Noticias

Xosé Sánchez Bugallo mantivo esta mañá unha xuntanza co arquitecto portugués Eduardo Souto de Moura no Pazo de Raxoi, no que tamén estivo presente a concelleira de Urbanismo, Mercedes Rosón.

O pleno da corporación, nunha sesión extraordinaria celebrada hoxe, determinou os festivos locais para o vindeiro ano. Nesta ocasión volven ser o día da Ascensión, que en 2021 será o 13 de maio, e o 16 de agosto, San Roque.

A proposta municipal de rehabilitación para a rúa da Caramoniña acaba de recibir un dos galardóns do Concurso de Arquitectura Driehaus, que se entregaron xunto aos Premios das Artes da Construción no salón de actos do Ministerio de Transportes, Mobilidade e Axenda Urbana, en Madrid, nunha cerimonia presidida polo Secretario Xeral de Axenda Urbana e Vivenda, David Lucas, con aforamento restrinxido e cumprindo con todos os protocolos sanitarios. O alcalde de Santiago, Xosé Sánchez Bugallo, agradeceu a distinción.

A Asociación Comercio Punto Compostela en colaboración co Concello de Santiago e a Federación Galega de Comercio acaban de pór en marcha a campaña "Merca e Gaña en Punto Compostela". O obxectivo da iniciativa, presentada esta mañá, é dinamizar as vendas nos establecementos adheridos a esta entidade, premiando aos consumidores que merquen nas datas que comprende a campaña (entre o 3 e o 31 de outubro) e que rexistren a súa compra en

Santiago de Compostela recorda, cunha placa no Parque das Ciencias, ao intelectual Andrés Comerma i Batalla, enxeñeiro, farmacéutico, escritor e académico. Descubrírona a concelleira de Políticas Sociais e Saúde, Mila Castro; o presidente da Real Academia Galega de Ciencias, José Manuel Lema Rodicio; e Ángela Muñoz Crego, bisneta do homenaxeado, nunha xornada na que se conmemora o Día das Ciencias en Galicia.

A concelleira de Acción Cultural, Mercedes Rosón, presentou a cuarta edición da SELIC, a Semana do Libro de Compostela, que se celebrará do 10 ao 18 de outubro en distintos espazos de Santiago, co obxectivo, sinalou, de visibilizar e dar a coñecer o potencial editorial e literario "da nosa cidade". En total hai programadas 45 actividades, entre roteiros, coloquios, conversas, mesas redondas, actuacións que combinan música e literatura, e distintos eventos infantís. A isto súmanse dúas exposicións, e dous...

Este domingo, a Banda municipal de Música contará cunha colaboración de excepción: o músico Abraham Cupeiro, que traerá ao Auditorio de Galicia o seu espectáculo Pangea. A concelleira de Acción Cultural, Mercedes Rosón, presentou o concerto en rolda de prensa acompañada do propio Cupeiro e do director da Banda, Casiano Mouriño.

A concelleira de Políticas Sociais, Mila Castro, presidiu onte a xuntanza do Consello municipal da Saúde, que se reactivou trala renovación dos seus membros, obrigatoria cada catro anos, e tralo parón imposto pola pandemia.

O alcalde de Santiago, Xosé Sánchez Bugallo, participou esta mañá no acto de apertura do curso de Formación Profesional 2020-2021 no Centro Integrado de Formación Profesional Politécnico de Santiago, que estivo presidido pola raíña Dona Letizia.

O alcalde de Santiago, Xosé Sánchez Bugallo, mantivo hoxe unha xuntanza con responsables da Asociación Hostelería Compostela. Houbo consenso en temas como horarios, terrazas e exencións fiscais. Sobre a taxa de terrazas, o alcalde lembrou que este ano se recortou en "99 días", os que estivo vixente o estado de alarma. Para o 2021 asegurou que se vai "considerar a súa suspensión". Unha decisión, indicou, que se tomará previsiblemente este mes de outubro, e que "imos levar a pleno", órgano...