TURISMO
A Comisión especial da memoria histórica dá o visto bo á colocación dun memorial en Santa Isabel en lembranza dos presos reprimidos pola ditadura
A Comisión especial da memoria histórica do Concello de Santiago, reunida hoxe, deulle o visto bó á colocación dun memorial na zona onde antigamente estaba o cuartel de Santa Isabel, en memoria, segundo explicou o concelleiro de Presidencia e Relacións Institucionais, Sindo Guinarte "dos presos reprimidos pola ditadura ente 1939 e 1946".
POLÍTICAS SOCIAIS
O Concello asina catro novos convenios con Banco de Alimentos, Fundación Down, Aspanaes e o Colexio de Avogados de Santiago por un importe total de 20.000 euros
O alcalde de Santiago, Xosé Sánchez Bugallo, acompañado pola concelleira de Políticas Sociais Mila Castro, asinou esta mañá catro novos convenios por un valor total de 20.000 euros. Os acordos subscritos hoxe foron coa Asociación Banco de Alimentos, a Fundación Down Compostela, Aspanaes e o Colexio de Avogados de Santiago, que se suman aos outros 14 convenios asinados nas pasadas semanas con outras entidades sociais locais por un importe total de 427.500 euros.
EMPREGO
Os alumnos e alumnas do programa de emprego Santiago Sustentable III reciben os seus diplomas na carballeira de Conxo
O alcalde de Santiago, Xosé Sánchez Bugallo, e a directora xeral de Formación e Colocación da Xunta, Zeltia Lado Lago, entregaron esta mañá os diplomas do programa de emprego Santiago Sustentable III aos 16 alumnos e alumnas participantes. Durante o acto tamén se presentou a app desenvolvida polo propio alumnado, coa que se pretende dar a coñecer as especies arbóreas do municipio ao mesmo tempo que se implica a cidadanía na identificación de novos exemplares.
XUNTA DE GOBERNO
A Xunta de Goberno aproba as bases dos bonos "Corazón Compostela Praza de Abastos"
A Xunta de Goberno Local, reunida en sesión extraordinaria, aprobou as bases da concesión de axudas, do programa de dinamización e incentivación do consumo no comercio e hostalería da Praza de Abastos a través dos bonos "Corazón Compostela Praza de Abastos".
EDUCACIÓN
A Escola Municipal de Música programa dous obradoiros de verán
A Escola Municipal de Música e o Departamento de Educación do Concello de Santiago de Compostela iniciaron por primeira vez unha programación específica para o verán con actividades dirixidas a todas as idades, que contou cun elevado número de inscricións.
CONSORCIO
A Real Filharmonía de Galicia "escoitará o mundo" na súa programación para a temporada 2022-23
32 concertos en Santiago e 18 por toda Galicia compoñerán unha completa programación que irá de outubro a maio. Será a derradeira temporada programada por Paul Daniel como director artístico da orquestra.
MEDIO RURAL
O concelleiro de Medio Rural visita as actividades de verán nos centros socioculturais do rural
O programa posibilita que durante as mañás do mes de xullo os nenos e nenas das parroquias poidan desfrutar de actividades de tempo libre en torno aos centros socioculturais das parroquias.
ALCALDÍA
Recepción a Compostela Monumental no seu 30 aniversario
O Pazo de Raxoi abriu hoxe as súas portas á Asociación de Comerciantes Compostela Monumental, que celebra nestas datas o 30 aniversario da súa creación. Foron recibidos polo alcalde de Santiago, Xosé Sánchez Bugallo, e por representantes de todos os grupos políticos da Corporación.
ACCIÓN CULTURAL
‘El jarrón infinito’ de Mar Ramón Soriano, nova intervención na Zona C
Seleccionada na modalidade de proxectos de creación artística para o espazo poderá visitarse, de balde, até o 24 de setembro. Este novo proxecto ocupará o primeiro e segundo andar da Zona C, situada na Praza de Cervantes.
TURISMO
Turismo de Santiago lanza unha campaña para poñer en valor a calidade do sector
O concelleiro de Turismo, Sindo Guinarte, e a xerente de Turismo de Santiago, Flavia Ramil, presentaron unha nova campaña de comunicación e marketing co obxectivo de mellorar a promoción dos establecementos e empresas da cidade especialmente comprometidos coa calidade, en concreto aqueles que contan coa distinción do Sistema Integral de Calidade en Destino (Sicted).