ALCALDÍA
O alcalde visita o Festival de Degustacións Intercultural
O alcalde de Santiago, Xosé Sánchez Bugallo, visitou hoxe o Festival de Degustacións Intercultural, organizado pola Plataforma polo Emprego, que se desenvolveu ata as tres da tarde no Paseo Central da Alameda. No Festival de Degustacións Intercultural pudéronse probar de balde comidas típicas de Paraguai, Chile, República Dominicana, Ecuador, Venezuela e Colombia, nun evento acompañado de música e no que se cumpriron as máis estritas medidas de seguridade.
CIDADE HISTORICA
Santiago, Cuenca e Toledo coordinarán un grupo de traballo para implantación da fibra óptica nos cascos históricos das cidades patrimonio
A Comisión de Patrimonio do Grupo de Cidades Patrimonio de España, formada polos concelleiros de Patrimonio das 15 cidades que forman a rede, entre eles a concelleira de Urbanismo e Cidade Histórica de Santiago, Mercedes Rosón; acordou, na reunión telemática celebrada esta semana, que Compostela, Cuenca e Toledo coordinen unha mesa de traballo cuxos resultados sirvan de referencia para o resto de cidades na implantación da fibra óptica nos seus cascos históricos.
ACCION CULTURAL
Este domingo, 18 de outubro, finaliza a IV edición da SELIC
Mañá, 18 de outubro, finaliza a IV edición da Semana do Libro de Compostela, coa representación de Malcriada, a cargo de Esther Carrodeguas e o pianista Velpister. Será no espazo da lavandería situada na rúa das Hortas, e no caso de choiva, na Fundación Torrente Ballester. Na organización da SELIC, que desenvolve o concello de Santiago, colaboran Afundación, a Fundación Eugenio Granell, a USC e a Fundación Torrente Ballester. O seu principal obxectivo é visibilizar e dar a coñecer o potencial...
PROMOCION ECONÓMICA E EMPREGO
A feira de emprego Talentia Summit ‘20, que se celebrará a finais de novembro, será virtual e contará con máis de mil prazas de formación
A finais de novembro está previsto que se desenvolva unha nova edición da feira de emprego Talentia Summit ‘20, que organiza o concello de Santiago, e que este ano contará coa participación de máis de cen empresas, ofertas de emprego a nivel estatal e máis de mil prazas de formación. Este ano, a causa da crise sanitaria provocada pola COVID19, emitirase case na súa totalidade en formato on-line; adaptándose así ás restriccións de aforos provocadas pola crise sanitaria. Non obstante, tamén se...
OBRAS
Ábrese á circulación a rúa Clara Campoamor
Este mediodía abriuse á circulación a rúa Clara Campoamor, despois da reurbanización executada polo concello de Santiago que permitiu actuar sobre uns 800 metros de vial e sobre unha superficie duns 19.000 metros cadrados. O resultado: un carril para buses e taxis que poderán acceder directamente á terminal de autobuses cando entren pola Avenida de Lugo; un carril bici fronte ás Brañas do Sar, dúas beirarrúas e outros dous carriles de doble sentido circulación. No acto de apertura interviron o alcalde de...
TURISMO
Sindo Guinarte clausura a xornada formativa para o sector de congresos no contexto do Covid-19
O concelleiro de Turismo, Sindo Guinarte, clausurou o curso Adaptación ao Contexto Actual e Recuperación do Turismo MICE, dirixido ao sector dos Congresos, Reunións, Eventos e Incentivos da cidade, que se celebrou esta mañá ás 11.30 no Palacio de Congresos, cun formato híbrido con asistencia de público fisicamente, respetando en todo momento as medidas de control sanitario, e coa posibilidade de asistir On-line.
IGUALDADE
O concello de Santiago lanza a campaña "Sen cómplices non hai trata"
A Concellería de Igualdade do Concello de Santiago lanza un ano máis unha campaña de sensibilización social contra a explotación sexual de persoas con motivo da celebración do Día Europeo contra a Trata de Seres Humanos que se celebra o vindeiro domingo 18 de outubro.
TURISMO
Ábrese o prazo de inscrición para o XIII Santiago(é)Tapas
Este venres, 16 de outubro, comeza o prazo de inscrición para a XIII edición do
Santiago(é)Tapas, o concurso de tapas de Santiago, un evento promovido por
Turismo de Santiago e organizado pola Asociación Hostalaría Compostela, co apoio
da Deputación de A Coruña e o patrocinio de Mahou. A día de hoxe está confirmada
tamén a colaboración de Coca Cola.
ACCION CULTURAL
Marta Abal visita a exposición "Carvalho Calero, a voz presente" que se pode ver ata mañá na biblioteca Ánxel Casal
A concelleira de Acción Cultural en funcións, Marta Abal, estivo presente hoxe na visita institucional á mostra itinerante "Carvalho Calero, a voz presente" que estará exposta na biblioteca Ánxel Casal ata mañá, 17 de outubro. Componse de 12 paneis que amosan a vida, obra e pensamento deste insigne galeguista. Unha liña de tempo que destaca en orde cronolóxica os acontecementos máis relevantes de cada unha das etapas vitais do autor ferrolán. Así mesmo, a súa pegada vital e intelectual...
ACCION CULTURAL
Amal 2020 trai ao Teatro Principal cinco premieres de cinema árabe en Galicia do 26 ao 30 de outubro, con historias femininas e de humor
A Fundación Araguaney-Ponte de Culturas presentou hoxe a décimo oitava Semana de Cinema Euroárabe AMAL 2020 no hotel Eurostars Araguaney de Santiago. No acto participaron o alcalde de Santiago, Xosé Sánchez Bugallo, o presidente da Fundación Araguaney- Ponte de Culturas e director do Festival Internacional de Cinema Euroárabe AMAL, Ghaleb Jaber Martínez; e o secretario Xeral de Cultura da Xunta de Galicia, Anxo Lorenzo.
