ACCIÓN CULTURAL
O Festival de Música Barroca programa para o mes de outubro cinco concertos, xornadas de cine e distintas actividades complementarias
A concelleira de Acción Cultura, Mercedes Rosón, asistiu hoxe á presentación da segunda edición do Festival de Música Antiga e Barroca, organizado polo Ateneo de Santiago. O evento, que se desenvolverá ao longo do mes de outubro, conta cun programa de cinco concertos, xornadas de cine, e distintas actividades complementarias relacionadas coa música barroca.
TURISMO
O alcalde sinala que a selección por parte do Ministerio de Industria do "Plan de Sostibilidade Turística de Santiago" é unha boa noticia para a cidade e para Galicia
O alcalde de Santiago, Xosé Sánchez Bugallo, amosou hoxe a súa satisfacción pola seleccion, por parte da Secretaría de Estado de Turismo, do Plan de Sostibilidade Turística en destinos 2021/2023 elaborado pola concellaría de Turismo, que segundo informou o Ministerio de Industria a través dunha nota de prensa, contará cun investimento de tres millóns de euros. É, sinalou o rexedor,"unha boa noticia" para Compostela e unha "boa noticia para Galicia".
POLÍTICAS SOCIAIS
A AECC conta con nova sede en Santiago
O alcalde de Santiago, Xosé Sánchez Bugallo, asistiu á inauguración da nova sede da Asociación Española contra o Cancro (AECC), un baixo de 163 metros cadrados,situado na Avenida de Barcelona, preto do Complexo Hospitalario de Santiago. No acto tamén estiveron presentes o conselleiro de Sanidade, Julio García Comesaña; o presidente da asociación en Compostela, Francisco Pais; e a concelleira de Políticas Sociais e Saúde, Mila Castro.
CONSORCIO
A Real Filharmonía de Galicia celebra esta semana tres concertos gratuítos baixo o lema "Música para a cidade", con todos os convites xa esgotados
A Real Filharmonía de Galicia ten entre as súas prioridades achegar a orquestra e a música clásica a toda a cidadanía. Así, ao longo desta temporada están previstas unha serie de actuacións gratuítas, tanto na sede da RFG como noutros espazos diferentes da cidade.
ALCALDÍA
Visita institucional da embaixadora de Romanía
O alcalde de Santiago, Xosé Sánchez Bugallo, recibiu a embaixadora de Romanía en España, Gabriela Dancau, que asinou no libro de Ouro da cidade. No texto, sinala sentirse "honrada" desta visita ao concello compostelán, e agradece a "hospitalidade que lle brindan" de "continuar estreitando" as "excelentes relacións de cooperación" entre Romanía e Galicia. O rexedor, que lle agradeceu a visita, interesouse pola situación do colectivo romanés no noso país.
XUNTA DE GOBERNO
A Xunta de Goberno adxudica obras por preto de 1.200.000 euros
A Xunta de Goberno local, en sesión ordinaria, deu o visto bo á adxudicación de varias obras por un montante global de 1.218.022,76 euros, a maioría delas correspondentes ao Plan de Obras e Servizos (POS) da Deputación da Coruña. O alcalde de Santiago, Xosé Sánchez Bugallo, deu conta destes e outros asuntos en rolda de prensa está mañá.
ALCALDÍA
Chamamento do alcalde á responsabilidade dos máis novos ante o aumento de casos tralo comezo do curso universatario
O alcalde de Santiago, Xosé Sánchez Bugallo, aproveitou a rolda de prensa da Xunta de Goberno local para facer un novo chamamentos á responsabilidade no cumprimento das medidas anti-COVID, en especial dos máis novos.
EDUCACIÓN
Nova reunión do Concello coas ANPAS para informar sobre a situación nos comedores escolares
O alcalde de Santiago, Xosé Sánchez Bugallo, e o concelleiro de Educación, Rubén Prol, reuníronse esta mañá co presidente e coa vicepresidenta da Asociación de ANPAs de Santiago, Fernando Lacaci e Esther Martínez, para informalos da situación actual nos comedores escolares.
ACCIÓN CULTURAL
A Banda Municipal de Música ofrecerá catorce concertos dentro do ciclo de outono
"En tempo cos ventos" é o título que agrupa os catorce concertos que dará a Banda Municipal de Música nos vindeiros tres meses. O programa, que foi presentado esta mañá pola concelleira de Acción Cultural, Mercedes Rosón, e o director da formación, Casiano Mouriño, recolle importante colaboracións e o comezo dun ciclo de concertos nos centros socioculturais.
ALCALDÍA
O concelleiro Rubén Prol asume as competencias en Educación
O alcalde de Santiago deu conta en rolda de prensa dos cambios no goberno a raíz da toma de posesión, onte, de Rubén Prol coma concelleiro. Encargarase das antigas carteiras de Noa Díaz a excepción de Igualdade, cuxo responsable político se coñecerá nos vindeiras días.