TURISMO
Arranca o Paseo Sonoro, no marco do festival O QUE NON SE ESCRIBE
O concelleiro de Turismo, Sindo Guinarte, a Xerente de Turismo de Santiago, Flavia Ramil, e a directora do festival O QUE NON SE ESCRIBE, Aitana Cuétara, inauguraron este xoves o Paseo Sonoro no punto de escoita da Oficina de Turismo de Santiago. A iniciativa, na que colabora Turismo de Santiago, poderá percorrerse ata o 29 de maio e permitirá aos participantes descubrir tesouros sonoros nunha vintena de recunchos do casco histórico.
ACCIÓN CULTURAL
Santiago celebra o Día das Letras Galegas con actividades variadas
A concelleira de Acción Cultural, Mercedes Rosón, presentou esta mañá "Xabón Lagarta", o novo espectáculo que A banda da Loba presentará o próximo luns 16 de maio no Teatro Principal. Este concerto forma parte da programación prevista para o Día das Letras Galegas, que se completará co roteiro "Compostela Exiliada", centrado na figura de Florencio Delgado Gurriarán e doutras personalidades exiliadas; e co recital de poesía "A noite do poeta".
POLITICAS SOCIAIS E SAÚDE
O alcalde e a concelleira de Políticas Sociais e Saúde visitan a mesa da AECC instalada na Praza Roxa
O alcalde de Santiago, Xosé Sánchez Bugallo; e a concelleira de Políticas Sociais, Mila Castro, visitaron este mediodía a mesa da Asociación Española contra o Cancro (AECC) instalada na Praza Roxa, co obxectivo de recaudar fondos para seguir mantendo os seus programas e servizos. Alí, despois de depositar os seus respectivos donativos, interesáronse pola actividade que leva a cabo a entidade, e saúdaron ao presidente da asociación en Compostela, Francisco Pais.
MOBILIDADE
Instálase unha área de estacionamento de bicicletas na estación de autobuses
A estación de autobuses vén de instalar novos aparca bicis co fin de facilitar os desprazamentos aumentando así a súa seguridade e dando un paso máis cara a intermodalidade.
ALCALDÍA
A propiedade presenta unha proposta na Comisión mixta de Peleteiro que amplía a entrada dende República Arxentina
A Comisión mixta de Peleteiro mantivo hoxe unha nova xuntanza na que, ademais das asociacións representadas, todos os grupos políticos, os técnicos municipais, a concelleira de Urbanismo, Mercedes Rosón, e o alcalde de Santiago, Xosé Sánchez Bugallo, participou a propiedade da parcela, que presentou un proxecto coas indicación solicitadas na última xuntanza.
ALCALDÍA
Santiago acolle as xornadas de Innovación en Bosques Urbanos
Xa está aberto o prazo de inscrición para as primeiras xornadas sobre Innovación en Bosques Urbanos que terán lugar en Santiago os vindeiros 19 e 20 de maio. O Concello de Santiago pretende con este evento continuar a senda iniciada pola campaña do Carballo do Bosque do Banquete de Conxo, nomeado Árbore do Ano en España 2022, en prol do patrimonio natural da cidade.
XUNTA DE GOBERNO
A Xunta de Goberno Local adxudica o servizo de ocupación da vía pública na Alameda para a colocación dos postos durante as festas da Ascensión e do Apóstolo
A Xunta de Goberno Local, reunida en sesión extraordinaria, acordou autorizar o servizo de "Ocupación de vía pública no Parque da Alameda de Santiago de Compostela para a colocación de postos durante as festas da Ascensión e do Apóstolo do ano 2022" á empresa a Jesús Pombo, Ferias y Eventos, S.L., que oferta un canon de 110.000,13 euros.
ALCALDÍA
A Axenda Urbana 2030 de Santiago de Compostela inicia o proceso de participación directa da cidadanía a través de formularios en liña
O alcalde, Xosé Sánchez Bugallo, e os co-directores executivos do proxecto, María Cadaval e Santiago Lago, deron hoxe a coñecer a nova fase do proceso de elaboración da Axenda Urbana 2030, coa que se inicia un período propositivo aberto a todas as persoas interesadas en participar. Desde hoxe toda a cidadanía poderá facer chegar as súas propostas, opinións ou suxerencias a través da plataforma web e colaborar así na creación deste documento estratéxico para o futuro da cidade.
ACCIÓN CULTURAL
Preséntase o roteiro "Compostela exiliada", que se desenvolverá entre o 16 e o 18 de maio
A concelleira de Acción Cultural, Mercedes Rosón, presentou hoxe o roteiro "Compostela exiliada", que conta con 90 prazas distribuidas en tres sesións que terán lugar o 16, 17 e 18 de maio. Na rolda de prensa estivo acompañada de Óscar Senra, da cooperativa "Maos Innovación Social", e un dos guías do roteiro.
ACCIÓN CULTURAL E TURISMO
O festival O QUE NON SE ESCRIBE arranca mañá en Compostela co ‘Paradís’ de Joana Gomila & Laia Vallès
A master class do zanfonista Adrià Grandia abrirá a primeira xornada do festival, na que tamén está programada unha palestra arredor do novo mapa que relaciona música tradicional e creación, e que rematará co espectáculo ‘Paradís’ do dúo mallorquí Joana Gomila & Laia Vallés. A partir de mañá tamén será posible xa capturar os tesouros sonoros espallados polo casco vello da cidade. Na selección musical participaron artistas como Rodrigo Cuevas, Alba Carmona ou Refree, entre...