Noticias

Santiago de Compostela acollerá, o vindeiro 2 de outubro, a terceira etapa da 9ª Marcha Ciclista Unificada Special Olympics Galicia, para persoas con discapacidade intelectual. Será un percorrido de 21,2 quilómetros polo centro da capital de Galicia, que sairá do Centro Sociocultural das Fontiñas, para rematar no mesmo lugar. Un evento que se completará con outras tres probas en Baños de Molgas (Ourense) o 30 de setembro, Guitiriz (Lugo), o 1 de outubro; e Vilagarcía de Arousa (Pontevedra), o 3 de outubro.

Mañá comeza o prazo de inscrición para a XIII edición do Santiago(é)Tapas, o concurso de tapas de Santiago, un evento promovido por Turismo de Santiago e organizado pola Asociación Hostalaría Compostela, que se celebrará entre o 11 e o 28 de novembro.

O alcalde de Santiago, Xosé Sánchez Bugallo, recibiu hoxe ao equipo de ximnasia acrobática do Club Ximnasia Rítmica Compostela, que acadaron seis medallas en dous campionatos de España; e ao equipo sénior absoluto, o primeiro club de Galicia en competir a nivel absoluto sénior e mixto.

O alcalde de Santiago, Xosé Sánchez Bugallo, acompañado do concelleiro de Medio Rural, José Manuel Pichel, e dunha representación da directiva da Asociación de Veciños A Xunlla, supervisou hoxe o remate das obras da "Senda peonil e reforzo da calzada en Paredes de Laraño", nas que se investiron 126.420 euros.

Alfonso Blanco Quintela acaba de gañar o III Premio Realia de Tradución Literaria, pola tradución, ao galego, da obra "As consecuencias da vella historia", escrita por Georgios Viziinos, e publicada orixinalmente en lingua grega en 1884. Blanco Quintela, que se presentou baixo o pseudónimo de Asier Ortegal, percibirá unha contía en metálico de 1.500 euros. A maiores, a súa tradución será publicada nos vindeiros meses nunha das dúas coleccións da editorial Huguin e Munin.

Santiago liderou amplamente o Grupo de Cidades Patrimonio da Humanidade de España en pernoctacións en agosto, tal como fixera en xullo.

Mañá, 25 de setembro, terá lugar na Alameda de Santiago, a intervención artística "Cuestión de Xénero", no marco da semana "Trátase de NON + TRATA", que se desenvolve entre o 23 e o 30 de setembro, organizada pola Rede de artistas, docentes e ativistas feministas e abolicionistas da Arxentina, con motivo da conmemoración do "Día Internacional contra o Tráfico de mulleres e nenas para a súa explotación sexual", instaurado pola UNESCO todos os 23 de setembro.

Con motivo da Semana Europea da Mobilidade, a nova estación de autobuses acolle unha exposición baixo o lema "Pola túa saúde, móvete de xeito sustentable", organizada polo Concello de Santiago e a Asociación Cívica Composcleta.

O próximo 5 de outubro, ás 23:59 h. finaliza o prazo para presentarse ao proxecto de acondicionamento exterior do castelo da Rocha Forte. O concello de Santiago de Compostela sacou a concurso a licitación das obras, a través dun procedemento aberto simplificado, por importe de 292.168 euros; e un prazo de execución de 3 meses.

A Policía Local participou entre o 16 e o 22 de setembro nunha nova campaña especial de vixilancia da Dirección Xeral de Tráfico, desta vez centrada nas distraccións na condución. Os/as axentes controlaron 4.764 vehículos, cun total de 83 denuncias, o que supón o 2% do total de automóbiles inspeccionados.