MEDIO AMBIENTE
Reunión do grupo de traballo local do proxecto europeo Tropa Verde
O concelleiro de Centros Socioculturais, Javier Fernández, participou hoxe na reunión do grupo de traballo local do proxecto Europeo Tropa Verde. Técnicos dos departamentos de centros socioculturais, medio ambiente e servizos básicos realizaron unha posta en común dos avances acadados ata o momento polo programa e profundaron en novas fórmulas de colaboración.
URBANISMO
A Comisión asesora do Patrimonio Histórico informa favorablemente as obras do muro do Pombal e da mellora da accesibilidade do Pazo de Xelmírez
A Comisión asesora do Patrimonio Histórico, presidida pola concelleira de Urbanismo, Mercedes Rosón, informou favorablemente, entre outros asuntos, a reforma do lindeiro leste do parque da Alameda (muro de contención da rúa do Pombal); a restauración das fontes da praza do Toural e da praza de Cervantes; e a mellora da accesibilidade do Pazo de Xelmírez na praza do Obradoiro.
XUNTA DE GOBERNO
Adxudícanse as obras de remodelación da rúa Concheiros por importe de 2.170.000 euros
A Xunta de Goberno local adxudicou, na sesión ordinaria celebrada esta mañá, a obra "actuacións no Camiño Francés en Santiago de Compostela: remodelación da rúa Concheiros", incluída na Estratexia de Desenvolvemento Urbano Sostible e Integrado- EDUSI, á UTE XAC-OREGA (UTE CONCHEIROS) por un importe total de 2.170.872,18 euros (IVE engadido).
DEPORTES
Reabren as instalacións deportivas da cidade de forma gradual e adoptando todas as medidas anti-COVID
A concelleira de Deportes, Esther Pedrosa, presentou esta mañá o programa de ocupación das instalacións deportivas municipais, que irán abrindo de forma progresiva, respectando sempre as limitacións impostas para a contención da COVID.
ACCIÓN CULTURAL
A Real Filharmonía de Galicia pecha as Xornadas de Música Contemporánea, baixo a batuta do mestre Maximino Zumalave
A Real Filharmonía de Galicia porá o broche final ás Xornadas de Música Contemporánea, unha iniciativa impulsada polo Concello de Santiago, a Universidade de Santiago e o Centro Galego de Arte Contemporánea; co apoio da Deputación da Coruña e o Consorcio de Santiago. O concerto celebrarase este mércores, 23 de setembro, no Auditorio de Galicia, ás 20:30 horas. Dirixirá a orquestra o Mestre compostelán Maximino Zumalave, director asociado da RFG.
POLÍTICAS SOCIAIS
O alcalde Sánchez Bugallo e a concelleira Mila Castro participan nos actos do Día Mundial do Alzhéimer
O alcalde de Santiago, Xosé Sánchez Bugallo, acompañado da concelleira de Políticas Sociais, Mila Castro, asistiu hoxe na Praza da Quintana, aos actos conmemorativos do Día Mundial do Alzheimer. Alí puideron observar a exposición "Tecendo rede, tecendo recordos", organizada por FAGAL (Federación Alzhéimer Galicia). O rexedor sinalou que neste momento tan complicado, o Concello vai seguir apoiando tanto as asociacións que traballan con pacientes de alzhéimer como as demáis entidades sociais.
ACCIÓN CULTURAL
Un monolito e un carballo no parque de Galeras recordan a riqueza literaria da obra de Vitor Vaqueiro, que recibiu a letra E da AELG
A concelleira de Acción Cultural, Mercedes Rosón, animou hoxe os lectores e lectoras á achegarse á obra de Vítor Vaqueiro, o escritor e poeta homenaxeado coa letra E pola Asociación de Escritoras e Escritores en Lingua Galega (AELG). No acto, no que se plantou un carballo e se descubriu un monolito, Rosón destacou a aportación de Vaqueiro tanto á poesía como á narrativa galega: "como bo fotógrafo sabe retratar como ninguén as verbas que definen a realidade e comprensión do mundo que nos...
ALCALDÍA
O Concello traballa para dar resposta ás solicitudes esporádicas de uso do comedor escolar
O Departamento de Educación segue a traballar, conxuntamento coa empresa que xestiona o servizo, e coas direccións dos centros educativos, para atender todas as demandas de comedor escolar, tendo en conta as limitacións establecidas pola instrución da Xunta e priorizando a seguridade dos nenos e nenas. Así o indicou o alcalde esta mañá en rolda de prensa, trala xuntanza que mantivo no CERSIA cos equipos directivos dos CEIPs da cidade.
TURISMO
A Asociación de Amigos do Camiño de Santiago valora a solidez que segue mantendo a ruta, a pesar do descenso no número de peregrinos
O concelleiro de Turismo, Sindo Guinarte, asistiu hoxe, a través de videoconferencia, á Xunta Directiva da Asociación de Amigos do Camiño de Santiago, na que se constatou, segundo explicou, "a notable reducción" no número de peregrinos a causa do confinamento e da crise sanitaria. Aínda así, valorouse "a consistencia" e solidez que siguen mantendo as rutas xacobeas plasmada "nesa recuperación que tivo nos meses de xullo, agosto, e tamén no mes de setembro".
ACCIÓN CULTURAL
Unha quincena de artistas actuarán no festival maré, que "renace" en Santiago do 24 ao 27 de setembro
O festival de música e artes atlánticas maré presentou esta mañá en rolda de prensa no Hotel NH de Santiago de Compostela a primeira edición dunha nova etapa en Compostela tras a experiencia de 15 anos de Cantos na Maré en Pontevedra. Nesta edición condicionada pola pandemia, o festival celebrarase do 24 ao 27 de setembro, incluirá unha ducia de eventos e contará coa participación dunha quincena de artistas. Na rolda participou a concelleira de Acción Cultural, Mercedes Rosón.