Noticias

O Concello de Santiago relanza o programa Apego con novas actividades que comezan neste mes de marzo para a socialización en galego de nenos e nenas entre 0 e 6 anos. A alcaldesa de Santiago, Goretti Sanmartín, acompañada da técnica do Departamento de Lingua, Marta Besada, deu conta en rolda de prensa das actividades deste programa que busca situar Compostela á "vangarda das políticas de promoción e defensa da lingua galega, sobretodo entre as crianzas".

O concelleiro de Economía e Facenda, Persoal, Contratación e Modernización da Administración Local, Manuel César, vén de asinar unha resolución para crear unha comisión estable de traballo para a simplificación administrativa no Concello de Santiago de Compostela.

O vindeiro domingo, durante o encontro que manterá a SD Compostela co Gimnástica de Torrelavega, recolleranse no estadio municipal Verónica Boquete produtos non perecedoiros a favor do Banco de Alimentos de Santiago (Balrial), patrocinador do partido. Todas aquelas persoas que entreguen produtos na entrada do Estadio terán o acceso de balde ao encontro. A concelleira de Deportes, Pilar Lueiro, participou esta mañá na presentación desta iniciativa solidaria.

O actor catalán interpreta un home que pacede alzhéimer nesta adaptación ao castelán da exitosa obra de Florian Zeller. A representación terá lugar na Sala Ángel Brage a partir das 20.30 horas e as entradas poden ser adquiridas na web de Compostela Cultura, no despacho de billetes da Zona C e no do propio Auditorio.

O Pleno municipal aprobou de xeito definitivo o Estudo de detalle da zona de edificación universitaria ZEU-25 presentado pola USC para o desenvolvemento dun espazo dedicado a acoller as titulacións de Ciencias da Saúde. Este Estudo permite ordenar os volumes edificables establecidos no Plan Especial de Ordenación do Campus Universitario de Santiago (PE-8) que afectan a este ámbito situado na beira norte da avenida Mestre Mateo e axustalos así ao proxecto arquitectónico escollido no concurso aberto convocado pola USC. A Corporación...

O Pleno municipal aprobou esta mañá por unanimidade o outorgamento das Medallas de ouro da cidade a Tareixa Navaza González e a Luís Pasín Liñares; o nomeamento como Fillos predilectos de Santiago a Aurora (Aurichu) Pereira Carballo a título póstumo e de Ezequiel Méndez Vidal; e como Fillos adoptivos a José Porto Buceta e a título póstumo a Manuel Quintáns Suárez. Ademais, o Concello porá o nome de Luis Rial Suárez a unha rúa da cidade e instalará unha placa no seu...

A XV edición do concurso reparte este ano máis de 200 agasallos para o público que completa as (é)TAPAS, entre eles abonos dobres para a tempada do Obradoiro CAB e propostas culturais, turísticas e de saúde e benestar.

Os sons mitolóxicos recuperados polo multiinstrumentista e investigador sarriao, nesta ocasión arroupados pola Orquestra Gaos, volverán encher a Sala Ángel Brage do Auditorio este sábado a partir das 20.30 horas. As entradas para o concerto poden ser adquiridas en Ataquilla.com

O Concello de Santiago asinou hoxe o V Pacto Local polo Emprego con representantes da Universidade, a Cámara de Comercio, a Asociación Empresarial do Tambre, Hostelería Compostela, Hostalaría.gal, a Plataforma polo Emprego, e os sindicatos UXT e Comisións Obreiras. A firma correu a cargo de Xan Duro, concelleiro de Promoción Económica en funcións por mor da situación de baixa médica da responsable do departamento, María Rozas. O edil salientou que "o documento aprobado hoxe é unha folla de ruta para...

A nova edición desta Festa, que inclúe a andaina guiada "O Berce do Sar: percorrendo o barrio de San Lázaro pola beira do río Sar", foi presentada esta mañá no Pazo de Raxoi pola concelleira de Turismo, Míriam Louzao.