URBANISMO
As investigacións arqueolóxicas no Castelo da Rocha sacan á luz dous novos tramos de muralla e dous fosos
As recentes investigacións arqueolóxicas realizadas no exterior do castelo da Rocha Forte permitiron sacar á luz parte dun complexo sistema defensivo que protexería o acceso principal da fortaleza. Localizáronse dous tramos de muralla, un deles cunha torre circular encostada; e dous fosos.
CONSORCIO
Rematan as obras na capela de Santas Mariñas do Sar, promovidas polo Consorcio de Santiago
O Consorcio de Santiago vén de rematar as obras de mantemento na capela de Santas Mariñas do Sar, por un importe global de 52.959,28 euros. O responsable deste proxecto é o arquitecto da Oficina Técnica do Consorcio Pablo Tomé. Explica que a actuación encamiñouse á realización das tarefas de reconstrución do tellado, renovación da pintura das fachadas e renovación da drenaxe exterior dos muros.
XUNTA DE GOBERNO
Aprobada a resolución definitiva das bolsas de comedor escolar, material e actividades extraescolares por un importe global de 600.000 euros
Foi o asunto máis destacado da Xunta de Goberno local celebrada esta mañá, na que tamén se deu o visto bo á sinatura de varios convenios de colaboración con entidades do ámbito social e cultural para o financiamento de actividades durante este ano.
XUNTA DE GOBERNO
As Xornadas de Ilustración Urbana volven a Compostela en formato virtual
Volven un outono máis as Xornadas de Ilustración Urbana; este ano, estreando formato completamente virtual, tal como anunciou a concelleira de Acción Cultural, Mercedes Rosón, en rolda de prensa esta mañá. Acompañada do deputado provincial de Cultura, Xurxo Couto, e da organizadora das Xornadas, Gemma Sesar, Rosón presentou o programa para a edición 2020, cuxas actividades se celebrarán ao longo do día 7 de novembro.
ACCION CULTURAL
Santiago de Compostela recorda a vinculación de García Lorca coa cidade cunha escultura na Alameda
O poeta e dramaturgo Federico García Lorca xa ten a súa escultura na Alameda, no paseo da Ferradura, baixando a escaleira de Santa Susana, co mono azul que utilizaba nas xiras coa compañía da Barraca, e mirando cara a estatua de Rosalía de Castro, a súa admirada poetisa. Inaugurouna o alcalde de Santiago, Xosé Sánchez Bugallo, no Día de García Lorca en Galicia, acompañado da concelleira de Acción Cultural, Mercedes Rosón; o autor da figura escultórica, Álvaro de la Vega; e o editor...
PROMOCIÓN ECONÓMICA
Un museo Centro Gaiás virtual acolle en enovembro a Maker Faire Galicia, que estrea un novo formato en liña
Unha recreación virtual en 360 graos deste espazo será o marco no que as persoas que se conecten desde calquera lugar poidan interactuar cos proxectos expostos no encontro, unha das feiras ‘maker’ máis importantes de Europa. Xa está aberta a inscrición para asistir á sexta edición deste escaparate da creatividade e do enxeño, que do 18 ao 22 de novembro despregará tamén un programa de obradoiros e relatorios que se poderán seguir por videoconferencia.
ALCALDÍA
O Concello autoriza a colocación de terrazas en zonas reservadas ao aparcamento
O decreto asinado polo alcalde esta mañá autoriza a ocupación destas zonas de forma excepcional e, como máximo, ata o 5 de abril de 2021. Segundo indicou Sánchez Bugallo en rolda de prensa, as solicitudes avaliaranse unha por unha e a ocupación estará limitada a dúas prazas de aparcamento por terraza.
XUNTA DE GOBERNO
A Xunta de Goberno Local aproba, en sesión extraordinaria, un expediente de modificación de crédito para actividades de dinamización comercial en Área Central
A Xunta de Goberno Local, reunida hoxe en sesión extraordinaria e urxente, aprobou tres proxectos de modificación de crédito que agora deberán ser ratificados en pleno.
ACCIÓN CULTURAL
Un cadro de Leopoldo Nóvoa pasa a formar parte do patrimonio do Concello despois da doazón realizada pola súa viúva, Susana Carlson
O cadro sen título de Leopoldo Nóvoa doado ao Concello de Santiago, colga xa dunha das paredes do Pazo de Raxoi. A obra, pintada no ano 2005, foi doada por Susana Carlson, viúva do pintor e propietaria da mesma.
COVID19
A partir desta tarde péchanse as pistas polideportivas
O alcalde de Santiago, Xosé Sánchez Bugallo, sinalou que se deu orde para que a partir desta tarde se pechen as pistas polideportivas. A razón: a orde da Xunta de Galicia de 21 de outubro de 2020 referida a Santiago de Compostela, que establece que non pode haber deportes de contacto, nin grupos de máis de cinco persoas, e que ademáis teñen que ser convivintes.