiro ao 3 de marzo, nunha rolda de prensa celebrada no Pazo de Raxoi. O concurso de tapas de Compostela cambia de datas nesta edición para potenciar a desestacionalización.

A alcaldesa de Santiago, Goretti Sanmartín, abriu esta mañá a XI Asemblea Xeral da Federación Galega de Municipios e Provincias avogando por "afrontar os retos do municipalismo galego desde a responsabilidade política, con altura de miras e buscando o consenso para levar a bo porto aquelas cuestións relacionadas con mellorar a calidade de vida das persoas que habitan nos nosos concellos".

O ciclo de Encontros Emprendedores, que arrancou o pasado mes de marzo, pon o punto final a vindeira semana cunha última cita arredor da mobilidade accesible e o transporte sostible. O obxectivo destes encontros é dar a coñecer os eixos da Axenda Urbana 2030 a través das experiencias compartidas por emprendedores/as en activo da cidade.

A mostra recolle catorce propostas xestadas no pasado da cidade e que non chegaron a realizarse por diferentes circunstancias. A alcaldesa e presidenta do Consorcio de Santiago, Goretti Sanmartín, e varios representantes da Corporación municipal asistiron esta mañá á inauguración da exposición que se poderá visitar na Casa do Cabido ata mediados do mes de febreiro.

Unha indisposición do intérprete compostelán imposibilita a súa viaxe a Santiago, polo que a entrega do premio Cineuropa se apraza á 38ª edición do festival. Carmen Claudín, colaboradora próxima e amiga de Jorge Semprún, presidirá a mesa redonda en homenaxe ao centenario do nacemento do escritor e guionista