Noticias

Un xurado profesional outorgará o primeiro premio Novas/os Cineastas ao que concorren unha ducia de filmes; e que se une á selección do Xurado Novo e ao Premio do Público que completan o palmarés do festival. A actriz Verónica Forqué e os cineastas Nadav Lapid e Alberte Pagán recibirán os Premios Cineuropa desta edición, que retoma o Maratón e ofrecerá máis encontros con cineastas que nunca

O concelleiro de Presidencia, Relacións Institucionais e Turismo do Concello de Santiago, Sindo Guinarte, participou hoxe na presentación da cuarta edición de Fairway, que aspira a igualar ou mesmo superar as cifras de visitantes rexistradas na edición de 2019. Así, desde a organización do Fórum do Camiño de Santiago, no que colabora o Concello, esperan que máis de 4.500 persoas se acheguen entre os días 7 e 9 de novembro ao Palacio de Congresos para participar nalgunha das actividades deste evento.

A Rede de Escolas Infantís Municipais do Concello de Santiago de Compostela, integrada polos centros de Conxo, Fontiñas e Meixonfrío- Salgueiriños organizaron, dentro da súa programación anual, as actividades relacionadas co Magosto e co Samaín, nunha semana na que as escolas permaneceron "terrorificamente" decoradas.

A oficina de Cidade Histórica e Rehabilitación do Concello de Santiago, foi hoxe escenario da presentación das actuacións en materia de vivienda que financiará o Goberno de España con fondos do Mecanismo Europeo de Rehabilitación. No acto estiveron presentes o alcalde compostelán, Xosé Sánchez Bugallo; o delegado do Goberno en Galicia, José Miñones, quen anunciou unha primeira transferencia de 67,2 millóns de euros á Xunta para impulsar a rehabilitación de 3.000 vivendas en Galicia; a...

A Xunta de Goberno Local acordou hoxe remitir á Secretaría Xeral de Calidade e Avaliación Ambiental a solicitude de inicio do procedemento de avaliación ambiental estratéxica simplificada do Plan parcial do SUND-4 (Rebordaos), na contorna do polígono do Tambre. Son, segundo explicou o alcalde, Xosé Sánchez Bugallo, máis de 164.000 metros cadrados, dos que uns 5.000 serán para equipamentos, e 113.000 para zonas verdes e "espazos libres".

A entidade de promoción turística municipal amosou a cidade a axentes e organizadores de viaxes corporativos e de incentivo procedentes de Italia, Francia, Reino Unido e Noruega.

A praza do Obradoiro acolleu este mediodía un minuto de silencio pola muller asasinada en Torrevieja (Alacante), vítima de violencia machista.

Un arquitecto municipal da OCiHR desprazarase unha vez á semana aos centros socioculturais de Vite e de Pontepedriña para axudar a veciñanza destas ARI (Áreas de Rehabilitación Integral) a solicitar axudas á rehabilitación das súas vivendas.

Talentia Summit 2021 estende a súa duración desde o 15 ata o 26 de novembro cun formato híbrido: tanto presencial como online. O alcalde de Santiago, Xosé Sánchez Bugallo, acompañado polo técnico de Emprego, Xavier Ferreiro, deu conta dos detalles desta edición en rolda de prensa.

O Concello de Santiago e a Universidade de Santiago (USC) organizan de novo a Feira de Emprendedoras de Compostela, unha feira que quere visibilizar as mulleres emprendedoras que están creando tecido empresarial innovador, con valor engadido, na comarca de Compostela. Este ano vai dirixida ás universitarias da USC aínda que a feira está aberta a toda a cidadanía. Esta mañá foi inaugurada polo alcalde de Santiago, Xosé Sánchez Bugallo, e o reitor da USC, Antonio López.