Noticias

Tras a interrupción de marzo por mor da declaración do estado de alarma, o Festival Atlántica vén de anunciar a continuación da súa oitava edición, que se vai celebrar entre novembro e decembro. A presentación tivo lugar este xoves, 29 de outubro, nunha rolda de prensa na que participaron Mercedes Rosón, primeira tenente de alcalde e concelleira Responsable de Urbanismo, Vivenda, Cidade Histórica e Acción Cultural do Concello de Santiago de Compostela; e Soledad Felloza, directora do Festival Atlántica.

Na sesión ordinaria do mes de outubro o pleno da corporación deu luz verde a dúas declaracións institucionais e a unha moción conxunta dos catro grupos municipais para reiterar o compromiso do Concello coa igualdade e coa loita contra as violencias de xénero.

O alcalde de Santiago, Xosé Sánchez Bugallo, realizou unha primeira valoración do proxecto de Lei de Orzamentos Xerais do Estado. Recollen, sinalou, os diferentes compromisos adquiridos con Santiago de Compostela, aínda que, "ao mellor nos houbera gustado unha maior aportación".

O Concello de Santiago de Compostela activou no día de onte a súa sede electrónica, accesible no enderezo https://sede.santiagodecompostela.gal. Inclúe un acceso ao rexistro electrónico municipal.

O prazo para solicitar a inscrición rematará o día 2 de novembro ás 08.00 h. Os solicitantes deberán presentar o currículum e unha carta de motivación para acceder a unha das dez prazas que ofrece o curso debido á limitación de aforo.

A Comisión de Turismo do Grupo, formada polos técnicos de Turismo das 15 cidades que forman a rede, mantivo unha xuntanza telemática na que se analizaron as conclusións da III Fase do Observatorio Turístico do Grupo, un estudo financiado pola Secretaría de Estado de Turismo desde 2018 e que ten como fin analizar cada ano os datos de viaxeiros nestes destinos para optimizar e adaptar a promoción turística e campañas estratéxicas. Este estudo xa foi presentado o pasado 13 de outubro aos concelleiros da rede.

Xosé Sánchez Bugallo e outros membros dos distintos grupos políticos da Corporación municipal apoiaron a reinvindicación do sector da hostalería no seu conxunto, que reclamou axudas directas para poder facer fronte ás consececuencias derivadas das medidas restritivas dictadas para frear o avance da covid cunha concentración na praza do Obradoiro.

O Departamento de Comercio abre o prazo para solicitar a participación no Mercado de Nadal, que se celebrará do 3 de decembro ao 5 de xaneiro na rúa da Carreira do Conde e, como novidade deste ano, do 26 de decembro ao 5 de xaneiro tamén en Área Central. A inscrición estará aberta ata as 23.30 horas do día 9 de novembro.

O Concello de Santiago de Compostela pon en marcha o servizo de notificación electrónica mediante comparecencia na sede electrónica, un sistema seguro, cómodo e eficaz que substituirá, para os colectivos obrigados legalmente e para quen así o elixa, a notificación en papel por correo postal. A este sistema, poderán acollerse, segundo sinalou a concelleira de Economía, Marta Abal, "as persoas xurídicas que se relacionen co concello" compostelán e "as persoas físicas que así o...

A Xunta de Goberno Local, reunida en sesión extraordinaria e urxente, acordou ampliar o prazo de xustificación, ata o 30 de novembro, de dúas convocatorias: a de "Axudas para a mellora e innovación da restauración e hospedaxe compostelá. Plan de reactivación do sector turístico COVID19", e a de "Axudas a empresas para a reactivación económica Cómpostela Móvese 2020-COVID19 para autónomos e micropemes de menos de 11 traballadores de Santiago de Compostela". Unha vez aprobada esta...