MOCIDADE
Comeza o ciclo de cine ao aire libre, coa proxección mañá de "Call me by your name"
Mañá mércores, 1 de xullo, comeza o Ciclo de Cine ao Aire Libre, organizado pola Concellaría de Mocidade, coa proxección da longametraxe Call me by your name, de Luca Guadagnino. Exhibirase ás 22:30 horas na Alameda, a carón das escaleiras de subida cara a gardería. En caso de choiva, a actividades suspenderíase.
RELACIÓNS INSTITUCIONAIS
O Fondo Galego de Cooperación aproba un plan centrado na Axenda 2030 e no traballo cos países do Sur
O Fondo Galego de Cooperación e Solidariedade, no que está integrado o Concello de Santiago de Compostela, aprobou por unanimidade as Liñas Estratéxicas 2020-2023 na Asemblea Xeral celebrada esta mañá, na que participou o concelleiro de Relacións Institucionais, Sindo Guinarte. É a primeira asemblea que se desenvolve de xeito virtual na historia desta asociación de concellos e deputacións, a fin de minimizar o risco sanitario derivado da Covid-19. As e os asistentes déronlle tamén luz verde ao Plan de...
MOBILIDADE
Gonzalo Muíños asistiu á constitución da Asociación de Empresas Galegas de Alugueiro de Autocaravanas
O concelleiro de Mobilidade e Seguridade Cidadá, Gonzalo Muíños, asistiu este martes na praza do Obradoiro á presentación da Asociación de Empresas Galegas de Alugueiro de Autocaravanas (Asemgal), que quedou constituída hoxe en Santiago de Compostela. Esta entidade reúne 36 firmas do sector co obxectivo de por en valor as posibilidades que oferta para Galicia este modelo de actividade dentro do ámbito turístico.
XUNTA DE GOBERNO
Adxudicado o espectáculo pirotécnico das festas do Apóstolo, que se celebrará ao tempo en oito localizacións da cidade
O alcalde de Santiago, Xosé Sánchez Bugallo, anunciou que este martes o Goberno local adxudicou, nun Xunta de Goberno extraordinaria, o deseño, produción, montaxe e realización do espectáculo pirotécnico das festas do Apóstolo, por un importe total de 106.601 euros á empresas Pirotecnia Zaragozana. Cómpre lembrar que o espectáculo pirotécnico deste ano terá lugar, ao tempo e coas mesmas características, en oito localizacións diferentes na cidade.
POLÍTICAS SOCIAIS
Este martes ábrese o prazo de solicitude das bolsas de comedor, adquisición de material escolar e actividades extraescolares
O Boletín Oficial da Provincia (BOP) publica este luns a convocatoria de becas de comedor, adquisición de material escolar e actividades extraescolares para o alumnado dos centros docentes públicos e concertados sostidos con fondos públicos de educación infantil (2º ciclo) e de educación primaria obrigatoria para o curso 2020/2021. Polo tanto, a partir deste martes, 30 de xuño, ábrese un prazo de 15 días hábiles para presentar as solicitudes.
MODERNIZACIÓN DA ADMINISTRACIÓN LOCAL
O Concello de Santiago organiza un webinario sobre a resposta tecnolóxica e innovadora municipal aos retos da cidade
O martes 7 de xullo, ás 10:00 horas, o Concello organiza unha webinar informativa na que se presentarán as conclusións sobre solucións tecnolóxicas innovadoras, froito da escoita ao mercado realizada no proxecto Smartiago, para responder aos retos de mobilidade intelixente e sostible, xestión sostible e intelixente dos residuos sólidos urbanos e alumeado ornamental intelixente para á conservación do patrimonio da cidade de Santiago de Compostela. Esta actividade conta co cofinanciamento da Unión Europea a...
ALCALDÍA
Tres policías locais incorpóranse ao VioGén
O alcalde de Santiago, Xosé Sánchez Bugallo, e a subdelegada do Goberno na Coruña, Pilar López-Riobóo, asinaron esta mañá o protocolo que supón a incorporación definitiva de tres policías locais ao Sistema VioGén (Sistema de Seguimento Integral nos Casos de Violencia de Xénero), unha vez completado o seu período de formación. Foi no marco da celebración dunha nova Xunta de Seguridade Local na que, entre outros asuntos, se analizaron os índices de seguridade cidadá e as...
EDUCACIÓN
Aberto dende mañá o prazo de solicitude de matrícula nos servizos de comedor e de madrugadores
A Xunta de Goberno Local aprobou os prazos e o procedemento de matrícula nos servizos de comedor e de madrugadores para o curso 2020-2021, do que se benefician dez centros de ensino públicos: Apóstolo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (A Lavacolla), Monte dos Postes, Raíña Fabiola e Ramón Cabanillas e, no caso do CEIP Arquitecto Casas Novoa, só o servizo de madrugadores. O prazo de presentación de solicitudes de matrícula estará aberto entre o 30 de...
ALCALDÍA
O alcalde reitera a aposta polo centro biotecnolóxico do parque da Sionlla para "diversificar e ampliar a base económica da cidade"
O alcalde de Santiago, Xosé Sánchez Bugallo, expresou a súa satisfacción pola aprobación onte, no Consello da Xunta, da achega autonómica de algo máis de 4 millóns de euros para o centro biotecnolóxico Sionlla Biotech, promovido pola Asociación Área Empresarial do Tambre no parque empresarial da Sionlla. Reiterou o compromiso municipal para sacar adiante estas instalacións, que se construirán nun terreo cedido polo Concello de Santiago.
ALCALDÍA
Sánchez Bugallo asistiu á cerimonia de entrega do mando do Aeródromo Militar de Santiago ao coronel Pedro M. Díaz González
O alcalde de Santiago, Xosé Sánchez Bugallo, asistiu á cerimonia de entrega de mando do Aeródromo Militar de Santiago e Comandancia Militar Aérea de Aeroporto de Santiago ao coronel Pedro M. Díaz González.