Noticias

A praza do Obradoiro acolleu este mediodía un minuto de silencio pola polos nenos, nenas e adolescentes, vítimas do conflito en Gaza, convocado polo Concello de Santiago e FANPA Compostela con motivo do Día Mundial da Infancia.

O Concelleiro de Sustentabilidade Ambiental, Dereitos dos Animais, Servizos Básicos Comunitarios, Parques e Xardíns e Vías e Obras, Xesús Manuel Domínguez Domínguez, presentou a campaña O Gran Encontrón, centrada na concienciación da cidadanía en hábitos de consumo responsable e nunha xestión sostible dos recursos e os residuos.

Os Bonos Corazón quedaron esgotados onte, pouco máis de 30 horas despois de que se habilitara a súa descarga na web bonoscorazoncompostela.gal. Un total de 12.051 persoas descargaron 21.650 bonos, que se poderán utilizar ata o 22 de decembro. A convocatoria permitirá mobilizar máis dun millón de euros no comercio e na hostalería locais.

O Teatro Principal acolleu este domingo a entrega do premio Cineuropa a João Canijo, nun acto no que participaron o deputado provincial da Deputación da Coruña Xosé Luis Penas Corral e o director do festival, José Luis Losa e que contou coa presenza da alcaldesa de santiago Goretti Sanmartín, da concelleira de Capital Cultural, Míriam Louzao e de integrantes da Corporación municipal.

A alcaldesa de Santiago, Goretti Sanmartín, participou esta mañá na Asemblea xeral do Grupo Cidades Patrimonio da Humanidade onde se aprobaron as actividades que se realizarán para conmemorar o XXX aniversario da constitución do Grupo. A principal proposta aprobada consiste nun espectáculo de luz, que se realizará con máis de 200 drons, e que incluirá emblemas propios de cada unha das 15 cidades. Este espectáculo será recollido posteriormente nun vídeo promocional que se utilizará para difundir...

A alcaldesa en funcións, Míriam Louzao, xunto con membros da Corporación, participou na praza de Galicia no acto de izado da bandeira organizado pola plataforma Vía Galega de xeito simultáneo en distintas vilas e cidades con motivo do 105 aniversario da I Asemblea Nacionalista. Na edición anterior, ergueuse unha bandeira no Parque de Carlomagno, no barrio das Fontiñas.

Esta instrución ten por obxecto establecer os criterios que debe seguir o persoal técnico do Servizo de Licenzas e Disciplina Urbanística nos procedementos de inspección que se prevé realizar nos establecementos en que se realicen actividades incluídas no Catálogo de espectáculos públicos, actividades recreativas e establecementos abertos ao público da comunidade autónoma de Galicia, co fin de indicar o alcance das comprobacións que deben efectuarse e dos posibles axustes á normativa vixente que se...

Baixo o lema "NON HAI PRÓRROGA PARA O MACHISMO. O TEU MACHISMO DÁ NOXO", o vídeo da futbolista compostelá Vero Boquete inaugura a segunda fase desta campaña lanzada polo Concello de Santiago con motivo do Día Internacional da Eliminación da Violencia Contra as Mulleres, que terá lugar o vindeiro 25 de novembro. O obxectivo destas pílulas informativas que serán difundidas a través das redes sociais é convidar á cidadanía a reflexionar sobre os comportamentos e formas de violencia...

Talentia Summit pecha hoxe a súa edición de 2023 con máis de 33.500 usuarios e usuarias únicas no seu espazo virtual, 7.000 máis que en 2022. En total, a web talentiasummit.com achegouse ás 46.000 sesións, con máis de 2.600 reservas na oferta formativa virtual, e case 1.900 currículums intermediados.

Esta consulta coa cidadanía pretende definir a situación de partida en materia de accesibilidade, así como identificar puntos críticos e posibles actuacións de mellora xeolocalizables. Todas as persoas que desexen participar nesta consulta poderán facelo en liña a través dunha ligazón, vía telefónica e ou a través de WhatsApp ou Telegram.