Noticias

O Grupo de Cidades Patrimonio da Humanidade de España presentou hoxe o plan de acción 2021, que se asinou xunto co secretario de Estado de Turismo, Fernando Valdés, para a promoción das 15 cidades españolas co selo Unesco nos principais mercados internacionais de Europa, Estados Unidos e Asia. A presentación deste plan tivo como escenario a caseta de Turespaña en FITUR e ao acto asistiu o alcalde de Santiago, Xosé Sánchez Bugallo, xunto co resto de alcaldes e alcaldesas das 15 cidades, así como o concelleiro de Turismo,...

O domingo 23 de maio a Banda Municipal de Música de Santiago de Compostela presentará no Auditorio de Galicia a proposta didáctica "Os nosos instrumentos hoxe". Son un total de 11 melodías, tocadas con 17 instrumentos tradicionais, e incluídas no DVD co que se agasallará ás persoas asistentes, e que hoxe presentaron a concelleira de Acción Cultural, Mercedes Rosón; e os autores do proxecto: o intérprete e mestre de instrumentos Suso Vaamonde; e o director da banda, Casiano Mouriño.

A concellaría de Mocidade organiza unha nova edición do "Campamento de verán de surf", destinado a menores de entre 14 e 17 anos, que se desenvolverá en Oleiros, entre o 2 e o 9 de xullo. Contará con 20 prazas, e ten como obxectivos, segundo explicou na presentación o concelleiro de Mocidade, Rubén Prol, "prestar un servizo á cidadanía máis moza, e facilitar as relacións intepersonais entre eles a través de distintas actividades didácticas, deportivas e de lecer". O prazo de...

O próximo sábado 22 de maio comeza a funcionar a nova estación de autobuses de Santiago de Compostela, xestionada polo Concello de Santiago a través de Tussa. O novo equipamento está situado na remodelada rúa de Clara Campoamor.

Hoxe presentouse o EDS Santa Marta, un club deportivo que nace coa aspiración de formar non só deportistas, senón tamén persoas. O acto contou coa participación do seu presidente Santiago Araújo, e os concelleiros de Deportes, Esther Pedrosa, e de Centos Socioculturais, Javier Fernández. Os obxectivos da entidade deportiva para a vindeira tempada son crear as seccións de fútbol 8 e fútbol sala dentro da FGF, así como seguir organizando xornadas formativas e masterclass no eido deportivo e saudable e campus...

O alcalde de Santiago, Xosé Sánchez Bugallo, e o concelleiro de Turismo, Sindo Guinarte, presentaron en Fitur as novas videoguías de Turismo de Santiago para promocionar a cidade entre o novo tipo de turista xerado pola Covid-19. Trátase dun turista 3.0, caracterizado por un uso intensivo de Internet e redes sociais, que empregan en todo o proceso dunha viaxe, dende a selección do destino ata a súa valoración unha vez rematado, compartindo a súa opinión na rede.

A concelleira Mercedes Rosón e os responsables da organización do evento, Ángel Moix e Marycruz Madrid, deron conta en rolda de prensa dos detalles desta edición, que volve a Santiago, tras un ano de parón, do venres 21 ao domingo 23.

Unhas flores na marxe dun río reflectidas sobre a auga. É o debuxo que ilustrará os carteis da campaña Vive o Verán 2021. Pintouno Ainara, de 11 anos, usuaria da actividade de pintura no Centro Sociocultural de Conxo. A súa proposta foi a que máis "gústame" obtivo nas redes sociais, das 19 que se presentaron. Agora, todas elas serán expostas nun centro sociocultural.

A Xunta de Goberno Local, aprobou hoxe as "Bases da convocatoria de subvencións para asociacións culturais 2021"; á que se destinan 48.500 euros; o mesmo día que o BOP publica as "Bases reguladoras da convocatoria de axudas de apoio a actividades culturais para o sector profesional 2021", que contan cun orzamento de 554.992,90 euros, que xa se poden solicitar desde mañá, 19 de maio. Das dúas convocatorias informou o alcalde de Santiago, Xosé Sánchez Bugallo, en rolda de prensa.

A praza do Obradoiro acolleu este mediodía un minuto de silencio polas dúas últimas vítimas da violencia machista: unha muller e o seu fillo asasinados onte en Mallorca.