Noticias

Este venres 16 de decembro, ás 19:00 horas, a Sala Brage do Auditorio de Galicia acollerá o Festival de Nadal 2022 da Escola Municipal de Música. No concerto, as agrupacións e colectivos da EMM darán a coñecer o traballo desenvolvido ao longo destes meses.

En relación co precintado do local Cacao, aclarar que desde o departamento de Urbanismo, decretouse o peche do local por:

-Carecer de licenza de obra maior, ao non serlle concedida por non presentar a documentación que dilixentemente se lle foi requirindo. A única licenza que tiñan era unha licenza de obra menor para pequenas demolicións interiores e de tabiquería e para baleirado do local, solicitada en xuño de 2021 e concedida ese mesmo mes, concretamente o 23 de xuño de 2021, por un importe algo superior aos seis mil...

O concelleiro de Políticas Lingüísticas, Rubén Prol, presentou esta mañá a Festa do Apego, que se celebrará o venres 30 de decembro, no Auditorio de Galicia. A festa do Apego é unha excelente alternativa nestas datas de Nadal para que as familias teñan diversas opcións e poidan compartir un tempo e un espazo con outros pais e nais interesados na crianza en galego.

O martes e xoves poderá descubrirse a Compostela Patrimonio Mundial mentres que o mércores e venres percorrerase a Compostela Oculta

Este proxecto forma parte das propostas seleccionadas na categoría de intervención artística para este espazo, situado na praza de Cervantes. A exposición permanecerá aberta ata o 11 de febreiro de 2023 no horario habitual da Zona C: de martes a sábado, de 11.00 a 14.00 h e de 16.00 a 19.00 h.

O Salón Nobre do Pazo de Raxoi acolleu esta mañá o acto de homenaxe e entrega de placas aos traballadores e traballadoras municipais que se xubilaron neste 2022

A Xunta de Goberno Local, reunida hoxe, aprobou a licitación do servizo de conservación, mantemento, reposición e nova instalación da sinalización do termo municipal para os próximos tres anos por 1.949.153,44 euros; e do contrato mixto, de obras e subministración, para a creación dunha zona de xogos infantís no parque do Avío, que conta cun orzamento de 117.817,34 euros. Tamén se deu luz verde á resolución das subvencións para o fomento do deporte federado,por un importe de 299.999,76 euros, das...

O Consello Económico e Social do Concello de Santiago, órgano de participación das asociacións e entidades do ámbito socioeconómico no seguimento das cuestións da cidade e na determinación das medidas e decisións que se toman para o futuro, celebra hoxe un novo encontro no edificio CERSIA de San Lázaro presidido polo alcalde, Xosé Sánchez Bugallo.

Lúa Mosquetera e Wilma Vieira, na categoría de poesía, Xisco Feijóo e Ana Moura, na de música, e Ponte... nas Ondas! recibirán os galardóns nunha gala que contará coas actuacións da artista lusa A garota não e da galego-arxentina Catuxa Salom. As entradas para asistir de público ao Teatro Principal poderán adquirirse de balde en compostelacultura.gal a partir deste martes día 13.

O Goberno Municipal ten previsto aprobar a inclusión da rúa da Fonte dos Concheiros na zona 3 de residentes de San Pedro. Trátase dunha petición veciñal que o departamento de Circulación e Seguridade Cidadá, que dirixe Gonzalo Muíños, incluiu na orde do día da Xunta de Goberno que se vai desenvolver mañá luns.