TURISMO
Comezan as ‘Rutas de Viño Revera Vinum Compostela’
A Bodeguilla de San Lázaro acolleu esta mañá o acto de inauguración das ‘Rutas Revera Vinum Compostela’ que se poderán percorrer desde hoxe ata o 27 de marzo. O concelleiro de Turismo, Sindo Guinarte, o presidente da Asociación Hostalaría Compostela, Thor Rodríguez, e outros representantes da Corporación, deron inicio a esta actividade tomando un viño galego.
MOBILIDADE
Preséntase o anteproxecto do trazado de carril bici entre a rotonda do Milladoiro e a Volta do Castro
Os alcaldes de Santiago, Xosé Sánchez Bugallo; e de Ames, Blas García, presentaron o anteproxecto "Trazado de carril bici na SC-20 entre a rotonda do Milladoiro e a de Volta do Castro". Os dous rexedores, xunto ao concelleiro de Barrios e Obras de Compostela, Javier Fernández; e a concelleira de Tráfico e Mobilidade de Ames, Beatriz Martínez; destacaron que se trata dun proxecto necesario, que ten como obxectivo humanizar e mellorar a mobilidade entre ambos muncipios.
MOBILIDADE
Case 2.000 escolares pasarán polo Parque de Educación Viaria de Amio durante os meses de marzo e abril
O Parque de Educación Viaria instalado no recinto feiral de Amio recibirá nestes meses de marzo e abril a visita de máis de 1.900 alumnos procedentes de 24 centros educativos de Compostela. O alcalde de Santiago, Xosé S. Bugallo, achegouse esta mañá a Amio para coñecer de primeira man as actividades educativas desenvolvidas pola Policía Local.
EDUCACIÓN
Segue aberto o prazo de presentación de obras para o XV Premio Internacional Compostela para Álbums Ilustrados
O Departamento de Educación do Concello de Santiago de Compostela e Kalandraka Editora convocan o XV Premio Internacional Compostela para Álbums Ilustrados, cunha dotación económica única de 9.000 euros. O prazo de presentación dos traballos rematará o 13 de maio de 2022 e o fallo do xurado darase a coñecer durante a última quincena de xuño. Esta convocatoria ten como finalidade fomentar a produción artística e literaria destinada ao público infantil e xuvenil.
EDUCACIÓN
O 23 de setembro remata o prazo para presentarse aos premios Educacompostela
O concelleiro de Educación, Rubén Prol, acompañado por Xosé Lastra, presidente de Nova Escola Galega, e Beatriz Varela, directora do Departamento de Educación, presentaron esta mañá en rolda de prensa a "XIV edición dos Premios Educacompostela de recursos educativos en prol da innovación da calidade educativa e da renovación pedagóxica", cuxo prazo de presentación das obras estará aberto ata o 23 de setembro.
CIDADES PATRIMONIO
San Cristóbal de La Laguna acolle a celebración da Asemblea de alcaldes e alcaldesas do Grupo de Cidades Patrimonio da Humanidade
A Asemblea Xeral do Grupo de Cidades Patrimonio da Humanidade de España, máximo órgano de goberno da entidade, celébrase en San Cristóbal de la Laguna o vindeiro sábado 19 de Marzo, coa asistencia do alcalde de Santiago, Xosé Sánchez Bugallo.
MEDIO RURAL
Arranca nos Centros Socioculturais do rural o obradoiro de risoterapia "Que farta de rir"
Dende hoxe e ata o 4 de maio desenvolverase en varios Centros Socioculturais do rural, o obradoiro de risoterapia "Que farta de rir", organizado polas concellerías de Igualdade e de Medio Rural e que está dirixido principalmente ás mulleres que acoden aos CSC do rural de Compostela.
DEPORTES
Máis de 350 atletas participarán este sábado na XIX edición do Dúatlon Cidade de Santiago
A concelleira de Deporte, Esther Pedrosa, acompañada por Brais Otero Lestón, tesoureiro do Club Tríatlon Santiago, presentou hoxe os detalles do XIX Dúatlon Cidade de Santiago e do XXII Dúatlon Escolar Cidade de Santiago, que terán lugar o vindeiro sábado 19 de marzo nas inmediacións do Estadio Municipal Verónica Boquete. Os dous torneos están organizados polo Club Tríatlon Inforhouse Santiago e pola Federación Galega de Tríatlon, coa colaboración do Concello de Santiago.
SEGURIDADE E MOBILIDADE CIDADÁ
Quinto ano consecutivo sen falecidos nas estradas de Santiago
O concelleiro de Mobilidade e Seguridade Cidadá, Gonzalo Muiños, acompañado polo inspector da Policía local José Antonio Pena, presentou esta mañá en rolda de prensa o balance de actuacións da Policía Local no ano 2021, que rematou sen contabilizar ningún falecido en accidente de tráfico, unha tendencia que se mantén por quinto ano consecutivo, desde o 2017.
TURISMO
Turismo de Santiago incorpora á súa web Santiguau, coas opcións Dog Friendly da capital galega
Esta iniciativa pretende dar resposta así á demanda existente de ter localizados os locais que aceptan mascotas, así como plans para facer con animais. O concelleiro de Turismo Sindo Guinarte presentou esta novo servizo nunha rolda de prensa que contou coa presenza da actriz e presentadora Sara Escudero.