Noticias

O concelleiro de Turismo, Sindo Guinarte, acompañado polo presidente da Comisión Xestora de Entidades Alfombristas do Camiño de Santiago, Miguel A. García Correa, presentaron esta mañá en rolda de prensa, a imaxe da alfombra floral do Xacobeo 2022, deseñada por Antonio Cunha, que será exposta o 25 de xullo en Santiago e en máis de 300 cidades de todo o mundo. O obxectivo é facer unha homenaxe a escala mundial ao Camiño de Santiago no día grande do Apóstolo, a través desta arte efémera de...

O concelleiro de Mocidade, Rubén Prol, acompañado por Ramón Molina, educador social de Arelar, deu conta esta mañá en rolda de prensa dos resultados da campaña "Vas picar? Mocidade libre de apostas" para a prevención das adiccións aos xogos de apostas, iniciada polo Concello o pasado 29 de outubro.

O Consello Municipal das Persoas Maiores reuniuse onte en Pleno na Sala Circular do Auditorio de Galicia, baixo a presidencia da concelleira de Políticas Sociais, Mila Castro. O obxectivo da xuntanza era revisar as accións acordadas na anterior reunión e abordar as novas iniciativas nas que se está traballando. Ademais das entidades integrantes, tamén estiveron presentes os membros dos diferentes grupos políticos da Corporación Municipal: Gonzalo Muiños (PSOE), Marta Lois (CA), Goretti Sanmartín (BNG), Alejandro...

As conclusións do informe encargado por Turismo de Santiago no marco do proxecto Big and Open Data for Atlantic Heritage descarta problemas cos fluxos turísticos na zona monumental. Hoxe tamén se fixo público o vídeo de presentación de Santiago de Compostela como un dos destinos líderes do BODAH.

A praza do Obradoiro acolleu este mediodía un minuto de silencio pola muller asasinada en Barcelona, última vítima de violencia machista.

O Concello de Santiago; e a delegación de Santiago do Colexio de Arquitectos de Galicia (COAG Santiago) organizan un ciclo de catro concertos baixo a denominación "Onde a Música Habita", qeu terán como escenario catro emprazamentos arquitectonicamente relevantes da cidade. Presentárono hoxe en rolda de prensa a concelleira de Acción Cultural, Mercedes Rosón, e o presidente do COAG Santiago, Ángel Cid.

Hoxe deron a coñecer os resultados das do concurso da árbore Europea do Ano 2022, tres semanas despois de que rematara a votación internacional. Polonia co seu "Dąb Dunin" (carballo Dunin) proclamouse o gañador con 179.317 votos, seguido ben de cerca polo noso Carballo do Banquete de Conxo con 168.284 votos, a pouco máis de dez mil votos da árbore polaca; e terceiro foi Portugal co Sobreiro Monumental con 70.563 votos, o resto de candidaturas quedaron bastante máis atrás en número de votos como se pode comprobar...

O Hotel Monumento San Francisco acolle durante tres días catas, mesas redondas e unha zona expositiva con máis de 180 adegas e un túnel do viño con máis de 300 referencias de todas as Denominacións de Orixe (DO) e Indicacións Xeográficas Protexidas (IGP) galegas. O Encontro, promovido pola Asociación Hostalaría Compostela e organizado por Escenoset, conta co apoio do Concello de Santiago, a Xunta de Galicia e a Axencia Galega de Calidade Alimentaria (AGACAL).

Mañá, 23 de marzo, é o último día para inscribirse no "Segundo Cross e a Andaina Solidaria para a investigación Duchenne- Becker. Unha tarde con Samuel", que se celebrará o próximo sábado, día 26, no Parque do Monte do Gozo. Hoxe presentárona a concelleira de Deportes, Esther Pedrosa; Juanma Mata Torreira, pai de Samuel, e Amador Pena, en representación do "Club S.D. Compostela Atletismo", organizador do evento.

Esta mañá tivo lugar no Museo do Pobo Galego a presentación oficial da 17 edición da Mostra Internacional de Cinema etnográfico, que terá lugar do 28 de marzo ao 2 de abril. O mundo do traballo centra a temática desta nova edición do festival, na que tamén volven os aforos ao completo nas proxeccións. A mostra conta co apoio do Concello de Santiago.