ALCALDÍA
O Concello dótase dun Plan Antifraude que incorpora un código ético e unha canle de denuncias
A Xunta de Goberno de hoxe deu luz verde ao Plan de Prevención de Riscos e Medidas Antifraude (PPRMA), que, ademais de establecer a estratexia municipal para previr, detectar e remediar condutas fraudulentas, incorpora un código ético de comportamento, un procedemento para a xestión de conflitos de interese e unha canle de denuncias.
XUNTA DE GOBERNO
Mañá, 22 de marzo, ábrese o prazo de inscrición no programa de conciliación de Semana Santa, que contará con 100 prazas e se desenvolverá no CEIP Quiroga Palacios
Mañá martes, 22 de marzo, ábrese o prazo de inscrición e matrícula no "Programa municipal de conciliación de Semana Santa 2022" do Concello de Santiago, que terá lugar os días 11, 12, 13 e 18 de abril de 2022 nas instalacións do CEIP Quiroga Palacios. Son, en total, 100 prazas. A memoria do programa, ofertado a través do departamento de Educación, aprobouse hoxe en Xunta de Goberno.
POLÍTICAS LINGÜÍSTICAS
Santiago e outros 17 concellos galegos únense a prol do idioma coa creación de Alingua, unha asociación cooperativa para fomentar proxectos conxuntos de dinamización lingüística
Compostela, xunto coa Baña, Ames, A Coruña, Betanzos, Cedeira, Ferrol, Moaña, Narón, O Grove, Ponteceso, Pontevedra, Redondela, Ribadeo, Rianxo, Rois, Santiago de Compostela, Teo e Vilagarcía de Arousa son os municipios impulsores dunha entidade que procurará "proxectar o galego con fachenda" e "poñer o noso idioma no mundo". Alingua darase a coñecer cunha campaña de difusión que inclúe contidos promocionais nos medios e nas redes, sorteos para restaurantes do Grupo Nove ou a implicación de...
XUNTA DE GOBERNO
A Xunta de Goberno Local aproba a licitación do espectáculo pirotécnico das Festas do Apóstolo
A Xunta de Goberno Local aprobou a licitación do expediente denominado "Deseño, produción, montaxe e realización do espectáculo pirotécnico das Festas do Apóstolo 2022", e a apertura do procedemento de adxudicación por 294.630,62 euros. Tamén deu luz verde, hoxe, a autorización do uso privativo de espazos no parque da Alameda de Santiago para colocación de postos durante as Festas da Ascensión e do Apóstolo de 2022 e 2023, e a apertura do procedemento aberto de adxudicación,...
MEDIO AMBIENTE
O Concello e a Unión de Consumidores de Galicia fallan os premios do concurso de Tik Tok "Conecta coa economía circular"
O certame estaba dirixido á rapazada, de entre 13 e 17 anos, que reside ou estuda no municipio compostelán.
CIDADES PATRIMONIO
As Cidades Patrimonio da Humanidade formarán parte da plataforma de Destinos Intelixentes que desenvolve o Ministerio de Turismo
O Grupo de Cidades Patrimonio da Humanidade de España celebrou esta mañá a súa Asemblea Xeral en San Cristóbal de La Laguna, á que asisitiu o alcalde de Santiago, Xosé Sánchez Bugallo. A seguinte terá lugar en Santiago de Compostela os días 13 e 14 de maio.
MOBILIDADE
Asinado o convenio entre o Concello e Decathlon Santiago para a realización de actividades de formación en materia de seguridade viaria e a organización de eventos deportivos
O alcalde de Santiago, Xosé Sánchez Bugallo, acompañado do concelleiro de Mobilidade, Gonzalo Muíños, e do xefe da Policía Local, José Ramón Silva, asinou coa directora de Decathlon Santiago, Yael Andrea Girabel, un convenio para o desenvolvemento de actividades formativas no ámbito da seguridade viaria e a prevención de accidentes no relativo ao manexo e condución de bicicletas, na organización e colaboración da marcha ciclista escolar promovida polo Concello de Santiago e o Decabike, promovido por...
OBRAS
A concellaría de Obras rematou, no que levamos de ano, seis importantes actuacións, e está executando outras sete
No que levamos de ano, a concellaría de Obras rematou seis actuacións que contaron cun investimento de 1.177.679,96 euros; e está executando outras sete importantes obras que, en conxunto, contan cun orzamento de adxudicación 4.802.700,72 euros. Delas informou, en rolda de prensa, o concelleiro de Barrios e Obras, Javier Fernández.
ACCIÓN CULTURAL
O Festival Atlántica celebra o Día Internacional da Narración Oral con espectáculos e a lectura dun Manifesto
Co gallo do Día Internacional da Narración Oral o próximo 20 marzo, unha vintena de artistas percorrerán varias cidades e vilas de Galicia, entre elas Santiago, para celebrar a arte máis antiga do mundo. O Manifesto, escrito por Antonio Reigosa, repartirase a partir de hoxe en centros de ensino e bibliotecas para lembrar a importancia e a necesidade das historias a viva voz.
SEGURIDADE CIDADÁ E MOBILIDADE
A Policía Local súmase á campaña da DXT de vixilancia e control da velocidade ao volante
O Concello de Santiago adhírese unha vez máis, como é habitual, á campaña especial sobre vixilancia e control da velocidade que promove a Dirección Xeral de Tráfico (DGT), polo cal a Policía Local levará a cabo controis da velocidade nas principais vías urbanas da nosa cidade entre o 21 e o 27 de marzo.