Noticias

Santiago gañará un novo parque periurbano nas proximidades do polígono empresarial da Sionlla, nun espazo natural que será recuperado e posto en valor e que contará con zonas de xogo infantil, merendeiros, e mesmo unha pista peonil e ciclable con elementos para a práctica de exercicio físico. Trátase do parque "Berce do Sar", que será acondicionado grazas a un novo obradoiro de emprego que xa botou a andar e que está cofinanciado pola Consellería de Promoción do Emprego e Igualdade da Xunta de...

O próximo luns 18 de decembro a partir das 20 horas, o Teatro Principal acollerá a gala de entrega dos Premios Manuel Beiras ás empresas gañadoras desta nova edición, cuxo obxectivo é o de dar a coñecer a utilidade que ten o galego como lingua instrumental no ámbito mercantil.

Unha ducia de empresas de Santiago foron recoñecidas hoxe cos II Premios de Excelencia Empresarial convocados polo Concello de Santiago. Os galardóns foron entregados esta tarde nun acto celebrado no Pazo de Raxoi, que estivo presidido pola alcaldesa, Goretti Sanmartín, e a tenenta de alcaldesa e concelleira de Promoción Económica, María Rozas.

O Concello manifesta o seu rexeitamento á agresión a unha muller que se rexistrou esta madrugada en Santiago de Compostela.

A Alameda acollerá o vindeiro día 30 a partir das 17 horas, unha quedada popular para decorar conxuntamente unha árbore do paseo con estrelas de nadal e bos desexos e celebrar por adiantado a chegada do aninovo con música, luces e chocolatada. A concelleira de Festas, Pilar Lueiro, e o concelleiro de Parques e Xardíns, Xesús Domínguez, fixeron un chamamento a todos os composteláns e compostelás a "vivir" as múltiples actividades do programa de ‘Compostela, Estrela do Nadal’.

O recital deste xoves no Auditorio de Galicia contará coa soprano Carmen Buendía, gañadora do concurso de canto Compostela Lírica 2022. A vindeira semana haberá unha recepción na Alcaldía para agradecer o seu traballo.

As propostas presentadas deberán abordar a participación das mulleres nos diferentes ámbitos da sociedade galega co obxectivo de reconstruír a súa memoria histórica. Poderán ser obras de carácter histórico, político, científico, literario, artístico... baixo a forma de ensaio, investigación ou creacións audiovisuais.

O XXVI Premio de investigación Antonio Fraguas recaeu nesta edición nas obras "Glosario ilustrado do traxe tradicional galego" de José Luis Rodríguez Álvarez, na modalidade decriptiva, e "De lonxe ata Galicia: as influencias de fóra no traxe tradicional galego" do autor David Quiñones Vázquez, na categoría analítica. A alcaldesa Goretti Sanmartín presidiu o acto de entrega dos galardóns que contou coa presenza das concelleiras Míriam Louzao e Pilar Lueiro e varios membros da...

Obradoiros para toda a familia, teatro, música, contacontos ou actividades de rúa. Son algunhas das propostas do programa "Vive o Nadal nos centros socioculturais", que xa botou a andar con algunhas iniciativas a comezos deste mes, pero que tomará máis forza na segunda quincena de decembro. O concelleiro de Mobilidade, Convivencia e Centros Socioculturais, Xan Duro, deu hoxe todos os detalles da programación, nunha rolda de prensa na que estivo acompañado por dúas das responsables da rede de centros socioculturais, Lourdes de la Cruz...

O Concello de Santiago vén de concluír a obra de instalación dunha rampla na fachada oeste do Museo do Pobo Galego, "nunha aposta pola accesibilidade coa supresión de barreiras arquitectónicas nos espazos públicos", segundo explicou o concelleiro de Vías e Obras, Xesús Domínguez.