ALCALDÍA
O alcalde amosa a súa satisfacción ante a contención na última semana das cifras de afectados pola COVID na cidade
Xosé Sánchez Bugallo avaliou esta mañá en rolda de prensa a situación da pandemia no Concello a congratulouse porque os datos amosan "unha certa estabilización", aínda que remarcou que non se pode baixar a garda.
CONSORCIO
A Real Filharmonía de Galicia vai retransmitir os 24 concertos desta temporada en directo por streaming en aberto para todo o público
Mentres o aforo estea reducido a 60 persoas, as entradas de cada concerto poranse á venda os luns ás 10:00 horas en www.compostelacultura.gal. Cando aumenten os aforos, os abonados da temporada pasada poderán reservar entrada os luns e martes e o resto do público a partir do mércores
RELACIÓNS INSTITUCIONAIS
Visita do concelleiro de Turismo e da concelleira de Acción Cultural á Casa da Troia
A concelleira responsable de Urbanismo, Vivenda, Cidade Histórica e Acción Cultural do Concello de Santiago, Mercedes Rosón, e o concelleiro responsable de Presidencia, Relacións Institucionais e Turismo, Gumersindo Guinarte, realizaron esta mañá unha visita ao Museo Casa de la Troya.
POLÍTICAS SOCIAIS
Achega municipal de 200.000 euros a cinco entidades sociais
O alcalde de Santiago, Xosé Sánchez Bugallo, acompañado pola concelleira de Políticas Sociais, Mila Castro, asinou os convenios de colaboración correspondentes a 2020 coas entidades sociais FEAFES, Banco de Alimentos, Xoán XXIII, Cruz Vermella e Fundación Andrea.
MEDIO AMBIENTE
Santiago recolle o premio "Aire limpo" que a acredita como a cidade coa mellor iniciativa destinada a incrementar a calidade do aire dos seus habitantes
Santiago de Compostela recibiu hoxe o galardón do II Premio Aire Limpo, organizado pola Plataforma X Aire Limpo, que a acredita como a cidade menor de cen mil habitantes máis comprometida coa calidade do aire que respiran os seus cidadáns e cidadás. O fallo do xurado- formado por investigadores de prestixio e asociacións profesionais da calidade do aire- coñeceuse en xuño deste ano, pero a entrega do galardón realizouse hoxe.
PROMOCIÓN ECONÓMICA
A asemblea de REDEL, entidade da que forma parte o concello de Santiago, recoñece o importante papel xogado desde o inicio da pandemia polas entidades locais
A Rede de Entidades de Desenvolvemento Local, REDEL, da que forma parte o Concello de Santiago de Compostela, recoñece, na asemblea xeral celebrada onte e hoxe o importante papel xogado polas entidades locais desde o inicio da pandemia. O conxunto de entidades locais participantes no encontro, que se desenvolveu telemáticamente, mostraron un compromiso decidido pola reactivación económica e social dos seus municipios axudando a paliar o impacto negativo da pandemia en empresas, emprendedores, persoas desempregadas e no conxunto do territorio.
MOBILIDADE
Asinado o convenio que permite renovar a prestación do servizo de transporte urbano entre Santiago e Os Tilos para os vindeiros 4 anos
O alcalde de Santiago, Xosé Sánchez Bugallo, asinou esta mañá o convenio de colaboración polo que se acorda a renovación dos servizos de transporte urbano á urbanización dos Tilos para os vindeiros 4 anos xunto co rexedor de Teo, Rafael Sisto, e a conselleira de Insfraestruturas e Mobilidade, Ethel Vázquez.
ACCIÓN CULTURAL
Este sábado 3 de outubro chega o jazz aos barrios da Peregrina, O Romaño e Vista Alegre
Jazz da Rúa Nova é un programa que se desenvolverá nas marxes do Jazz valorizando o patrimonio musical local ao redor deste estilo. Terá lugar o vindeiro 3 de outubro nos barrios da Peregrina e do Romaño/Vista Alegre. Roteiro con intervencións artísticas, palestra sobre o jazz en Compostela, unha performance e un concerto para presentar un novo proxecto coa revisión das cantigas medievais en clave jazzística. A concelleira de Acción Cultural, Mercedes Rosón, presentou a segunda edición do festival Jazz da...
EDUCACIÓN
Os solicitantes de días fixos que non están facendo uso do comedor escolar deberán confirmar a súa praza antes do 8 de outubro
O alcalde de Santiago, Xosé Sánchez BugallO, e o concelleiro de Educación, Rubén Prol, reuníronse hoxe con responsables das ANPAS dos colexios públicos con comedor xestionado polo concello. Desde o goberno municipal pedíronlle ás familias daqueles usuarios que non están facendo uso do servizo, que confirmen a súa praza antes do 8 de outubro (inclusive) para poder saber cal é o número de prazas realmente dispoñibles e así poder atender outras solicitudes.
POLÍTICAS SOCIAIS
A UMAD pon en marcha unha campaña para concienciar a poboación moza sobre os perigos das apostas
A concelleira de Políticas Sociais, Mila Castro, presentou hoxe a campaña "A túa liberdade, a mellor aposta", que busca concienciar aos máis novos sobre os perigos dos xogos online e as apostas presenciais.