CONSORCIO
O Consorcio conclúe os traballos no muro da Selva Negra, que presentaba risco de desprendemento sobre a estrada Santiago-Figueiras
O Consorcio de Santiago rematou a intervención no muro sur do parque forestal da coñecida como Selva Negra, unha zona verde situada no monte Pedroso, propiedade do organismo interadministrativo e xestionada polo Concello de Santiago. O muro presentaba risco inminente de desprendemento sobre a estrada DP-7803 Santiago-Figueiras, polo que se procedeu á súa consolidación. A intervención, executada pola empresa Alpanide, supuxo un investimento de 7.933,56 euros.
XUNTA DE GOBERNO
O servizo de comedor escolar continuará en xullo e agosto grazas á colaboración con Afundación
A Xunta de Goberno Local, na súa sesión ordinaria, aprobou a continuidade do servizo de comedor escolar durante os meses de xullo e agosto. A fundación Galicia Obra Social (Afundación) asume durante estes dous meses este servizo, que se prestará nos centros socioculturais de Cornes e Vite.
FESTAS
Xa se poden reservar as entradas para os eventos das festas do Apóstolo
Dende o mediodía deste luns, 13 de xullo, xa se poden reservar as entradas para asistir aos diversos eventos das festas do Apóstolo 2020 a través da web reservas.gal. Todas as actividades son de balde, pero cómpre esta reserva para así ter un control dos aforos e poder garantir as distancias de seguridade.
CONSORCIO
Comezan as obras na capela de Santas Mariñas do Sar, promovidas polo Consorcio
O Consorcio de Santiago vai realizar obras de mantemento na capela de Santas Mariñas do Sar, por un importe global de 52.959,28 euros. A empresa adxudicataria desta intervención, que se prevé que estea rematada nun período de tres meses, é JSTOP Obras y Servicios, S.L.
ALCALDÍA
O alcalde destaca o "grande esforzo colectivo" que supoñen as eleccións deste domingo e anima os/as cidadáns/ás a ir a votar
O alcalde de Santiago, Xosé Sánchez Bugallo, convidou a todos os composteláns e compostelás a votar este domingo. "Foi un grande esforzo colectivo que paga a pena, ao que temos que corresponder todos os que vaiamos votar respectando as normas", indicou o rexedor a propósito do feito mesmo de que se poidan celebrar as eleccións.
CONSORCIO
A Real Filharmonía de Galicia regresa aos escenarios cun concerto na Cidade da Cultura, dirixida polo seu mestre titular, Paul Daniel
A Real Filharmonía de Galicia regresa mañá sábado aos escenarios logo dun parón obrigado de catro meses debido á crise sanitaria provocada pola Covid-19. Os músicos e músicas están a recibir sesións informativas para coñecer os protocolos de prevención que deben manter nas súas actuacións e esta mesma semana comezaron os ensaios.
FESTAS
Formatos máis reducidos e seguros e propostas para todos os públicos nas festas do Apóstolo 2020
O concelleiro de Festas, Gonzalo Muíños, presentou este venres o programa das festas do Apóstolo, que este ano se celebrarán entre o 17 e o 31 de xullo. Segundo indicou, as deste 2020 serán "unhas festas excepcionais nunhas circunstancias excepcionais como son as da Covid-19", pero con "propostas para todos os públicos e en formatos máis reducidos e seguros".
INNOVACIÓN
Se aprueban las licitaciones de compra pública innovadora del proyecto Smartiago por un valor estimado de más de tres millones de euros
La Junta de Gobierno Local, en una sesión extraordinaria, aprobó hoy la apertura del procedimiento para licitar tres contratos del programa Smartiago, por un valor estimado de 3.338.292,27 euros (IVA incluido). Corresponden a proyectos movilidad inteligente y sostenible, gestión sostenible e inteligente de los residuos sólidos urbanos y alumbrado ornamental inteligente para la conservación del patrimonio.
MOBILIDADE E SEGURIDADE CIDADÁ
O Concello alerta os peóns sobre os despistes ao móbil
A Concellaría de Mobilidade e Seguridade Cidadá quere concienciar os peóns sobre as consecuencias que poden ter os despistes por ir falando polo móbil cando se cruza unha rúa. Por iso, está colocando mensaxes de advertencia nalgúns pasos de peóns chamando a unha conduta responsable.
EDUCACIÓN
Aberta ata o 4 de setembro a presentación de orixinais para a XII edición dos Premios Educacompostela
Os Premios Educacompostela recoñecerán un ano máis os mellores recursos educativos en prol da innovación, da calidade educativa e da renovación pedagóxica. A XII edición destes galardóns ten aberto ata o 4 de setembro o prazo de presentación de orixinais.