Noticias

A candidatura presentada por Santiago foi merecente da renovación da distinción de "Cidade da Ciencia e a Innovación", que outorga a Secretaría Xeral de Innovación do
Ministerio de Ciencia e Innovación.

O concelleiro de Mocidade, Rubén Prol, presentou hoxe dúas actividades dirixidas á xuventude de entre 15 e 35 anos: "Compostela Natural", e un roteiro medioambiental polas marxes do Sarela e o Monte Pedroso. Son gratuitas e teñen como obxectivo dar a coñecer e difundir o patrimonio natural, etnolóxico e cultural de distintos parques e espazos emblemáticos de Compostela. Estes dous obradoiros están organizados polo concello de Santiago, en colaboración con Ribeirán Proxectos Naturais e con Garatuxa Tempolibre.

Durante a pasada semana, do 16 ao 22 de xuño, a Policía Local adheriuse á campaña de vixilancia e control da taxa de alcol e outras drogas promovida pola Dirección Xeral de Tráfico (DXT). Os/as axentes realizaron 826 probas, cun resultado final de 22 positivos.

O Consello de Administración da sociedade mercantil estatal Aguas de las Cuencas de España (ACUAES) do Ministerio para a Transición Ecolóxica e o Reto Demográfico autorizou na súa reunión de hoxe a adxudicación por 55.888.690 euros do contrato para a redacción do proxecto construtivo, execución, posta en marcha e explotación da nova estación depuradora de augas residuais de Silvouta, en Santiago de Compostela.

Dado o éxito acadado polos eventos de dinamización de rúa durante a festa do comercio local Prima21 os pasados 3,4 e 5 de xuño, desde o departamento de Comercio apóstase por continuar coa programación lúdico-cultural para todos os públicos durante todas as fins de semana do mes de xuño.

O alcalde de Santiago, Xosé Sánchez Bugallo, asistiu á inauguración do centro deportivo, especializado en saltos, Nova Jump; que abre as súas portas co obxectivo de ofrecer unha oferta de ocio alternativa e moi concreta, que esperan, contribúa a dinamizar o centro comercial de Área Central.

O alcalde de Santiago, Xosé Sánchez Bugallo; a concelleira de Políticas Sociais, Mila Castro; as voceiras dos grupos municipais de CA e BNG, Marta Lois e Goretti Sanmartín; o voceiro do grupo municipal popular, Alejandro Sánchez-Brunete; os tamén concelleiros Xan Duro e Navia Rivas; membros da Rede Galega de Apoio ás Persoas Refuxiadas e cidadáns e cidadás de Santiago déronse cita esta mañá na Alameda para inaugurar a exposición "Mira con otros ollos" e manifestar a súa repulsa polos...

O concelleiro de Centros Socioculturais, Javier Fernández; e o de Educación, Rubén Prol, entregaron esta tarde cadernos de pintura e lápices acuarelables aos nenos e nenas participantes no concurso de carteis do programa "Vive o Verán 2021". Entre eles atopábase a gañadora do certame, Ainara, de 11 anos, usuaria, igual que os seus compañeiros, da actividade de pintura no Centro Sociocultural de Conxo. O seu debuxo foi a que máis "gústame" obtivo nas redes sociais, dos 19 que se presentaron.

O alcalde de Santiago, Xosé Sánchez Bugallo; a concelleira de Políticas de Igualdade e de Acción Cultural, Mercedes Rosón; e o concelleiro de Turismo, Sindo Guinarte, presentaron hoxe o programa Compostela Diversa, que ten como obxectivo facer de Compostela un referente para as persoas LGTBI, un colectivo que precisa de accións globais e inclusivas que o axuden a avanzar na consecución dos seus dereitos, a visibilidade e a normalización da vida cotiá.

O concelleiro de Políticas Lingüísticas, Rubén Prol, presentou hoxe a primeira edición do programa de intercambio lingüístico "ELOS. Aquilo que une", unha iniciativa para facilitar o contacto entre persoas que desexan aprender e practicar o galego e persoas que voluntariamente queiran colaborar con elas. O prazo de inscrición ábrese hoxe. Non hai data prevista de peche, xa que se irá atendendo a demanda segundo vaia xurdindo.