XUNTA DE GOBERNO
O 1 de xuño ábrese o prazo para solicitar os permisos para a celebración das cacharelas e sardiñadas da noite de San Xoán
O 1 de xuño ábrese o prazo para solicitar os permisos para a celebración das cacharelas e sardiñadas da noite de San Xoán, tanto en terreos de propiedade privada como pública. Así o recollen as normas de seguridade aprobadas hoxe en Xunta de Goberno.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada en Vélez (Málaga), última vítima de violencia machista.
COMERCIO
"Prima 22. A festa do comercio local" dinamizará na segunda fin de semana de xuño diferentes barrios da cidade
O alcalde de Santiago, Xosé Sánchez Bugallo, animou ao sector comercial e ás asociacións a participar na terceira edición de "Prima 22. A festa do comercio local", que se desenvolverá o xoves 9, o venres 10 e sábado 11 de xuño de 2022 en distintos barrios de Santiago. Un evento, sinalou o rexedor, "que pretende reforzar a aposta do Concello de Santiago polo comercio local e de proximidade". Ademais do alcalde, na presentación estivo presente a técnica responsable da área de Comercio, Lucía...
TURISMO
Case 200 establecementos inscritos na campaña de dinamización de Compostela Diversa
Máis de 80 comercios, outros tantos bares e restaurantes e 35 hoteis sumáronse a esta acción prevista para a celebración do Orgullo LGTBI para a que se lles entregará distinto material coma mandilóns ou manteis.
ALCALDÍA
O día grande da Festa do Banquete de Conxo celébrase este domingo
A Carballeira de Conxo acollerá finalmente este domingo o xantar e a romaría popular da Festa do Banquete, na que a cidadanía poderá desfrutar das diversas recreacións teatrais deste evento histórico, actuacións musicais e o ambiente de troula. Esta xornada festiva, prevista inicialmente para o día 22 de maio, tivo que ser aprazada por mor do mal tempo.
TURISMO
Turismo de Santiago promociónase no Meeting & Incentive Summit (MIS), en Madrid
A través do Santiago de Compostela Convention Bureau, o servizo para á promoción da cidade como destino de Congresos, Xornadas e Incentivos, participou no maior encontro MICE que ten lugar no noso país.
MEDIO AMBIENTE
Cortan os circuitos de aire e o cableado eléctrico de varios vehículos de recollida de lixo
A Policía Nacional investiga a sabotaxe acontecido a pasada noite do 25 de maio na nave que a empresa concesionaria do servizo de limpeza do concello de Santiago de Compostela, Urbaser, ten no Polígono do Tambre. Cortaron os circuitos de aire e o cableado eléctrico de varios vehículos de recollida de lixo. Son cortes limpos, realizados, segundo o parte da policía local, e tal e como se pode apreciar nas fotografías adxuntas "cun obxecto cortante".
XUNTA DE GOBERNO
Aprobado inicialmente o plan especial que permitirá implantar a plataforma loxística de mercadorías na parcela de equipamento institucional IA-8 de Mallou
A Xunta de Goberno Local acordou aprobar inicialmente o "Plan especial de infraestruturas e dotacións" na parcela de equipamento IA-8 para a implantación da plataforma loxística de Mallou, formulado de oficio polo Concello de Santiago. Segundo informou o alcalde, Xosé Sánchez Bugallo, en rolda de prensa, a localización, xunto á rotonda de Meixonfrío, entre a Av. de Asturias e a Av. da Coruña, é a máis idónea, para "o funcionamento operativo do servizo", que permite establecer un novo modelo...
ACCIÓN CULTURAL
Volve o festival de artes performativas Plataforma do 9 ao 18 de xuño
O festival ofrecerá entre o 9 e o 18 de xuño, múltiples propostas entre as que destacan o primeiro proxecto de Marta Pazos tras a disolución de Voadora, accións performativas de Chévere, Daniel García Andújar ou María Salgado con Fran MM Cabeza de Vaca e colaboracións artísticas entre creadores como Chus Pato e Rodríguez-Méndez ou Macarena Montesinos coa Banda Municipal de Música de Santiago.
PROMOCIÓN ECONÓMICA
UNINOVA celebra hoxe o segundo CaféCon do proxecto SPIN_UP
O Edificio Emprendia (Campus Vida) acolleu esta mañá o segundo CaféCon, unha xornada de networking dirixida ás iniciativas participantes e aos socios de SPIN_UP, proxecto de cooperación transnacional Galicia-Norte de Portugal que pretende fomentar o desenvolvemento empresarial e apoiar o emprendemento universitario neses territorios.