CONSORCIO
O Consorcio eliminará as goteiras da cuberta da capela da Corticela da Catedral de Santiago
Dentro do programa de restauración de monumentos do Consorcio de Santiago, vanse iniciar as obras de eliminación das goteiras da cuberta da capela da Corticela, cun presuposto global de 143.544,20 €. A empresa adxudicataria é Obras Gallaecia, S.L., cuxa oferta inclúe a instalación dunha cuberta provisional para garantir a protección durante as obras. Prevese un período de execución estimado de tres meses.
FESTAS
Un pregón de homenaxe en tempos da Covid-19 e "O recuncho da comedia" abren o Apóstolo 2020
As festas do Apóstolo 2020 arrincan mañá venres cun pregón no que se mesturará o humor coa lembranza ás vítimas da Covid-19 e o recoñecemento a todos aqueles colectivos tan importantes durante esta pandemia para garantir a nosa saúde, a nosa seguridade e o noso benestar. Comezan así 15 días de celebración, con propostas para todos os públicos e en formatos máis reducidos e seguros.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu este mediodía un minuto de silencio para condenar o asasinato de dúas mulleres esta semana en Barcelona e en Torrejón de Ardoz (Madrid), vítimas da violencia machista.
EDUCACIÓN
Uns 150 menores participan no "Verán CampUSC 2020", no que colabora a Concellaría de Igualdade
A concelleira de Igualdade, Noa Díaz; e a vicerreitora de Igualdade da Universidade de Santiago, Mar Lorenzo; visitaron hoxe Verán CampUSC 2020, no que participan 150 menores de entre 4 e 17 anos, divididos en varias quendas. Noa Díaz agradeceu á USC que continúe con este programa, no que tamén colabora o Concello de Santiago, e sinalou que "iniciativas como esta son importantes, sobre todo nun ano como este que estiveron tres meses confinados".
TURISMO
Santiago é a cidade de España con máis distincións "Preparados Covid"
Santiago de Compostela é o destino con maior número de establecementos e servizos distinguidos co recoñecemento "Preparados Covid", que garante o estrito cumprimento das Boas Prácticas Avanzadas do Sistema Integral de Calidade Turística en Destino (SICTED) para a redución do risco de contaxio no sector turístico, segundo apuntou o concelleiro de Turismo, Sindo Guinarte, nunha rolda de prensa na que estivo acompañado pola xerente de Turismo de Santiago, Flavia Ramil.
TURISMO
A Asociación de Municipios do Camiño estimula a peregrinación nunha nova campaña promocional
O concelleiro de Turismo, Sindo Guinarte, asistiu no Hostal dos Reis Católicos ao acto de presentación da campaña de estímulo e promoción do Camiño de Santiago "Respira hondo", posta en marcha pola Asociación de Municipios do Camiño de Santiago (AMCS). No acto exhibíronse os dous spots da campaña, que inciden na seguridade da ruta e na experiencia persoal que supón a súa realización.
CONSORCIO
O Consorcio de Santiago inicia as obras de reparación das cubertas das capelas da igrexa de San Martiño Pinario
No marco do programa de restauración de monumentos do Consorcio de Santiago, o organismo interadministrativo vai iniciar as obras de reparación das cubertas da igrexa de San Martiño Pinario, por un importe global de 114.950 euros. A empresa adxudicataria é Rehabita Gestión Integral de Rehabilitaciones y Restauración, S.L. Prevese que a intervención estea rematada nun período de catro meses.
POLÍTICAS LINGÜÍSTICAS
Xullo, mes do #Fotolingua
Durante o mes de xullo, o Departamento de Lingua Galega do Concello de Santiago de Compostela convoca a quinta edición do concurso #Fotolingua, cuxo obxectivo principal é o de sumar maior visibilidade aos negocios que se comprometen co uso do galego.
MODERNIZACIÓN DA ADMINISTRACIÓN LOCAL
O Concello pon en marcha un novo sistema de xestión de quendas e cita previa
A concelleira de Modernización da Administración Local, Marta Abal, presentou este martes o novo sistema de xestión de quendas e cita previa de varios servizos municipais. Este sistema permitirá organizar de xeito escalonado e eficiente a volta á normalidade na xestión de trámites administrativos, cumprindo coas directrices de distanciamento social decretadas en resposta á Covid-19.
ALCALDÍA
Rematan as obras de mellora e integración paisaxística do Camiño Inglés ao seu paso polo polígono do Tambre
A conselleira de Infraestruturas en funcións, Ethel Vázquez; os concelleiros de Turismo, Sindo Guinarte; e de Barrios e Obras, Javier Fernández, así como varios membros dos grupos municipais, supervisaron o remate das obras de mellora e integración paisaxística do Camiño Inglés ao seu paso polo polígono do Tambre. Unha actuación executada pola Xunta de Galicia, en coordinación co Concello de Santiago, que contou cun investimento de 1.840.860,65 euros, e que permitiu acondicionar un tramo de 811 metros da ruta, para...