ALCALDÍA
Retómanse as xuntanzas da Comisión de Ourives
Retómanse as xuntanzas da Comisión de seguimento do Plan Estratéxico de Ourives de Compostela, constituída o pasado 17 de febreiro para pór en valor este traballo artesanal no que Santiago é unha referencia, tralo parón imposto pola COVID.
POLÍTICAS SOCIAIS
Finaliza o Camiño un grupo de peregrinas da Asociación de Mulleres Mastectomizadas de Jerez
A praza do Obradoiro acolleu esta tarde a chegada dun grupo de peregrinas da Asociación de Mulleres Mastectomizadas de Jerez (AMMA), que foron recibidas polas concelleiras Esther Pedrosa e Mercedes Rosón.
ACCIÓN CULTURAL
Curtocircuíto 2020: unha edición chea de retos
O festival, que anunciou recentemente as 35 películas da súa Sección Oficial, pecha agora a súa programación presencial que reunirá o máis destacado do cinema actual a través dunha rica programación que non só exhibirá películas -tanto de forma presencial como a través de Filmin, sede online do festival-, senón que tamén ofrecerá concertos ou performances A/V.
PLENO
Aprobada unha moción conxunta dos catro grupos muncipais para a recuperación das estatuas do Mestre Mateo
En virtude da mesma, o Concello instará ás diferentes administración implicadas a abrir un novo procedemento xudicial para reclamarlle á familia Franco as esculturas de Abraham e Isaac. Tamén houbo unanimidade á hora de apoiar a proposición de non amparar a instalación dun vertedoiro no lugar de Corexo, na parroquia de Marrozos. Neste mesmo pleno tomou posesión coma concelleiro Rubén Prol.
TURISMO
Turismo de Santiago e a Asociación de Guías celebran o día do Turismo con visitas guiadas á cidade
Turismo de Santiago e a Asociación Profesional de Guías de Turismo de Galicia celebran o día Mundial do Turismo, dedicado este ano ao "Turismo e Desenvolvemento Rural", coa organización de visitas guiadas á cidade durante esta fin de semana. Esta acción desenvólvese dentro do programa Santiago Prémiate que ambas entidades crearon co obxecto de ampliar a estadía media na cidade.
TURISMO
Santiago foi o segundo destino máis popular neste verán para os turistas españois
Santiago foi o segundo destino máis reservado en Civitatis polos turistas españois neste verán, segundo os datos desta plataforma líder na distribución en liña de actividades, excursións e visitas guiadas, tal como destacou o concelleiro de Turismo, Sindo Guinarte. O concelleiro valorou os datos do pasado verán na cidade nunha rolda de prensa na que estivo acompañado pola xerente de Turismo de Santiago, Flavia Ramil.
IGUALDADE
Este xoves remata o programa Artellando Feminismo coa proxección da longamentraxe "El proxeneta" e un posterior coloquio coa súa directora, Mabel Lozano
A proxección da longametraxe "El proxeneta" pon punto final ao programa Artellando Feminismo, no que, a través de oito xornadas on-line, se visibilizaron as desigualdades entre homes e mulleres, os estereotipos aínda presentes, e se proporcionaron ferramentas prácticas ás persoas asistentes que lles permitirán implicarse de xeito activo na transformación social, fomentando a toma de conciencia na igualdade de dereitos e oportunidades. Despois do filme, está programado un coloquio coa súa directora, Mabel Lozano. A...
TURISMO
O 9 de outubro remata o prazo de presentación de orixinais para a XII edición dos Premios Educacompostela
O Concello de Santiago, na Xunta de Goberno local do 20 de xullo de 2020, aprobou prorrogar o prazo de presentación de traballos á XII Edición dos Premios Educacompostela 2020, ata o 9 de outubro de 2020, mantendo o resto das bases da convocatoria inalteradas.
ALCALDÍA
A reformulación do Ano Santo, a recuperación do turismo e infraestruturas como a Intermodal e a EDAR centran a reunión entre o alcalde e o presidente da Xunta
A xuntanza foi definida por ambos mandatarios como cordial, positiva e produtiva e serviu para repasar os temas pendentes na cidade que competen a ambas administracións. Os máis destacados: a reformulación do Ano Santo 2021 e a súa extensión ata mediados de 2022, o apoio ao Plan de sostibilidade turística presentado polo Concello, o financiamento da depuradora, e a loita contra a COVID.
ALCALDÍA
O Concello de Santiago e a Subdelegación do Goberno colaboran na distribución de 25.000 máscaras a centros educativos e colectivos vulnerables
A Subdelegación do Goberno da Coruña formalizou hoxe a entrega ao Concello de Santiago de Compostela de 25.000 novas máscaras para a súa distribución a centros escolares e colectivos vulnerables, dentro da nova campaña de entrega de material acordado polo Goberno central coa Federación Española de Municipios e Provincias.