ACCIÓN CULTURAL
O Concello recorda cunha ofrenda floral a figura de Valle-Inclán
O cemiterio de Boisaca acolleu hoxe a ofrenda floral ao escritor e dramaturgo, Ramón María del Valle Inclán por parte do Concello de Santiago, da Xunta de Galicia, do Museo Valle-Inclán e dos concellos da Pobra do Caramiñal e de Vilanova de Arousa. O concelleiro de Centros Socioculturais, Javier Fernández, destacou a figura do dramaturgo e escritor, a súa vinculación con Compostela, e a importancia da súa obra; igual que a do polifacético galeguista, Isaac Díaz Pardo. Os dous faleceron un 5 de xaneiro. O primeiro do...
FESTAS
Os Reis Magos chegan a Santiago para recibir os nenos e nenas composteláns en Bonaval
Este 5 de xaneiro foi, un ano máis. diferente para os Reis Magos, que tamén tiveron que cumprir coas restricións para a contención da pandemia. No canto de saudar os nenos na tradicional cabalgata polas rúas da cidade, as súas Maxestades de Oriente recibiron os cativos e cativas de Compostela na Igrexa de Bonaval. Tamén se achegou o concelleiro de Festas, Gonzalo Muíños.
IGUALDADE
Minuto de silencio pola última vítima mortal de violencia vicaria
A praza do Obradoiro acolleu este mediodía un minuto de silencio pola menor asasinada en Madrid vítima de violencia vicaria.
ACCIÓN CULTURAL
O Teatro Principal acolle o 6 de xaneiro o concerto extraordinario do día de Reis da Banda Municipal de Música de Santiago
A Banda Municipal de Música de Santiago de Compostela ofrece, o próximo 6 de xaneiro ás 12:00h no Teatro Principal, o concerto extraordinario do día de Reis. Dirixida por David Fiuza, interpretarán as pezas "Festive Overture" e "Twelfth Night", de Alfred Reed; e "Festive Overture op.96" e "Jazz Suite nº 2" de Dmitri Shostakovich.
XUNTA DE GOBERNO
Aprobado o expediente de contratación da xestión das Escolas infantís municipais, e o pago de subvencións a asociacións de comerciantes e entidades veciñais
O goberno municipal aprobou, en Xunta de Goberno, a xustificación e pagamento das subvencións asociacións veciñais sen ánimo de lucro de Santiago de Compostela, para o desenvolvemento de programas e actividades de interese xeral durante o exercicio 2021. Destas axudas, por importe de 37.055,46 euros, beneficiaranse 17 entidades.
ACCIÓN CULTURAL
A Real Filharmonía de Galicia ofrece o seu tradicional concerto de Reis este mércores 5 de xaneiro
A batuta levaraa o director titular e artístico da RFG, o mestre Paul Daniel e contará coa actuación do músico Claudio Constantini que interpretará a Piazzolla ao bandoneón. As entradas están dispoñibles na páxina web compostelacultura.gal.
ALCALDÍA
O alcalde chama á responsabilidad individual e colectiva para rematar coa pandemia e lanza unha mensaxe de optimismo de cara ao 2022 na Ofrenda da Translación
O alcalde de Santiago exerceu esta mañá de delegado rexio na Ofrenda da Traslación que, como cada 30 de decembro, se celebra na Catedral de Santiago. Nesta ocasión, asistiu a ministra de Turismo, Reyes Maroto; así como o presidente do Parlamento, Miguel Santalices; o delegado do Goberno en Galicia, José Miñones; e o vicepresidente primeiro da Xunta, Alfonso Rueda.
MEDIO AMBIENTE
Santiago presentará o proxecto para elaborar a Estratexia de infraestrutura verde e adaptación ao cambio climático, que suma preto de 5 millóns, ás axudas convocadas pola Fundación Biodioversidad
O alcalde de Santiago, Xosé Sánchez Bugallo e a concelleira de Medio Ambiente, Mila Castro, confirmaron en rolda de prensa que o Concello se presentará á convocatoria de axudas da Fundación Biodiversidad para fomentar actuacións dirixidas á renaturalización e resiliencia de cidades españolas. O proxecto, de preto de 5 millóns, podería obter unha subvención de ata 4 millóns.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada en Elxe (Alacante) vítima de violencia machista.
EDUCACIÓN
O alcalde de Santiago e o concelleiro de Educación visitan as actividades de conciliación na Ludoteca de Fontiñas
O alcalde de Santiago, Xosé Sánchez Bugallo, e o concelleiro de Educación, Rubén Prol, visitaron o Espazo Educativo e de Lecer María Miramontes para coñecer de preto as actividades lúdico-educativa dirixidas á infancia no marco do Programa de Conciliación de Nadal
