Noticias

Xosé Sánchez Bugallo deu conta en rolda de prensa da proposta da Alcaldía de reparto do remanente de tesourería, logo de "escoitadas as propostas dos grupos da oposición" e tras a segunda reunión da Xunta de Voceiro, que tivo lugar este mañá.

Finalizado o prazo de renovación de prazas para o alumnado actual, a Escola Municipal de Música vén de publicar os postos vacantes para o curso 2022-2023 e abrir os prazos de preinscrición para o novo alumnado, que poderán presentar a súa solicitude ata o 10 de xuño.

36 solistas e 8 agrupacións procedentes de Galicia e do Norte de Portugal participaron nesta edición. O principal premio da Mostra leva o nome de Xosé Manuel Rodríguez-Abella, pedagogo que foi xefe do Departamento de Educación de Santiago durante máis de trinta anos, e un dos pioneiros nos procesos socioeducativos impulsados polos Concellos galegos, recaeu sobre a directora da Orquestra do Conservatorio de Santiago, Carmen Ferreiro.

Numerosos veciños e veciñas acudiron ese mediodía ao patio do antigo colexio Ramón Cabanillas, onde o alumnado da Escola Municipal de Música de Santiago (EMMS) ofreceu un concerto, organizado pola Escola e polo departamento de Educación do Concello.

O alcalde de Santiago, Xosé Sánchez Bugallo, acompañado polos técnicos municipais Suso Amado e Lucía Castro; a xerente de Turismo de Santiago, Flavia Ramil; e a pregoeira María Dolores Domínguez (Madó), presentou esta mañá en rolda de prensa o amplo de programa de actividades da Festa do Banquete de Conxo, en cuxa organización participou tanto o Concello de Santiago como a veciñanza, cun alto nivel de implicación. O día grande das festas será o domingo 22 de maio, cunha romaría...

O alcalde de Santiago e presidente do Consorcio, Xosé A. Sánchez Bugallo, visitou na mañá deste venres as obras da cuberta telescópica das piscinas do complexo de Fontes do Sar. Fíxoo acompañado da concelleira de Deportes, Esther Pedrosa, a xerente do Consorcio, Belén Hernández, a arquitecta responsable do proxecto, Idoia Camariuaga, e a xefa técnica do Consorcio, Lourdes Pérez.

A praza do Obradoiro acolleu este mediodía un minuto de silencio pola muller asasinada o pasado mércores en Tenerife, última vítima de violencia machista.

O Pazo de Raxoi acolleu esta mañá o Consello de Administración e a Xunta Xeral de Mercagalicia, na que se acordou a modificación dos seus estatutos para que a sociedade poida ser medio propio do Concello e de Mercasa, sociedade dependente do Ministerio de Agricultura, entre outros cambios. Asistiron o alcalde de Santiago, Xosé Sánchez Bugallo, e a concelleira de Facenda e Orzamentos, Marta Abal.

Despois dun 2020 sen Ascensión e dunha edición reducida no 2021 por mor da pandemia, volven as festas compostelás por excelencia, desde o mércores 25 ata o domingo 29, con concertos, orquestras, monicreques, e en xeral unha gran variedade de actividades para todos as idades e todos os gustos. Ademais, tras dous anos de parón, este ano recuperarase a Festa dos Maiores que terá lugar o próximo sábado 28 no Recinto Ferial de Amio, unha cita social moi aprezada polos nosos maiores; así como a tradicional Feira Cabalar durante a...

A concellaría de Mocidade organiza unha nova edición do "Campamento de verán de surf", destinado a menores de entre 14 e 17 anos, que se desenvolverá en Oleiros, entre o 1 e o 8 de xullo. Contará con 30 prazas, dez máis que o ano pasado. O prazo de inscrición comeza o vindeiro mércores, 18 de maio, e remata o 8 de xuño.